امتحان قدرات لدخول الجامعات

[ีundertaker_2000]

المشاركة الأصلية كتبت بواسطة thanwya soldier 2009

و الله لو هيحصل بدون اي وسابط انا هوافق...بس على فكرة يا جماعه القدرات ده بيبقا على الكمبيوتر و بتستلم النتيجه و انتا قاعد في مكانك فصعب يكون في وسايط ...بس انا مع النظام ده اوي

لا ياباشا هيكون فيه وسائط يعنى انت عايز تقنعنى مثلا لو واحد والده او عمه او خاله او اى حد من قرايبه او معارفه او كدا هيعدى او دا ابن فولان مش عارف باباه بيشتغل ايه عمه فين خلصت الحكايه ومش هيختبر حتى لو اختبر هيكون شكلى فقط

[bossycat_s]

اية دة والله حرام هما هيجربوا فينا ولا ايه

[بكاء القمر]

والله عن راى فانا اختى فى كلية فنون تطبيقة الدكتور بتاعهم بيقولهم احنا لو كونا خدنا بالموهبة كنتم مش هتكملوا 12 طالب او طالبة مع انهم امتحنوا ودخل الكلية اكتر من 400 طالب وطالبة

[emmiez]

موافقة طبعا
عشان النظام الذى يطبق علينا حاليا يظلم كثير من الطلبه
يعنى مثلا اللى عايز يدخل طب لازم يكون شاطر بل متفوق فى جميع المواد
زى العربى و الفرنساوى مثلا
انا بقول الكلام ده لانى تعبت السنه اللى فاتت فى المواد دى لانى بكرهها بصراحة و كنت بذاكرها بالعافيه
و السنه دى عندى عربى تانى و مش عارفه اعمل فيه حاجة و ممكن ينقص من مجموعى الكلى
لكن مجبرة على المادة دى
فلو كان فى امتحان قدرات لكل كليه يبقى احسن
بشرط المجموع الكلى بتاع ثانويه عامه يكون يكون جيد و ليس شرط ان يكون رقم كبير اوى زى ما بنشوف

و كمان عشان اللى يدخل كليه معينه يكون يستحقها فعلا

اذا انا موافقه عليه بشرط تكافؤ الفرص و عدم وجود الواسطة

[Slgado]

عن نفسي .. اوافق ..
بس ليا تعليق مهم :
هو من الممكن انه يطبق على بعض الكليات زي الهندسة والفنون الجميلة والتربيات الرياضية والخ الخ .. من اللي ينفع فيهم اختبار قدرات اصلاً ..
بس حاجة زي الطب .. ازاي يعملو فيها اختبار قدرات ...
بس ده معناه ان هيكون في منهج قدرات للمزاكرة .... واكيد هيكون من خارج مناهج الثانوية العامة ..
لان الثانوية العامة لاعلاقة لها ب الحاجات اللي بيدرسوها ف الكليات والجامعات ..

[محمد.فوكس]

الفكرة دي سلاح ذو حدين ممكن تكون وسيلة لان كل واحد يدخل اللي عايزه و بيحبه.
بس يا جماعة الموضوع ده مينفعش يطبق في جو الفساد اللي احنا فيه.
شوفوا اللي حاصل في الكليات اللي ليها اختبارات و اخص بالذكر كلية الشرطة بيحصل فيها وساطة.
و ده هيحصل لو اتطبقت الفكرة الخطيرة دي.
و بعدين الطالب مننا بيحزن او لما ميقدرش يدخل الكلية اللي كان عايزها و هو عارف انه ما اتظلمش في التنسيق و انه عادل مية في المية و مع ذالك في ناس بتبقى عايزة تنتحر.. اومال هيعملوا ايه لما يعرفوا انهم مدخلوش الكلية عشان اللي خد مكانهم ..
ابن استاذ في الكلية و لا ابن وزير ولا ابن ضابط ولا ابن مسئول ولا دفع مبلغ و قدره.
بعد كده ممكن في جداول نتيجة التنسيق اسم الكلية و جنبها السعر مش المجموع.
و بعدين على فرض ان مش هيبقى في كوسة .. ماهو المشاكل بتاعت الثانوية هتنتقل للاختبارات دي .. القلق و الدروس و الانتحار .. هي هي
بالنسبة للنظام في اوروبا اعتقد انه مينفعش يطبق هنا:
الطالب يخلص ثانوي و يختار بقى المجال اللي هو عايزه و لو كله اختار مجال واحد مفيش مشكلة لان التعليم مش مجاني يعني كل واحد بيدفع ثمن مكانه في الكلية.
هل بقى ينفع نخلي التعليم غير مجاني في مصر؟
الدول الاوروبية فيها دخول عالية و مستوى معيشة مرتفع .. احان لو عملنا زيهم محدش هيدخل كلية في البلد دي لان اكثر من 70% من الناس هنا مش هيقدروا على مصاريف التعليم العالي لو بقى غير مجاني.
ولا نخلي الناس تخلص ثانوي و تقف لغاة كده .. بدل ما نخلي الناس تتعلم اكتر عشان نعمل نهضة من الجهل اللي احنا فيه نقوم نقولهم خدو ثانوي و اشتغلوا بيها .. اذا كان اللي معاهم بكالوريوسات و ليسانسات مش بيشتغلو .. حد هيشتغل بثانوية عامة.
و بعدين هتمتحن الطالب في ايه .. هو اصلا المفروض يدخل يدرس المواد علمية او طبية او هندسية او اقتصادية او قانونية او ادبية.
هتمتحنه في الحاجات دي اومال هو داخل يدرس ايه في الكلية؟
و بعدين لما الوسايط و الفلوس تشتغل الشباب الصغير اللي طالع من ثانوي هصطدم بالفساد في سن صغير و يكره بلده في سن مبكرة.
التنسيق ده من الحاجات القليلة جدا في البلد اللي مش بتفرق بين ابن الوزير و ابن الغفير كمان هنبوظها.
خطر جدا ان الفساد يدخل المنطقة دي.
انا موافق ان نظام دخول الجامعات بيظلم بعض الطلبة اللي يستحقوا يدخلوا كلية معينة و لم يساعدهم مجموعهم و يكون في صالح اخرون اعتمدوا على الحفظ و الصم فحصلوا على مجموع يدخلهم الكلية.
لكن التنسيق مش هو اللي ظلمه التنسيق.اللي ظلمه هو المنظومة من اولها.
لو عايز تصلح بقى يبقى متجيش على التنسيق دي اخر مرحلة .. عالج الموضوع من الاول.
ولو عايزين فعلا كل واحد يدخل اللي بيحبه .. ده شيء جميل .. لكن لازم ندور على وسيلة مش ممكن يدخل فيها السلطة او المال.
و الا يبقى التنسيق بالمجموع هو الوسيلة العادلة الوحيدة.. لغاية ما نلاقي حل كويس.
الاختبارات دي بدل ما التعليم في النازل هتخلي مفيش تعليم اصلا.

[Dr.taz l0gic]

موافق طبعا علي الموضوع
لان كليات القمة العلمية مش هيكون العامل الوحيد المحدد للقبول فيها هو " الدح " ولكن الفكر بجانب المذاكرة والتحصيل والنظام ده هيحسن كتير من مستقبل خريجي الجامعات

[أسيل رزق]

أكيد أكيد أكيد نعم

المناظر اللى فى الجامعة دى ماينفعش تكون موجودة

و إمتحانات الثانوية مش مقياس أبداً لدخول الجامعة بجد

[melanoo2020]

it will be better

[محمد.فوكس]

انا بكرر يا جماعة ان دي هتبقى كارثة.
انتوا باصين بس للجزء الحلو .. لكن مش مشايفين الكوسة و الفساد و الرشاوى.

[marina gad]

انا موفقه بس ياريت القرار ده يكون السنه ديه

[Reham Mostafa]

شكلها هتبقى kosa for ever

[kaaaago]

اكيد طبعا اوافق
اكيد طبعا اوافق

[yosra samy]

انا موافقة طبعا عشان بكدة كل واحد هيبقي داخل المجال اللى بيحبوا وبكدة هيقدر يبدع ويتفوق فيه

[lolo.91]

يا جماعة فكروا الاول لو كل الطلبة الي دخلوا جابوا اقل من 80% وده ممكن اوي اعلى ناس جابوا درجات هما الي هيدخلوا الكليات القمه تخيلوا لو انتوا طلعتوا بعد اعلى ناس بفرق واحد مثلا وعايزين تدخلوا كليه حتى لو خاصه هتروحوا بمجموع 75% 70% ده مجموع يدخل ايه