متي ستظهر نتيجة الشهادة الابتدائية والاعدادية بالبحيرة

[السيدعمران]

النتيجة في الكنترول يومين كوسة ثم تظهر بعد ذلك

[السيدعمران]

النتيجة في الكنترول وأي موظف في الكنترول مفكر إن الكنترول ملكه يسرب النتيجة لمعارفه بالمجمع الكلي فقط و يحرق أعصاب الباقي من كان له طالب في الصف السادس وعرف طالب جاب نتيجته أنصحه بالشكوى بكل الطرق حتى يعلم أي موظف أن مكانه أمانة تحتم عليه إحترام القانون ليكون الناس كلهم سواسية فلايشعر طالب بالقهر لأن زميله عرف نتيجته وهو لايستطيع معرفتها لأن ليس له كوسة في الكنترول

[malakdarsh]

لسة بتتطبخ ! هههههههههههههههههههه
ولو سمحت بلاش نشكك ف الكنترول البحراوى
ههههههههههههههههههههههههههههههههههههه
a 7 a

[محي محي]

يعني هتظهر السنة دي ولا السنة اللي جاية

[جمال01]

هي تعتبر ظهرت . كل واحد يقرر النتيجه اللي عايزها ... دا أحنا في محافظه متخلفه

[ضى النجوم]

محافظ البحيرة مش مهتم بالنتيجة اصلا ولا التعليم هو مهتم ازاى يرضى القيادات العليا مثلا يمنح كارتر درع المحافظة عشان راقب الانتخابات المصرية علشان الشهرة فى الوقت اللى المحافظات الاخرى اعلنت نتيجة الابتدائى والاعدادى ومعندناش فى البحيرة اصلا موقع لمديرية التربية والتعليم ع النت نعرف عليه نتائج الامتحانات بصراحة احنا محافظة متخلفة منك لله يامختار ياحملاوى منك لله

[محي محي]

فعلا يسقط النظام القديم بكل ما فية من تخلف وروتين مبوظ البلد منهم لله
الناس دي ما بتفكرشي زي بقية خلق ربنا لية

[ضى النجوم]

اْكبر دليل على تقصير القائمين على نتائج الامتحانات بالبحيرة ان نسبة النجاح تحت ال50 % وتاخرت علشان بيرفعوا النتيجة ده حرام ثم ان امتحانات ابتدائية الجيزة كانت بعد ابتدائية البحيرة باسبوع رغم كده ظهرت قبلها باسبوع فرق كبير طبع والسؤال من المسئول بمحافظة البحيرة عن اهمال التعليم ؟ وخايفيين تعلنو النتيجة لييييه ؟!!! لما ترفعوها الى 85% مثلا ؟ ارجوكم وصلوا صوتى لوزير التربية والتعليم . بالله عليكم ينفع ولا نخلوا اولادنا يتعلموا فى محافظة تانية احسن ؟؟!!!

[mohsnmm]

لو سمحتم، أنا عرفت أحصل على نتيجة ابني في ابتدائية البحيرة وهو 348.5 من الكنترول
ومش عارف المجموع الكلي من كام؟
وهل سيتم إضافة مواد النشاط عليه أم لا؟
وهل هذا المجموع يتضمن النشاط أم لا؟
أرجو من لديه معلومة رجاء الرد

[abdofathy666]

الف مبروك لابن حضرتك
وياريت الدعاء لينا فى نتيجة اعدادية البحيرة

[محي محي]

يا ناس النتيجة هتبان امتي هي البحيرة دي عمرها ما هتتغير النتائج الاعدادية ظهرت علاوة علي الابتدائية والبحيرة دي ملهاش وجود يا ناس حرام عليكم اللي بتعملوه فينا

[علاء رشدي]

المجموع الاساسى بدون الانشطه من 300
اما المجموع بالانشطه من 380

[mohsnmm]

المشاركة الأصلية كتبت بواسطة علاء رشدي

المجموع الاساسى بدون الانشطه من 300
اما المجموع بالانشطه من 380

شكرا أستاذ علاء
ولكن حضرتك متأكد إنه من 380
لأنه كما شاهدت المشاركة التي من قبل الأخ قال إنه من 400 ولكن يبدو إنه غير متأكد
وشكرا مرة ثانية على ردك

[abdofathy666]

المشاركة الأصلية كتبت بواسطة mohsnmm

شكرا أستاذ علاء
ولكن حضرتك متأكد إنه من 380
لأنه كما شاهدت المشاركة التي من قبل الأخ قال إنه من 400 ولكن يبدو إنه غير متأكد
وشكرا مرة ثانية على ردك

اعتذر عن الخطا ولكن النتيجة فعلا من 380 وشكر خاص للاستاذ علاء على المساعدة واسف مرة اخرى

[ضى النجوم]

الى الاب الفاضل الى عرف نتيجة ابنه ممكن يقوول لنا النتيجة هتظهر امته وله جزيل الشكر