التقديم + معلومات هامه لطلبة حاسبات و معلومات حلوان الجدد

[!KIMO!]

السلام عليكم
========
الموضوع ده لطلبة حلوان الجدد معلومات مجمعه بخصوص التقديم

بالنسبة للطريق : أسهل طريق انك تركب المترو و بعد كده تنزل محطة جامعة حلوان و تطلع من المحطة تعدى السلم الناحيه التانيه و تدخل من الباب الرئيسى ببطاقة الترشيح بتاعتك و ممكن تركب تاكسى من أدام الباب ب 2 - 3 جنية و تقوله حاسبات :D
أو تتمشى شويه شويتين كده من أدام الباب تنزل السلالم و تمشى على طول لحد اخر الجامعه خالص :D
و اسأل و انتا ماشى عشان متتوهش

-----------------------------------------------
دى الاوراق المطلوبه و انتا بتقدم



=================================
و بالنسبة لطلبة الاقاليم و اللى هتقدم فى المدينة دى الاوراق برضه




و الجروب الرسمى الخاص بدفعتكوا
http://www.facebook.com/groups/fcih13/

و دى البيدج الرسمية لاتحاد الطلبه
http://www.facebook.com/FCIHStudentUnion


و التقديم على ما اعتقد انه بدأ من ددلوقتى و لحد بعد ما الدراسه تبدأ بفتره قليله

و لو أى حد عندة استفسار بخصوص الكليه يسألنى فى الموضوع هنا

[Eng.Mo'men]

ياترى بتاع التاكسي هيعرف يعني ايه حاسبات

[!KIMO!]

المشاركة الأصلية كتبت بواسطة Eng.Mo'men

ياترى بتاع التاكسي هيعرف يعني ايه حاسبات

اه هيبقى عارف
عشان التاكسيات بتبقى شغاله جوه الجامعه نفسها يعنى عارفين الاماكن

[عمرو و خلاص]

نعممممممممممممممممممممممممممم ؟ انا هركب تاكسي جوة الجامعة علشان اوصل لحاسبات هي جامعة حلوان كبيرة للدرجة دي؟؟؟؟؟؟؟؟؟؟؟؟؟؟؟؟؟؟؟ اول مرة اسمع الحكاية دي

[!KIMO!]

المشاركة الأصلية كتبت بواسطة عمرو و خلاص

نعممممممممممممممممممممممممممم ؟ انا هركب تاكسي جوة الجامعة علشان اوصل لحاسبات هي جامعة حلوان كبيرة للدرجة دي؟؟؟؟؟؟؟؟؟؟؟؟؟؟؟؟؟؟؟ اول مرة اسمع الحكاية دي

هو تاكسى عشان تريج نفسك
بس فعلا جامعة حلوان اول او تانى اكبر جامعه فى مصر
و حاسبات فى اخر الجامعه ،،، مشى 10 دقايق ربع ساعه كده

[amralmagic]

الف شكرررررررررر انا رايح حاسبات ومعلومات حلوان حلوان

[عمرو و خلاص]

المشاركة الأصلية كتبت بواسطة !kimo!

هو تاكسى عشان تريج نفسك
بس فعلا جامعة حلوان اول او تانى اكبر جامعه فى مصر
و حاسبات فى اخر الجامعه ،،، مشى 10 دقايق ربع ساعه كده

دة انا كدة شكلي مش هوصل الكلية قبل الساعة 12 دة كدة هركب ميكروباس للعباسية بعد كدة ميكوباس لرمسيس بعد كدة مترو لحلوان بعد كدة تاكسي جوة الجامعة بعد كدة ادور علي مكان المحاضرة و السيكشن لاني لسة اول مرة هدخلها بس بجد شكرا علي المعلومات انا كنت ناسي حاجات كتيرة في ملف التقديم و انت فكرتني بيهم

[!KIMO!]

المشاركة الأصلية كتبت بواسطة عمرو و خلاص

دة انا كدة شكلي مش هوصل الكلية قبل الساعة 12 دة كدة هركب ميكروباس للعباسية بعد كدة ميكوباس لرمسيس بعد كدة مترو لحلوان بعد كدة تاكسي جوة الجامعة بعد كدة ادور علي مكان المحاضرة و السيكشن لاني لسة اول مرة هدخلها بس بجد شكرا علي المعلومات انا كنت ناسي حاجات كتيرة في ملف التقديم و انت فكرتني بيهم

يا عم مش اوى كده التاكسى ده هياخد دقيقتين ولا حاجة مش كتير يعنى
و اما يجى اول يوم ان شاء الله المفروض ان بيتعملكوا welcome party كده تعرفوا نظام الكليه و بعد كده احنا هنكون معاكوا ان شاء الله

[عمرو و خلاص]

عايزين نعمل جروب علي الفيس نسميه حاسبات حلوان و نتعرف علي بعض قبل ما ندخل لان مفيش حد عندي من الدرسة دخل الكلية فمعرفش حد هناك و بالمرة اعرف اصحاب جداد

[!KIMO!]

الجروب الرسمى الخاص بدفعتكوا
http://www.facebook.com/groups/fcih13/

موجود فى الموضوع

[عمرو و خلاص]

شكرا يا كيمو علي الرابط و انا رحت النهاردة قدمت الملف لاقيت المبني بتاع الكلية نضيف جدا و اتحاد الطلبة هناك كلهم محترمين جدا و ساعدوني في كل حاجة و مسبونيش و انا بقدم الملف

[!KIMO!]

المشاركة الأصلية كتبت بواسطة عمرو و خلاص

شكرا يا كيمو علي الرابط و انا رحت النهاردة قدمت الملف لاقيت المبني بتاع الكلية نضيف جدا و اتحاد الطلبة هناك كلهم محترمين جدا و ساعدوني في كل حاجة و مسبونيش و انا بقدم الملف

ربنا معاك ان شاء الله

[m121294]

سوال معلش انا سمعت ان حاسبات معظم شغلها كمبيوتر وانا مبفهمش في الكمبيوتر كتير بعرف حاجات بسيطة زي الفيس وكدا فده هينفع في الكلية ولا اعمل ايه انا حاسبات حلوان اول سنة

[!KIMO!]

المشاركة الأصلية كتبت بواسطة m121294

سوال معلش انا سمعت ان حاسبات معظم شغلها كمبيوتر وانا مبفهمش في الكمبيوتر كتير بعرف حاجات بسيطة زي الفيس وكدا فده هينفع في الكلية ولا اعمل ايه انا حاسبات حلوان اول سنة

مش هتفرق معاك اوى متقلقش ان شاء الله

[m121294]

لا انا بسال بس هل هعرف اكون كويس في الكلية واجيب تقدير ولا هيبقى صعب علشان هيكون في ناس بتفهم اكتر