لغبطت ف التنسيق

[درة السماء]

واحدة صحبتي لغبطت في ترتيب الرغبات وجالها هندسة طاقة اسوان مع العلم ان مجموعها يجيب هندسة اقاليم غير اسكندرية بس غير طاقة دي
تعمل ايه ؟؟؟
هل ينفع تحول من هندسة طاقة لهندسة اسكندرية بس مجموعها مش جايب اسكندرية؟؟؟

[درة السماء]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[*مسلمة مصرية*]

اسألى فى التنسيق (اتصلى على 19468)

[درة السماء]

المشاركة الأصلية كتبت بواسطة متبعة القران

اسألى فى التنسيق (اتصلى على 19468)

جزاك الله خيراااااااا

[jo_adelmazeka]

يا ريت لو حد عرف الحل يكتب عشان انا عندي نفس المشكلة

[kimotaker]

ينفع تحول طبعاً ما دام مجموعها جاب الحد الأدن للهندسة
والتحويل اسمه تحويل لكليه غير مناظرة

[درة السماء]

المشاركة الأصلية كتبت بواسطة kimotaker

ينفع تحول طبعاً ما دام مجموعها جاب الحد الأدن للهندسة
والتحويل اسمه تحويل لكليه غير مناظرة

جزاك الله خيرااااااااااا
بس كلام أكيد؟؟
و هو الحد الادنى لهندسة كام أصلا

[kimotaker]

المشاركة الأصلية كتبت بواسطة درة السماء

جزاك الله خيرااااااااااا
بس كلام أكيد؟؟
و هو الحد الادنى لهندسة كام أصلا

طبعاً الكلام ده اكيد
الحد الأدن للهندسه
387.5
قوليلى صحبتك د جايبة كام وانا أقولك ممكن تحلق انه هندسه
ود شروط التحويل جيبها من موقع الوزاره


تعتبر الكليات والمعاهد التالية هي كليات فريدة ليس لها مناظر، والتحويل منها أو إليها يخضع لنظام التحويل لكليات غير مناظرة، وهذه الكليات هي:

1. كلية الطب بالإسماعيلية.

2. كلية الهندسة الإلكترونية بمنوف.

3. كلية البترول والتعدين بالسويس.

4. كلية التخطيط العمرانى بالقاهرة

5. كلية هندسة الطاقة جامعة اسوان





تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.



عل فكره انا كمان من الأسكندرية والحمد لله جتل هندسه الأسكندرية

[Moustafa Raafat]

لالا خلى بالك لما تحولى هتحولى لكلية غير مناظرة

بس متكتبيش اسكندرية بقى عشان انتى لازم تكونى جبتى الحد الادنى ليها اكتبى اى هندسة تانية مجموعها يجيبها .. وبعد كده خليها تحول على اسكندرية تحويل ورقى ب 150 جنيه

ابقى طمنينا ..

[mimijem]

لو سمحتم انا مجموعى 86.1% علمى علوم التنسيق جابنى اداب دمياط جامعه المنصوره و انا من اسكندريه احول لاداب اسكندريه ازاى و بكام و امتى لو سمحتم يا ريت حد يرد عليا بسرعه عشان انا سمعت انا التحويل فى الاول بيبقى مجانى و انا عايزه الحق احول قبل متروح عليا

[درة السماء]

المشاركة الأصلية كتبت بواسطة mimijem

لو سمحتم انا مجموعى 86.1% علمى علوم التنسيق جابنى اداب دمياط جامعه المنصوره و انا من اسكندريه احول لاداب اسكندريه ازاى و بكام و امتى لو سمحتم يا ريت حد يرد عليا بسرعه عشان انا سمعت انا التحويل فى الاول بيبقى مجانى و انا عايزه الحق احول قبل متروح عليا

استني التحويل الالكتروني لما يفتح غالبا بكرة او يوم الخميس وحولي من عليه

[جمــ الروح ـال]

اه ينفع انا بنت عمى عملت كدا

وربنا يوفقكم