استفسار

[حسونة بيه]

منورين يا جماعة وكل سنة وانتوا طيبين المهم انا عاوز اعرف لو الواحد طالع برياضة وخدها معاه السنة الجاية ايه الوضع ساعتها واحد قالى هتاخد 50 فى الميه من الدرجة هل الكلام ده صحيح ولا لا انا عاوز حد يكون عارف ومتاكد والنبى

[yooma]

لو هتمتحنها السنة اللي بعدها هتاخد الدرجة كامله
لكن لو ملاحق مش هتاخد غير درجة النجاح حتي لو جايب الدرجة النهائية

[حسونة بيه]

اصل انا فى استاذ والمصيبة انه بيدى رياضة قالى لو خدتها معاك السنة الجاية هتاخد 50 فى الميه من المجموع يعنى لو قفلت السنة الجاية هيدونى 25 درجة بس انا مش عارف هل الكلام ده صحيح وا لا

[نقاء القلوب]

الكلام ده صح انا كنت ماجله كيمياء وهفضل سنه تانيه بعد تالته عليها وواخد معاها مادتين من تالته علشان اخد الدرجه كامله

[Aya Mn Allah ♥]

لو دخلتها دور تانى هتآخد درجة النجاح حتى لو جبت اعلى منها
انما لو خليتها للسنة الجاية ان شاء الله ,,, هتدخلها عادى وتآخد درجتها زى اى مادة تانيه

[mimo108]

لا لو دخلت دور تانى حتاخد درجة النجاح بس
لو اخدتها السنة الجاية حتاخد درجتك كاملة

[aleman]

كل كلام زملائك اللى فوق ده صحيح
الافضل انك تقسم سنة تالثة على سنتين كما فعلت نقاء القلوب
اى هتضيع سنة من عمرك فقط لكن هيبقى من حقك التمتع بدرجاتك كاملة لو اخذتها معك لسة ثالثة وقسمت السنة لسنتين
بس تأكد اولا هل النظام ده ينفع الان مع نظام الثانوية الجديد ام لا