|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
12-07-2012, 02:02 AM
|
||||
|
||||
هنـــــــــــا الفيـــــــــــزياء
 هنبدا معاكوا يا شباب فكرة حلوة اوى هنكلمكوا عن المواد اللى هتدرسوها فى الثانوية العامة سنة تانية و سنة تالتة ودا على حسب استفتاء لترتيب المواد انا هبدا معاكوا فى الفيزياء ومعايا ناس كتير اوى قررت تساعدكوا انهاردة بس انا هبدا بحاجة بسيطة اوى هى مقدمة عن منهج الفيزياء والفصول والابواب اللى هتدرسوها بســم الله الرحــمن الرحيــــم اولا مادة الفيزياء سهلة مفهاش حاجة هى محتاجة تركيز و فهم و تخيل ودا يسهل الموضوع هندرس فى الفيزياء 5 وحدات او 15 فصـــــــل فى منهج الفيزياء متقسمين كالاتى:- الوحدة الاولى : الموجات -الفصل الاول : الحركة الموجية -الفصل التانى : الصوت -الفصل الثالث : الضوء الوحدة التانية : خواص الموائع -الفصل الرابع : خواص الموائع الساكنة -الفصل الخامس : خواص الموائع المتحركة الوحدة الثالثة : الحرارة -الفصل السادس : قوانين الغازات -الفصل السابع : نظرية الحركة للغازات -الفصل الثامن : فيزياء درجات الحرارة المنخفضة الوحدة الرابعة : الكهربية التيارية و الكهربية المغناطيسية -الفصل التاسع : التيار الكهربى و قانون اوم -الفصل العاشر : التاثير المغاطيسى للتيار الكهربى واجهزة القياس الكهربى الفصل الحادى عشر : الحث الكهرو مغناطيسى الوحدة الخامسة: مقدمة فى الفيزياء الحديثة الفصل الثانى عشر : ازدواجية الموجة و الجسم الفصل الثالث عشر : الاطياف الذرية الفصل الرابع عشر : الليزر انا للاsسف مش هقدر اكمل معاكوا للفصل ال 15 لانه كان من الفصول المحذوفة من علينا فا اعذرونى عشان مفتيش انا مش هعرف افيدكم فيه الفصل الخامس عشر: الالكترونيات الحديثة دى كده مقدمة سريعة على منهج الفيزياء فى شوية اساسيات لازم تكونوا عارفينها هتسهل عليكوا المنهج اوى يلا نبدا مع بعض.............  الجدول دا مهم اوى مجرد انكوا تحفظوه او تبصوا عليه مرة مش هتحتاجوا ترجعوا له تانى خالص نكمـــــــــل...  الجدول دا مهـــــــــــــم جدا جدا جدا الدكاترة عندنا فى الكلية ربنا ينتقم منهم لعبوا بينا فيه جدا يعنى مثلا انت تحل لاسؤال والناتج تماما معاك انت مثلا مطلعه بالسم .. تلاقى الاختيارات فيها حاجة تانية ولا زم تحول زودوا الانجستروم (A) يساوى 10 اس 10 نبدا بكام مثال.... عشان نفهم الجدول الاول معلومة على الماشى عشان تحول من صغير لكبير .......بتقــســــــــــــــم عشان تحول من كبير لصغير..... بيتضـــــــــــــــــــــرب كم = 1000 متر م = 100 سم سم = 10 ملم مثال : 15 كم ====> 15 × 1000 = 15000 متر طيب مثال : 150 متر ====> ( 150 ÷ 1000 ) = 0.15 كم مثال : 220 سم ====> ( 220 ÷ 100 ) = 2.2 متر مثال : 560 سم ====> ( 560 ÷ 10 ) = 56 دسم مثال : 20 ملم =====> ( 20 ÷ 10 ) = 2 سم مثال : 240 ملم ====> ( 240 ÷ 1000 ) = 0.24 م ملحوظة انتوا مش هتعملوا زى كده لما مثلا بتقسم على 1000 هتتعلموا على الالات انكوا تضربوا فى 10-¹ او لما تقسموا على 100 هتضربوا الرقم فى 10-² و لما تقسموا على 1000.000 هتضربوا الرقم فى 10 اس سالب 6 (-6) لو مثلا بتحول من سم مربع لمتر مربع هنا هتضرب فى 10 اس 4- هتقولى ازاى؟؟ تعالى افهمك انت بتكتب سم اس 2 صح ؟؟ اللى هى سم مربع طب تعالى نشوف كده المنظر 10 سم مربع = ²10 (²10)²- لو القوس كله مرفوع ل 10 اس سالب 2 يبقى الناتج هو 10 اس سالب 4 و زيها فى حالة المكعب بس بنرفع لاس 3 فى حاجات تانية كتير و تحويلات كتير ب دا تمهيد على الخفيف المهم....مفهومة؟؟؟ يا رب تكون اتفهمت نكمـــــــــــــــل  الجدول دا مهم عشان هتحتاجوه فى الباب التانى و خصوصا المسائل بتاعة ارشميدس هتعرفوا هو مين بعدين  دى للتوضيح فكرة الكسور و الاسس السالبة ازاى بتتعمل ودا كلام اعدادى اعتقد سهل لو فى حاجة ...اسالونى   تعالوا نفهم براحة و بشويش سؤال الرسم البيانى من الاسئلة المضمونة فى الامتحان وعليه 10 درجات لازم تدخل و انت ضامنهم عارفين مين y =m x + c ?? دى اللى هى ص = أ س + جـ معادلة الخط المستقيم بتاع اعدادى طب انا يهمنى ايه فيها؟؟ حاجتين 2 بس الاول اللى هو m ميل الخط المستقيم....... ودا اللى بيطلبه فى السؤال وهتعرفوا بيجى ازاى والحاجة التانية اللى هى c الجزء المقطوع من محور الصادات وزى ما هو مشاور عليه فوق طب قال عليه الموجب ليـــــــه؟؟    طب انتوا عارفين الميل ازاى بيجى من الرسم لو مفيش معادلة؟؟؟ الميل هو فرق الصادات على فرق السينات بس خدهم من الجدول اللى بترسمه احسنلك يعنى تاااخد اااااااااااى نقطتين من محور الصادات و تطرحهم من بعض وتاخد اااااااااااااى نقطتين من محور السينات و تطرحهم من بعض وتقسم الصادات على السينات يطلعلك ... الميــــــــــل ودا المطلوب فى الامتحانات عشان محدش يسالنى ايه اللى جاب tan الزاوية هنا... ملكش دعوة بيه.... مش علينا وعلامة المثلث دى يعنى دلتا ... يعنى فرق  ها هنا عرفتوا قال ليه الجزء السالب و فوق قال الجزء الموجب ولا لسه؟؟  وحد خد باله مش شكل المعادلات فى كل رسمه؟؟ متخافش ... شكلهم مش عليك بردو ب اعرفهم عشان تبقى متمكن و فاهم مش حافظ كل حاجة قشطة؟؟ يلا سؤال كده على السريع حولولى القياسات دى لكم 2500 متر ، 2560 سم ، 3645 ملم ، 4567 دسم وهاتولى الميل بتاع المعادلة دى ص = 5 س + 8 4س =ص +1 ص= 2س/3 +4 يا ريت ناخد الموضوع جد شوية كفاية كده عشان انا تعبت والله و مش قادرة اكمل اللى عايز منى حاجة ينفضل و نكمل بكرة ان شاء الله BYE...BYE
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
آخر تعديل بواسطة highlight ، 12-07-2012 الساعة 06:53 AM 
|
|
#2
12-07-2012, 04:28 AM
|
||||
|
||||
الحمد لله علي نعمة الادبي
|
|
#6
12-07-2012, 05:09 AM
|
||||
|
||||
|
أغرب حاجه في الفيزياء إن المدرس وهو بيشرح انت تحس انك زي البطيخه ومش فاهم المدرس دا بيهري في اه اساسا ولما تروح وتذاكر الدرس برده تلاقي نفسك زي البطيخه بس بعد يومين من المحاولات المستمره لفهم الدرس تلاقيك فهمته لوحدك . دا دايما كان حالي مع الفيزياء
__________________
We must only continue our motion towards the aims overcoming any obstacles.
|
|
#7
12-07-2012, 05:36 AM
|
|||
|
|||
|
الفيزيا دى احلى حاجة وربنا بس ال يذاكرها من الاول
موضوع جميل جدا ومحمس للدفعة الجاية مشكورة high light
|
|
#8
12-07-2012, 05:40 AM
|
|||
|
|||
|
اقتباس:
|
|
#9
12-07-2012, 05:46 AM
|
||||
|
||||
|
اقتباس:
شكرااااااااااااااااا وعودة حميدة
|
|
#11
12-07-2012, 06:45 AM
|
||||
|
||||
|
اقتباس:
اقتباس:
بس الحمد لله شكلك فهمتنى هو بس استفسار بسيط .... ال 100 دى قصدك بيها 10 صح والسالب دى متاكد منها؟؟؟  بس طالما انت حليت ال 3 يبقى انت كده فاهم و تمام بس الدسم انا حطيتها فى مثال مش فى الشرح  بس الدسم بيساوى 10 سم المهم احسن حاجة انك رجعت تقرا تانى و حاولت 
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
آخر تعديل بواسطة highlight ، 12-07-2012 الساعة 06:56 AM
|
|
#12
12-07-2012, 06:48 AM
|
||||
|
||||
|
اقتباس:
  ما شاااااااااء الله و ربنا يخليك/ى... خليك/ى معانا بقى
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
آخر تعديل بواسطة highlight ، 12-07-2012 الساعة 06:51 AM
|
|
#13
12-07-2012, 06:58 AM
|
||||
|
||||
|
اقتباس:
شكرا لمجهود حضرتك
ان شاء الله مكمل معاكم ده الواحد لما صدق يلاقى حاجة فيها استفادة 
__________________
 وإن ضاقت عليك الأرض بما رحُبَت أخرُج وأنظر كيف هي السماء رُفعَت أما علمت بـ أن : الله رافعها !قادر على تفريج الكروب وإن عَظُمَت
|
|
#14
12-07-2012, 07:06 AM
|
||||
|
||||
|
اقتباس:
اقتباس:
وان شاء الله هننزل موضوعات للادبى اقتباس:
اقتباس:
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#15
12-07-2012, 08:21 AM
|
|||
|
|||
|
ميرسى يا high light ومستنية منك الاجمل دايما
بس انا عايزة اعرف انتى كنتى علمى علوم ولا رياضة زيى
__________________
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 10:35 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
