لكل اللى جايب علاج طبيعى ومكنش عايزها...

[رامى قشوع]

بص يا سيدى انا عارف ان مهما حد حاول يقنعك ان العلاج الطبيعى احسن من الصيدله او الاسنان مش هتقتنع (اسأل مجرب ) لانك هتلاقيهم اعلى من العلاج الطبيعى ف المجموع و حتى لو بصيت ف الجامعات الخاصه هتلاقى مصاريف صيدله مثلا اكتر من علاج طبيعى ودا طبعا بيكون ليه تأثير كبيير انك مش هتقتنع ان علاج طبيعى احسن من صيدله او اسنان لأنى ببساطه انا كمان مش مقتنع .. :P

بص انا كنت جايب السنه اللى فاتت مجموع صيدله بس دخلت علاج طبيعى رغم انى عاااارف ان علاج طبيعى ( فى نظر عامه الناس ) مش احسن من صيدله بس انا ميولى انى ابقه دكتوور , اشغل ف مستشفى , يبقى عندى عيانين , اعااالج , اتعامل مع النااس و يبقى عندى طقم الممرضات بتاعى.. ومش هضحك عليكو لو كان جالى اسنان او بشرى كنت دخلتهم طبعا :P

بس انتا دلوقتى جالك علاج طبيعى وهى مش ف دماغك ف دا قضاء الله و هى مش كليه وحشه ابدااا بالعكس دى هايله ومستقبلها جميل و خريجيها مطلوبين بس نصيحتى ليييك . حااول متبصش على اى كليه تانيه عشان تعرف تفكر كويس , و اقرا عن العلاج الطبيعى , شوف فيديوهاات عنه , انزل اى مستوصف او مستشفى وشوف قسم العلاج الطبيعى فيه وبعد كده قرر .. هل الشغل ده عجبك ؟ هل انت حابب الموضوع ده ؟

ساعتها بقى لو عجبك يبقى ارضى باللى ربنا قسمه لييك . لو حاسس انك مش هتعرف او مش حابب . ساعتها تقدر تشوف بقه اى كليه تانيه وتحول لها . سواء خاصه او حكوومه

وانا كان نفسى احطلكو كام حاجه جامده وفيديوهات و كويزات تساعدكو ف الاختيار وتبينلكو اكتر ايه هو العلاج الطبيعى ودوره بس للاسف مش عارف ليه الموقع ده مش بيبقبل اى رابط احطه ..
عموما اى استفساار انا موجود

[رامى قشوع]

ولو حد عايز الكويز و الفيديو و الحجات دى يقوول وانا هبعتهومله

[thanawia]

طيب بالنسبة لنقابة العلاج الطبيعي ؟
الكارنيه بيكون مكتوب عليه إيه ؟
أخصائي و لا دكتور ؟
و هل لما تخلص سنة الإمتياز من حقك تفتح عيادة ؟
و من حقك تاخد لقب دكتور ؟

[Nada_Mohsen]

بص بالنسبة لدكتور
أنت لقبك دكتور بالعرف زى بشرى وأسنان و صبدله و بيطرى
و أساسا مفيش حد من دول ولا أحنا طبعا قانون لينا لقب دكتور لأن الدكتور ده اللى معاه دكتوراه بس لكن فى العرف بنقول دكتور للكليات الطبية و أحنا منها
لكن موضوع كارنيه النقابة معرفش لأنى طالبة لسا لكن اللقب بيبقى حسب الدرجة العلمية بتاعتك على حد ما أنا فاهمة

[سمسم ك.م]

ياريت يا جماعة منبصش على كلمة دكتور او غيره يا ريت نبص على هدف المهنة دى ازاى هنقدر نفيد غيرنا او نكون سبب فى شفاء مريض
مشكلة البلد دى بقت ثقافة الشعب فياريت نقدر نغيرها ونكون احسن

[عبدالله العشيري]

بسم الله الرحمن الرحيم
للي بيسأل عن كارنية النقابة بيتكتب فيه دكتور فلان ممارس أو أخصائي أو استشاري العلاج الطبيعي , وبتمضي في دفتر الأطباء في المستشفى وليك حق تفتح عيادتين لكن بعد الماجستير أو مرور 5 سنوات من التخرج والناس بتفتح باسم اي دكتور كبير للي عاوز يفتح , الشغل بيكون بدري وكان معانا ناس شغالة ي سنة 2 وكانوا بيجيبوا فلوس كويسة , وان شاء الله تتبسطوا في الكلية والل عاوز اي سؤال عن الكلية يراسلني على الفيس بوك elashiri
,hodvh Hv[, hgh kfpe ,vhx hgrhf < hglil i, ],v; td hgl[jlu ,pf; glikj;

[رامى قشوع]

اولا الفرق بين خريج العلاج الطبيعى و الطب الطبيعى :
اولا : كليه العلاج الطبيعى كليه متخصصه زى الاسنان كده . انت متخصص فى حاجه معينه يعنى انتا بتدرس العلاج الطبيعى من سنه اولى ل سنه 5 وماجيستيرك و والدكتوراه كله ف المجال ده .. اما بالنسبه للطب فهو بيدرس 7 سنين فى الكليه بعد كده بيتخرج و يعمل ماجيستير سنتين او 3 فى الطب الطبيعى ويتخصص فيه..

بس كده

بس لو انتا ليك واحد صحبك ودخل طب وانتا دخلت علا طبيعى عقبال ما هو خلص المشوار ده ويعد 10 سنين عشان يتخصص مثلا ف الطب الطبيعى و يفتح عياده تكون انتا يا راجل اتجوزت و عندك عيال :P

ثانيا من حيث العلم : اولا طبيب الطب الطبيعى بحكم دراسته فى كليه الطب فهو بيدرس حاجات كتيير وبياخد روندات جراحه - رمد - الخ حاجات ممكن متكونش مفيده اوى فى تخصصه لكن طبعا خريج العلاج الطبيعى بما انه متخصص فهو بيدرس كل حاجه متعلقه بالعلاج وبرده وبياخد راوندات عظام - باطنه - مخ واعصاب - نسا - اطفال
الحاجات اللى هتفيده فى شغله لكن طبعا عمره ما هيدرس رمد مثلا

ثالثا ناحيه هو دكتور ولا لا :
اولا يعنى ايه دكتور ؟؟
بص يا سيدى اولا فى فرق بين طبيب و دكتور .. الطبيب هو خريج كليه الطب ( الطب البشرى - طب الاسنان - الطب البيطرى )
اما الدكتوور دى حاجه بتتقال بالعرف للدكاتره اللى بيعالجو الناس وكده
يعنى لو بالانجلش اخصائى العلاج الطبيعى doctor بس مش physician ....
طبعا انت الكل هيقلك يا دكتوور فى المستشفى و فى العياده و فى الكليه لان انتا فعلا دكتوور كل الموضوع ان كانت فيه خلافات بين نقابه العلاج الطبيعى ونقابه الاطباء بسبب موضوع الطب الطبيعى ده وعشان كده مضموهاش لنقابه الاطباء .
لكن لو انتا بصيت بره مصر هتلاقى ان الكليات العلاج الطبيعى هناك نظامها مختلف عن هنا بتدرس بنظام اسمه dpt يعنى (doctor of physical therapy ) وده معناه ان انتا هتتخرج كدكتور .. والنظام ده هيطبق فى مصر ان شاء الله فى السنوات القادمه بس الكليه هتبقى 6 سنين + سنه امتياز ..

[رامى قشوع]

وياريت تشوفو الفيديو ده عشان تعرفو طبيعه الشغل
http:/*/ww*w.youtube.com/watch?v=1Z2Ib4Meul4

و تجاوبو على الكويز ده عشان تعرفو اذا كانت علاج طبيعى كليه مناسبه ليكو ام لا
http:/*/careerplanning.about.com/library/quiz/career_quizzes/blphysicaltherapist_quiz.htm

ودا بقه مرتبات اخصائى العلاج الطبيعى بره اما تتخرجو و تسافرو ان شاء الله للى بيهتمو بالحته الماديه برده
http:/*/ww*w.indeed.com/salary/Physical-Therapist.html


بس يا جماعه متنسوش تشيلو علامه ال * اللى ف الرابط لان الموقع ده مش سامح بكتابه روابط ف اضطريت اعملهم كده ...

[حكاية الزمان]

على فكرة انا مجموعى يحصل صيدلة بس انا مقتنعة بالعلاج الطبيعى اكتر

[thanawia]

المشاركة الأصلية كتبت بواسطة رامى قشوع

اولا الفرق بين خريج العلاج الطبيعى و الطب الطبيعى :
اولا : كليه العلاج الطبيعى كليه متخصصه زى الاسنان كده . انت متخصص فى حاجه معينه يعنى انتا بتدرس العلاج الطبيعى من سنه اولى ل سنه 5 وماجيستيرك و والدكتوراه كله ف المجال ده .. اما بالنسبه للطب فهو بيدرس 7 سنين فى الكليه بعد كده بيتخرج و يعمل ماجيستير سنتين او 3 فى الطب الطبيعى ويتخصص فيه..

بس كده

بس لو انتا ليك واحد صحبك ودخل طب وانتا دخلت علا طبيعى عقبال ما هو خلص المشوار ده ويعد 10 سنين عشان يتخصص مثلا ف الطب الطبيعى و يفتح عياده تكون انتا يا راجل اتجوزت و عندك عيال

ثانيا من حيث العلم : اولا طبيب الطب الطبيعى بحكم دراسته فى كليه الطب فهو بيدرس حاجات كتيير وبياخد روندات جراحه - رمد - الخ حاجات ممكن متكونش مفيده اوى فى تخصصه لكن طبعا خريج العلاج الطبيعى بما انه متخصص فهو بيدرس كل حاجه متعلقه بالعلاج وبرده وبياخد راوندات عظام - باطنه - مخ واعصاب - نسا - اطفال
الحاجات اللى هتفيده فى شغله لكن طبعا عمره ما هيدرس رمد مثلا

ثالثا ناحيه هو دكتور ولا لا :
اولا يعنى ايه دكتور ؟؟
بص يا سيدى اولا فى فرق بين طبيب و دكتور .. الطبيب هو خريج كليه الطب ( الطب البشرى - طب الاسنان - الطب البيطرى )
اما الدكتوور دى حاجه بتتقال بالعرف للدكاتره اللى بيعالجو الناس وكده
يعنى لو بالانجلش اخصائى العلاج الطبيعى doctor بس مش physician ....
طبعا انت الكل هيقلك يا دكتوور فى المستشفى و فى العياده و فى الكليه لان انتا فعلا دكتوور كل الموضوع ان كانت فيه خلافات بين نقابه العلاج الطبيعى ونقابه الاطباء بسبب موضوع الطب الطبيعى ده وعشان كده مضموهاش لنقابه الاطباء .
لكن لو انتا بصيت بره مصر هتلاقى ان الكليات العلاج الطبيعى هناك نظامها مختلف عن هنا بتدرس بنظام اسمه dpt يعنى (doctor of physical therapy ) وده معناه ان انتا هتتخرج كدكتور .. والنظام ده هيطبق فى مصر ان شاء الله فى السنوات القادمه بس الكليه هتبقى 6 سنين + سنه امتياز ..

ممكن حضرتك تقولي هو نظام 6 سنين + امتياز هيطبق في مصر امتى ؟؟؟
يعني اللي داخل أولى علاج طبيعي هذا العام إن شاء الله ,,, ممكن يُطَبق عليه 6 سنين ؟؟

[thanawia]

المشاركة الأصلية كتبت بواسطة عبدالله العشيري

بسم الله الرحمن الرحيم
للي بيسأل عن كارنية النقابة بيتكتب فيه دكتور فلان ممارس أو أخصائي أو استشاري العلاج الطبيعي , وبتمضي في دفتر الأطباء في المستشفى وليك حق تفتح عيادتين لكن بعد الماجستير أو مرور 5 سنوات من التخرج والناس بتفتح باسم اي دكتور كبير للي عاوز يفتح , الشغل بيكون بدري وكان معانا ناس شغالة ي سنة 2 وكانوا بيجيبوا فلوس كويسة , وان شاء الله تتبسطوا في الكلية والل عاوز اي سؤال عن الكلية يراسلني على الفيس بوك elashiri
,hodvh hv[, hgh kfpe ,vhx hgrhf < hglil i, ],v; td hgl[jlu ,pf; glikj;

اللي أعرفه إن خريج العلاج الطبيعي من حقه يفتح العيادة باسمه هو ,,, مش تحت اسم دكتور و لا حاجة .

لأن خريج العلاج الطبيعي دكتور .

[Nada_Mohsen]

المشاركة الأصلية كتبت بواسطة thanawia

اللي أعرفه إن خريج العلاج الطبيعي من حقه يفتح العيادة باسمه هو ,,, مش تحت اسم دكتور و لا حاجة .

لأن خريج العلاج الطبيعي دكتور .

هو قصده تحت أسم دكتور علاج طبيعى كبير لحد ما يبقى ليه الحق فى فتح عيادة بعد الماجيستير او مرور خمس سنين على التخرج

[رامى قشوع]

المشاركة الأصلية كتبت بواسطة thanawia

ممكن حضرتك تقولي هو نظام 6 سنين + امتياز هيطبق في مصر امتى ؟؟؟
يعني اللي داخل أولى علاج طبيعي هذا العام إن شاء الله ,,, ممكن يُطَبق عليه 6 سنين ؟؟

لا مش اللى داخل اولى السنه دى .. النظام هيطبق قريب بس معرفش امتا تحديدا .. بس
بس حتى لو اتطبق اثناء ما انتا بتدرس فى الكليه بالنظام القديم او حتى بعد التخرج هيكون من حقك انك تاخده بعد كده كدراسه بعد ا لكليه ..

[thanawia]

المشاركة الأصلية كتبت بواسطة nada_mohsen

هو قصده تحت أسم دكتور علاج طبيعى كبير لحد ما يبقى ليه الحق فى فتح عيادة بعد الماجيستير او مرور خمس سنين على التخرج

أعرف خريجين علاج طبيعي فتحوا العيادة بدون ماجيستير و قبل مرور خمس سنوات بعد التخرج .

يعني فتحوا العيادة بعد سنة الإمتياز على طول و باسمهم , مش باسم دكتور تاني .

[مستر محمود عبد العاطى]

التقديم فى الكليه امته
علشان الناس تروح تقدم