موعدنـــــــــــــا 10/9/2012 ثورة معلمون !

[foash002002]

كرامة المعلميـــــــــــــــــــــــن
اعرف حقـــــك
* لماذا ثورة معلمى مصر؟
1- لما تعرف انك أقل واحد فى المرتبات بحرمانك من حافز الإثابة 200% المستحق صرفه لجميع العاملين بالدولة بحجة الكادر الخاص ومكافأة الامتحانات مع أن هذا مخالف لنص المادة 89 من القانون 155 لسنة 2007 الخاص بالكادر الخاص للمعلمين . مع العلم بان مرتبات بعض المعلمين لا تتجاوز 500جنية شاملة الكادر والحوافز الخ للدرجة الثالثة وفى نفس الوقت لا نكمل نصف مرتب عامل فى المصرية للاتصالات او عامل فى وزارة الكهرباء على الدرجة السادسة
2- كان النظام السابق يتبنى إفساد التعليم وعدم الاهتمام بحقوق العاملين به وظهر هذا جلياً على مدار عقود من الزمن أما بعد الثورة زاد الأمر سوءا وصار العامل أفضل حالا من المعلم وصار المعلم يتمنى لو أصبح عامل باى وزارة أخرى
3- لما درجاتك وترقياتك تتاخر عن ميعادها وتتذل فى امتحانات مهينة يبقا لازم تعرف
4- لما نصابك من الحصص يزيد بحقة الكادر اللى مفيش منه فايدة يبقا لازم تعرف
5- لما تكون بتاخد 200يوم مكافاء وأقل واحد فى ديوان الوزارة بياخد 500 يوم يبقا لازم تعرف
6- لما تكون فى المدرسة بتعمل كل حاجة (مدرس – مشرف- عامل –أمين عهدة – أمن ) يبقا لازم تعرف ان ده مش شغلك
7- لما تطلع معاش ويكون معاشك ومكافاتك اقل من اقل عامل فى مصلحة تانية يبقا لازم تعرف
8- لما متعرفش تشترى لاولادك ملابس جديدة للعيد يبقا لازم تعرف انك معلم
سؤال بسيط:- لماذا كل دول العالم تحترم المعلم وتضعه على قمة الهرم الوظيفي بينما في مجتمعنا نجده في قاع الهرم الوظيفبي؟
من علمني حرفا صرت له ناكرا للجميل ومطنش وعامل عبيط
الظاهر انهم فاهمين غلط
************
متفكرش فى نفسك وتقول ياعم انا بدى دروس مليش دعوة ......ياعم كبر ...علشان كرامتك لازم تشارك احنا مش عاوزين غير حقوقنا عايزين اصلاح لحال المعلم وحال التعليم ....من حق اولادنا لازم نشارك لازم نرجع حقوقنا المنهوبة وكرامتنا .......لازم توصل الثورة الى وزارة التربية والتعليم وتعرف ان فى حاجة اسمها عدالة اجتماعية
من حق اولادك ان تشارك