دفعة طب بيطرى 2012 على مستوى الجمهورية اجمع هنا

[Dr.Mohamed Attia]

السلام عليكم ورحمة الله وبركاتة

اعرفكم بنفسى محمد من المنصورة التحقت بكليه الطب البيطرى جامعة القاهرة وهحول المنصورة ان شاء الله
انا عمرى ما كان حلمى انى ادخل طب بيطرى او بشرى او اسنان انا طول عمرى نفسى ادخل صيدلة بس الحمد لله على كل حال ودة نصيبى وقدرى ف الاول والاخر وربنا هو اللى اختارلى الكلية دى فا اكيد هيكون فيها الخير ليا ان شاء الله

انا بعد ما شوفت التنسيق الزبالة طبعا (حسبى الله ونعم الوكيل ) ولقيت اصحابى اللى جايبن اقل من 97 % مش لاحقين اى حاجة من كليات الطب (القمة) واللى جايب 99 مادخلش طب فا حمدت ربنا وشكرت فضلة انى دخلت طب بيطرى وان شاء الله مع الوقت نقتنع بيها ونحبها باذن الله

اهم حاجة ما تكرهش نفسك ف الكليه واعرف ان دى مرحلة جديدة وافتح قلبك ليها وتفاءل وان شاء الله خير

اطلب بقى منكم طلب ممكن كل طلبة الطب البيطرى الدفعة الجديدة نتعرف على بعض الاسم ومكان الكليه ولو هتحول لمكان اخر او لاء

ومبروك عليكم يا دكاترة المستقبل

[yoyo_2020]

انا شيماء ألتحقت بطب بيطرى المنصورة كنت جايبة 97.6 وكان حلم حياتى الصيدلة ي رب صبرنى

[marwa&ahmed]

مروه من الجيزه جالى طب بيطري القاهره ومن ابتدائي ومش كدب على فكره وانا واهلى حاطين صيدله
وجبت 97.2
لكن قدر الله وما شاء فعل

[مي البنا]

انا كنت جايبة 97.8 وجتلي بيطري القاهرة ربنا يصبرني

[senyorita rana]

انا بقى جايبة 97.3 % وكان حلمي من وانا صغيرة صيدلة وكان نفسي فيها بس الحمد لله على كل حال وداخلة طب بيطري الاسكندرية ان شاء الله كنت محتارة بينها وبين علوم بس كتير قالولي بيطري احسن

[lolaatt]

انا ايه جبت 97.3 وكان نفسى صيدله او اسنان او حتى علاج طبيعى جتلى بيطرى ربنا يصرنا بجد انا بخاف من اى حيوان بجد اللى تخاف منو يجيلك هههه وكمان جتلى طب بيطرى قنا وعايزه احول المنصوره او القاهره وانا مش عارفه احول ازاى حد يقولى بلييز

[zz123]

انا طب بيطرى القاهره

[betros nasser]

انا رامى 97.93/ بيطرى المنصورة ارفع راسك فوق انت بيطرى

[marwa&ahmed]

المشاركة الأصلية كتبت بواسطة betros nasser

انا رامى 97.93/ بيطرى المنصورة ارفع راسك فوق انت بيطرى

ههههههههه
حلوه
بس انت ممكن يجيلك علاج طبيعي القاهره

[بنوتة من الشرقية]

انا هند م الزقازيق
اولا عايزة اقول حسبى الله ونعم الوكيل
وبعدين انا جالى بيطرى الزقازيق
وانا جايبة 97.7
والله اللى بيحصل ده ظلم وحرااااااااااااااااااااااااام
كان حلم عمرى ادخل صيدلة وكنت كاتباها رغبة اولى
وعمرى مافكرت ف حاجة غيرها
ولا خطر ع بالى بيطرى ابدا
لكن هقول ايه غير
قدر الله وماشاء فعل

[Ezel]

اولا الف مليووووووووون مبروك يا دكاتره
قدر الله وماشاء فعل

بس ان شاء الله الايام هتثبتلكم ان ربكم بيحبكم اوى
( ومحدش يستغرب من كلامى )
دى حقيقه والله

ولو عايزين تتاكدوا اقروا ع الكليه واسالوا اللى فيها واللى كانوا فيها


مره تانيه اهلا بكم يا (( دكاتره ))

[Dr.Mohamed Attia]

اهلا بحضرتك يا دكتور ايوة كدة عاوزين نتجمع عشان نعرف بعض ونتمكن من الارتقاء بقسم الطب البيطرى ف المنتدى ونفيد بعض ان شاء الله

[captinmido]

بسم الله الرحمن الرحيم انا اسمى محمد اشرف كان نفسى طول عمرى اخش صيدلة بس الحمد للة ما جاتليش بقى وخلاص انا كنت جايب 97.8 بس جالى علوم ببس مجموعى معدى البيطرى فانا هحول ان شاء الله لبيطرى اسكندرية لما يفتحوا التحويل ياريت الى عندة اى معلومة ممكن يفدينى بيها يكتبهالى

[mohsen2108]

انا كمان 97.6 وجالى بيطرى القاهرة مع انى عمرى ما فكرت لحظة انى ممكن اكون طبيب بيطرى ابداااا بس الحمد والشكر لله بس فيه مشكلة انى بخاف من الحيوانات اوى اوى

[Dr.Mohamed Attia]

انا بردة والله بخاف م الحيوانات جدا بس هنعمل ايه بقى الحمد لله ربنا يوفقنا