ارجو من المعلمين المساعدين الذين اجتازوا كادر ابريل 2012 التاكد من الخبر التالى

[يوسف 27]

المعلمين المساعدين الذين اجتازوا امتحانات الكادر ابريل 2012 ارجو منكم التاكد من الخبر اللى انا سمعته انه صدر قرار بتعيينا بيوم 7\6 ولكن يتم العمل به ابتداء من 7\7 ولكن مفيش اى حاجة رسمى وصلت الادارات وياريت اللى ادارته وصلها القرار دا يقول ولا الخبر دا اشاعة ولا ايه
اللى يعرف حاجة يطمنا

[مى الامورة]

اكيد اشاعة لان موقع الاكاديمية على الفيس بوك قال انو جارى مراجعة النتيجة تمهيدا لصدور القرار اى لم يصدر بعد

[ahmedyacoub]

أكيد اشاعة عشان زي ما الاستاذه مي قالت الادمن علي الفيس قال جاري المراجعه وسألت في الادراة من يومين قالوا لسه مفيش اخبار يمكن علي الاسبوع اللي جاي ربنا يسهل ويصدروا قرار التعيين بسرعه وبالتوفيق ان شاء الله للجميع

[biba200577]

انا دخلت على القرارارت الوزارية بموقع الوزارة ولا يوجد سوى قرار تعيين 72 فقط الصادر فى فبراير الماضى الصبر ياجماعة لأخر الشهر

[mr-alaa mohammed]

انتو ياجماعة بتصدقوا الادمن الكذاب على الفيس
الوزير الفاشل لن يصدر اى قرار تعيين
حسبى الله فيه
اللهم انتقم من هذا الفاشل المنافق

[رمضان المازنى]

يا ريت ياجماعة توصلوا صوتكم للوزير وتستعجلوا قرار التعين علشان كلنا تعبنا وكفينا على كده .
رمضان المازنى - سوهاج - برديس - الموازن

[يوسف 27]

المشاركة الأصلية كتبت بواسطة biba200577

انا دخلت على القرارارت الوزارية بموقع الوزارة ولا يوجد سوى قرار تعيين 72 فقط الصادر فى فبراير الماضى الصبر ياجماعة لأخر الشهر

حضرتك الدفعة اللى فاتت نزل قرار تعيينهم على معظم مواقع النت والتليفزيون وبعدها ظهر على موقع الوزارة يعنى موقع الوزارة دا اخر حاجة بتضهر فيه الاخبار وربنا يسهل الامور ويكرمنا جميعا لان الواحد تعب من الانتظار كادر وامتحنا ونجحنا نعمل ايه تانى الله يكون فى عون الدفعة اللى كانت تستنى سنين عشان حد ينظر لها

[nabamhamed]

قرار التعين للعام الماضى كان بتاريخ 27/6/2011

[biba200577]

والله انا حاسة ان قرار تعيينكم هو القرار 72 لأنه حتى مذكرش فيه تاريخ امتحان الكادر زى القرارات السابقة ومحدش فينا سمع عن ناس اتعينت بالقرار 72 د ه خالص وفعلا أخر قرار خاص بالزملاءفى 6 أكتوبر كان فى 27/6/2011 وادخلوا على القرارات الوزارية واتأكدوا

[mr-alaa mohammed]

الى الاخت بيبا كلام حضرتك صح
وانا قلت الكلام ده ومحدش مصدق

[شريف حسن .]

المشاركة الأصلية كتبت بواسطة mr-alaa mohammed

الى الاخت بيبا كلام حضرتك صح
وانا قلت الكلام ده ومحدش مصدق

لا حضرتك مش صح لان قرار 72 صدر قبل الامتحانات وقبل اعلان النتيجة وده من المستحيل حدوثه

ثانيا القرار اللى كان بتاريخ 27 \ 6 \ 2011 ده قرار244 لدفعة ابريل2011

[nabamhamed]

المشاركة الأصلية كتبت بواسطة شريف حسن .

لا حضرتك مش صح لان قرار 72 صدر قبل الامتحانات وقبل اعلان النتيجة وده من المستحيل حدوثه

ثانيا القرار اللى كان بتاريخ 27 \ 6 \ 2011 ده قرار244 لدفعة ابريل2011

انا اقصد دفعة ابريل 2011 كان قرار تعينهم بتاريخ 27/6/2011
وهذا موجود بمشاركات الاستاذ شريف ممكن تطلعوا علية (قرار 244)
او القرارات الوزارية

[popdop]

المشاركة الأصلية كتبت بواسطة شريف حسن .

لا حضرتك مش صح لان قرار 72 صدر قبل الامتحانات وقبل اعلان النتيجة وده من المستحيل حدوثه

ثانيا القرار اللى كان بتاريخ 27 \ 6 \ 2011 ده قرار244 لدفعة ابريل2011

يا أستاذ شريف فعلا احنا تبع القرار 72 لان القرار بيقولك تعيين المعلمين المساعدين وما في مستواه...........

حط مليون خط تحت وما في مستواه (يعني القرار ساري على الناس الي امتحنت في ابريل 2012)

[شريف حسن .]

المشاركة الأصلية كتبت بواسطة popdop

يا أستاذ شريف فعلا احنا تبع القرار 72 لان القرار بيقولك تعيين المعلمين المساعدين وما في مستواه...........

حط مليون خط تحت وما في مستواه (يعني القرار ساري على الناس الي امتحنت في ابريل 2012)

يا استاذى الفاضل ما ينفعش يصدر قرار تعيين قبل الامتحان او ظهور النتيجة

وايه يعنى كلمة وما فى مستواه