كان نفسىىىىىىىىىىىى!!!!!!!!!!

[MARRON-5]

السلام عليكم
طبعا يا دكاترة كلنا لا معظمنا ماكانش عاوز يدخل بيطرى
ولسبب من الاسباب(عشان مجموعه جاب الكلية)
دخل بيطرى

المهم قدر الله وما شاء فعل

ايه رايكم كل واحد كان نفسه ف كلية تانية
يدخل يقولنا هى ايه؟وكان عاوز يدخلها ليه؟

[senyorita rana]

صيدلة . بحب اوي الكيميا

[captinmido]

لا معلش انا مش عجبانى الفكرة دى لية تقلب المواجع كدة مش عارفممكن يبقى اعتراض ومفيش اعتراض على قضاء ربنا سبحانة وتعالى فبلاش احسن الفكرة دى انا اسف طبعا انى دخلت وانا ملي حق بس دى نصيحة انت زى اخويا

[MARRON-5]

المشاركة الأصلية كتبت بواسطة senyorita rana

صيدلة . بحب اوي الكيميا

وانا برضه زيك كنت عايزة طب اسنان او صيدلة بس الحمد لله

[MARRON-5]

المشاركة الأصلية كتبت بواسطة captinmido

لا معلش انا مش عجبانى الفكرة دى لية تقلب المواجع كدة مش عارفممكن يبقى اعتراض ومفيش اعتراض على قضاء ربنا سبحانة وتعالى فبلاش احسن الفكرة دى انا اسف طبعا انى دخلت وانا ملي حق بس دى نصيحة انت زى اخويا

لا ما تعتذرش و طبعا ده حقك حتى لو الفكرة مش عاجباك
بس ده مش اعتراض ع ارادة ربنا ولا حاجة بالعكس
ده اعتراف بارادته

[captinmido]

تمام يا دكتور المستقبل انت طب بيطرى اية بقى ؟
قصدى المحافظة يعنى

[MARRON-5]

انا طب بيطرى دمنهور وانت بيطرى ايه؟

[yoyo_2020]

أنا طب بيطرى النتصورة وكان نفسى فى صيدلة لانى بحب تصنيع الادوية ولكن قدر الله وما شاء فعل

[Dr.Mohamed Attia]

صيدله لان اخواتى 4 صيادله وكان نفسى اكمل المنظومة لانهم حببونى فيها جدا بس قدر الله وما شاء فعل وان شاء الله هكون احسن ف المجال اللى ربنا اختاره ليا

[MARRON-5]

المشاركة الأصلية كتبت بواسطة yoyo_2020

أنا طب بيطرى النتصورة وكان نفسى فى صيدلة لانى بحب تصنيع الادوية ولكن قدر الله وما شاء فعل

الحمد لله ع كل حاجة ويمكن طب بيطرى احسن من صيدلة واحنا مش واخدين بالنا!!!!!!!!!!!
بس ممكن برده تفتحى صيدلية ويبقى ليكى علاقة بالادوية ولا ايه

[MARRON-5]

المشاركة الأصلية كتبت بواسطة Dr.Mohamed Attia

صيدله لان اخواتى 4 صيادله وكان نفسى اكمل المنظومة لانهم حببونى فيها جدا بس قدر الله وما شاء فعل وان شاء الله هكون احسن ف المجال اللى ربنا اختاره ليا

ان شاء الله يا د:محمد ح تبقى حاجة مهمة(بس ابقى افتكر انى اول واحدة قولت لك)

[مارينام]

انا كان نفسي ادخل طب بشري القاهره بس للاسف حصلي ظلم كبير في التصحيح ولم عملت تظلم في الفيزياء لقيت المصحح مش مصححلي سؤال كامل يعني 10 درجات وكمان ناسي مايحطلي درجات علي بعض خطوات المسائل يعني كمان 2ونص درجه بس الحمد لله علي كل حال انا خايفه جدا من بيطري عشان انا بخاف وبقرف من الحيوانات ربنا يستر

[احمد حسن محمد قاسم]

انامعاكى فى وجهة نظرك هى فعلا البيطرى تكاد تكون صعبة للبنات بس انا بنصحك تدخلى على موقعها وتعرفى اكتر عن اقسامها وسعتها هتحبيها وكمان لما تدخلى فى الدراسة هتحبيها اكتر وفى النهاية محدش عارف الخير فين يمكن تكونى فى بيطرى متفوقه عن زميلاتك فى طب بشرى

[احمد حسن محمد قاسم]

انا فى بيطرى الزقازيق

[MARRON-5]

المشاركة الأصلية كتبت بواسطة مارينام

انا كان نفسي ادخل طب بشري القاهره بس للاسف حصلي ظلم كبير في التصحيح ولم عملت تظلم في الفيزياء لقيت المصحح مش مصححلي سؤال كامل يعني 10 درجات وكمان ناسي مايحطلي درجات علي بعض خطوات المسائل يعني كمان 2ونص درجه بس الحمد لله علي كل حال انا خايفه جدا من بيطري عشان انا بخاف وبقرف من الحيوانات ربنا يستر

معلش بقى مش انتى لوحدك فيه ناس كتيرة كده
بس ع فكرة انا عايزة اشجعك ان طب بيطرى كلية حلوة ف دراستها وشغلها
وبالنسبة للتظلم انا حصل لى موقف زى ده ولسه مستنية التيجة
بس حتى لو اضاف لى درجات انا ح ادخل بيطرى يعنى بيطرى مع ان الدرجات دى ممكن تجيبلى صيدلة بس انا قررت واقتنعت بيها