جروب ثالثه ثانوى أجمع (اللى لسه حيدخلوا ان شاء الله )

[still think of you]

المشاركة الأصلية كتبت بواسطة amothman123

الطالب عمره ما هايستفيد إنه يكتب موضوع إلا بالقراءة و الإطلاع فى كافة المجالات و ليس بالحفظ و التسميع
ثم إن القرآن الكريم حاجة و الآداب حاجة تانية
لإن القرآن أسلوبه سام يحفظ كما هو
أما الأدب فعمر ما في أديب فى الدنيا هاينجح و هو بيقلد أسلوب حد تانى طول عمره
الأديب بيقرأ الأول أسلوب الكاتب
و يبدأ فى تقليده ثم يكون لنفسه شخصية مستقلة
إنما مابيقدش يحفظ أعمال الأديبة و يسمعها لنفسه و يدخل يمتحن عليها و يرص إجابة سؤالين و خلاص !
انت بتتكلمى عن الهدف الطبيعى لدروس القراءة و القصة
إنها تتقرأ و تتفهم و يتعمق الطالب فى معانيها و يستفاد منها و يكتب الى فاهمه من الدرس فى الامتحان
إنما دة مابيطبقش
الى بيطبق إن الطالب بيكتشف إنه مفروض عليه الحفظ
و إن نموذج إجابة بيوزع أنصاص على كل حرف
و بكدة يتنفى الهدف الأصلى للقراءة

لا الاجابات بالمعنى مدرس قنوات النيل التعليمية نفسه قال كده \\\\\\\\
و الانسان يبدا مقلد ثم يبدع
و الى بيحفظ القراءه بالنص ما بيطلعش فالح لانه لغى هدفها بغبائه
اقتنعت يا عم؟
انا ابتديت اصدق ان اللى جواه فكره ما بيغرهاش

[amothman123]

المشاركة الأصلية كتبت بواسطة still think of you

لا الاجابات بالمعنى مدرس قنوات النيل التعليمية نفسه قال كده \\\\\\\\
و الانسان يبدا مقلد ثم يبدع
و الى بيحفظ القراءه بالنص ما بيطلعش فالح لانه لغى هدفها بغبائه
اقتنعت يا عم؟
انا ابتديت اصدق ان اللى جواه فكره ما بيغرهاش

أنا مش ضدك على فكرة
أنا فاهم انت زى ما قلتلك كدة بتتكلمى عن الهدف الأصلى لدروس القراءة
إنما الى بيحصل إن الطالب بيحفظ القراءة و القصة بغباء فعلاً .. و يسمعه للمدرس و المدرس يقوله برافو !
زى ما مدرس الأحياء قالنا قبل كدة لما كان بيتكلم فى تكنولوجيا الهندسة الوراثية
قالنا مثلاً كقاعدة الأجسام تتمدد بالحرارة
واحد ييجى يحفظ القاعدة دى و يكتبها فى امتحان درس .. يتقاله برافو
يخش يكتبها فى امتحان آخر السنة .. يتقاله ممتاز
و ينجح و يخش الجامعة و يطلع فى الآخر واحد بيحفظ و خلاص ! إنما ييجى واحد عالم تانى يطبق النظرية دى و يعمل بيها اختراع !

[still think of you]

المشاركة الأصلية كتبت بواسطة amothman123

أنا مش ضدك على فكرة
أنا فاهم انت زى ما قلتلك كدة بتتكلمى عن الهدف الأصلى لدروس القراءة
إنما الى بيحصل إن الطالب بيحفظ القراءة و القصة بغباء فعلاً .. و يسمعه للمدرس و المدرس يقوله برافو !
زى ما مدرس الأحياء قالنا قبل كدة لما كان بيتكلم فى تكنولوجيا الهندسة الوراثية
قالنا مثلاً كقاعدة الأجسام تتمدد بالحرارة
واحد ييجى يحفظ القاعدة دى و يكتبها فى امتحان درس .. يتقاله برافو
يخش يكتبها فى امتحان آخر السنة .. يتقاله ممتاز
و ينجح و يخش الجامعة و يطلع فى الآخر واحد بيحفظ و خلاص ! إنما ييجى واحد عالم تانى يطبق النظرية دى و يعمل بيها اختراع !

الهدف من كل ده انك تفهم و تبتكر فالاسئله الابداعيه كترت هذه الايام