نظام إمتحانات القدرات 2023 (فنون جميلة/تطبيقية/تربية فنية/نوعية) كل ماتريد معرفته هنا حصرى ومتجدد

[bahaaeldeen]

المشاركة الأصلية كتبت بواسطة نهى مكارم

السلام عليكم
هو انا ممكن اقدم فى كليه التربيه الفنيه امتحان القدرات وممكن ادخل بيه فنون جميله
ولا لازم امتحن فنون جميله وتربيه فنيه ؟
لان تربيه فنيه قريبه منى لكن فنون جميله بمحافظه تانيه
وانا عاوزه اخد الفرصتين
وهل تربيه فنيه لها مجموع وكام؟

اول حاجة كل كلية ليها امتحانها وليها قدراتها
يعنى مينفعش تمتحنى تربية فنية وتدخلى بيه فنون جميلة
لازم تمتحنى الاتنين
مجموع تربية فنية اقل من فنون جميلة بكتير

[princess monna]

انا طالبه فى 3 ثانوى علمى رياضه و جبت فى تانيه 93.9% انا خايفه من التنسيق و خايفه مش الحق هندسه حتى ان شاء الله لو شديت بسبب مجموع السنه اللى فاتت بتاع دفعتى فانا ينفع ادخل فنون عماره لو فى اسوء الظروف حافظت على مجموعى ده ؟؟ و بالنسبه للكورسات هل لو اخدتها بعد الامتحانات الوقت هيكون كفايه ؟؟ و الامتحان لازم اروح اقدم فالجامعه انى عايزه امتحنه و لو لازم بيكون امتى وقت التقديم ولا عادى وقت الامتحان اروح و امتحن انا مش عارفه فنون جميله فى كل الجامعات ولا لا ؟؟ بس انا عايزها تكون فالقاهره؟؟ و عايزه اعرف هل فنون تطبيقيه فيها عماره بردو و هل هى كمان بتتبع للنقابه ؟؟

[بسمة العرب]

المشاركة الأصلية كتبت بواسطة princces monny

انا طالبه فى 3 ثانوى علمى رياضه و جبت فى تانيه 93.9% انا خايفه من التنسيق و خايفه مش الحق هندسه حتى ان شاء الله لو شديت بسبب مجموع السنه اللى فاتت بتاع دفعتى فانا ينفع ادخل فنون عماره لو فى اسوء الظروف حافظت على مجموعى ده ؟؟ و بالنسبه للكورسات هل لو اخدتها بعد الامتحانات الوقت هيكون كفايه ؟؟ و الامتحان لازم اروح اقدم فالجامعه انى عايزه امتحنه و لو لازم بيكون امتى وقت التقديم ولا عادى وقت الامتحان اروح و امتحن انا مش عارفه فنون جميله فى كل الجامعات ولا لا ؟؟ بس انا عايزها تكون فالقاهره؟؟ و عايزه اعرف هل فنون تطبيقيه فيها عماره بردو و هل هى كمان بتتبع للنقابه ؟؟

بصى مجموعك كويس جدا بس شدى حيلك شوية كمان وان شاء الله تدخلى هندسة او فنون عمارة بس حاولى ارفعى المجموع ده شوية عشان السنه دى المجاميع عالية قوى وكمان اقل هندسة السنة اللى فاتت خدت من 94 وفنون عمارة اقل حاجة اخدت من 93.5 فاعتقد السنة اللى جاية المجاميع هتبقى اعلى من كدة فشدى حيلك وربنا يوفقك اما بالنسبة للكورس فهيكون الوقت كفاية جدا ان شاء الله متقلقيش انا خدت الكورسات كلها بعد الامتحانات ووقت التقديم بيتحدد بس بعد متخلصى امتحانات خالص ولازم تقدمى فى الجامعة وبيبقى فيه وقت . بالنسبة بقى لفنون عمارة عندك 3 جامعات بس اللى فيهم فنون عمارة على مستوى الجمهورية اللى هم حلوان واسكندرية والمنيا فقط ومفيش تبع جامعة القاهرة بالنسبة لفنون تطبيقية مفيهاش عمارة كقسم منفصل وبتتبع نقابة التطبيقيين ومبتتبعش لنقابة المهندسين لكن فيها قسم واحد يتبع لنقابة المهندسين اللى هو النسيج وطباعة المنسوجات وربنا يوفقك .

[princess monna]

شكرا جدا لرد حضرتك ده بجد طمنتنى شويه بس هى فنون جميله اللى فى الزمالك تتبع جامعه ايه؟؟ و ياترا فيها عماره ولا لا ؟و هل ممكن حضرتك تقولى الجامعات بتاعات فنون ال 3 دول مكانهم فين ؟ و من كلام حضرتك ان التقديم بيكون للكورسات بيكون بعد اللامتحانات عادى ؟

[bahaaeldeen]

المشاركة الأصلية كتبت بواسطة princces monny

شكرا جدا لرد حضرتك ده بجد طمنتنى شويه بس هى فنون جميله اللى فى الزمالك تتبع جامعه ايه؟؟ و ياترا فيها عماره ولا لا ؟و هل ممكن حضرتك تقولى الجامعات بتاعات فنون ال 3 دول مكانهم فين ؟ و من كلام حضرتك ان التقديم بيكون للكورسات بيكون بعد اللامتحانات عادى ؟

تتبع جامعة حلوان
فيها عمارة طبعاااا
ونصيحة منى تدخليها لانها احسن من هندسة عمارة مليون مرة
بتدرسى عمارة 5 سنين ومعاها جانب فنى ومش هندسى بس وتتبعى نقابة المهندسين
التلات اماكن هما اسكندرية والمنيا والاقصر
التقديم فى الكورس بعد الامتحانات وانا عامل نظام كورسات اوفر من بتاع الكلية

[bahaaeldeen]

المشاركة الأصلية كتبت بواسطة princces monny

انا طالبه فى 3 ثانوى علمى رياضه و جبت فى تانيه 93.9% انا خايفه من التنسيق و خايفه مش الحق هندسه حتى ان شاء الله لو شديت بسبب مجموع السنه اللى فاتت بتاع دفعتى فانا ينفع ادخل فنون عماره لو فى اسوء الظروف حافظت على مجموعى ده ؟؟ و بالنسبه للكورسات هل لو اخدتها بعد الامتحانات الوقت هيكون كفايه ؟؟ و الامتحان لازم اروح اقدم فالجامعه انى عايزه امتحنه و لو لازم بيكون امتى وقت التقديم ولا عادى وقت الامتحان اروح و امتحن انا مش عارفه فنون جميله فى كل الجامعات ولا لا ؟؟ بس انا عايزها تكون فالقاهره؟؟ و عايزه اعرف هل فنون تطبيقيه فيها عماره بردو و هل هى كمان بتتبع للنقابه ؟؟

مجموعك كويس ونصيحة منى امتحنى فنون وعمارة عشان تدخلى قسم هندسة الديكور عمارة داخلية لو لا قدر الله مجموعك قل عن كدة
وبعدين فنون جميلة قسم عمارة اجمل واحسن من هندسة بمراحل خسارة تدخلى هندسة ولو ناوية قسم عمارة والاخر تلاقى بتاع فنون جميلة عمارة مستواه اكبر وياخد فرصة شغلك
الكورسات لو خدتيها بعد الامتحان كفاية جداااا
الامتحان الاول هتقدمى فى جامعة القاهرة لما باب التنسيق يفتحخ وتسحبى استمارة وتجيبيه لفنون جميلة
فنون جميلة الزمالك اللى هو حلوان هى الوحيدة اللى فى القاهرة
ولو دخلتى هندسة هتبقى وحشة بجد لان عددها بالالاف وفيه مليون مهندس لكن مفيش مهندس معمارى ومعاه ابداع فنى وكمان عددكم بالكلية 200 طالب بالكتير فى الدفعة يعنى احسن تعليم واحسن نظام تعليمى هتشوفيه فى حياتك مش زى نظام الكليات الزحمة
مفيش حاجة اسمها هندسة عمارة لان فنون جميلة عمارة وديكور مش سايبنلهم اى فرصة
ياريت تعيدى النظر وربنا يوفقك
فنون تطبيقية مفيهاش عمارة وفيها تصميم داخلى واثاث يعنى مفيهاش هندسة الديكور
ونصيحة لو مجموعك مجابش عمارة يبقى ادخلى ديكور وهتدرسى نفس المواد واكتر فى الانتريور ديساين يعنى هندسة وفن وابداع وهتدرسى كل مواد عمارة حتنى كيميا وفيزيا ومنظور وانشاء معمارى وكتييير

[وائل محرز النقيب]

شكرااااااااااااااااااااااااااااااااااااااااااااااا

[yoyo3001]

يا جماااااعه بليز حد يرد عليا انا في سنة تالته ادبي وخلصت الامتحانات بس لسه النتيجه وعندي سؤال هو لو انا عايزة ادخل القدرات لازم اروح كل الجامعات ولا جامعه واحده كفاية يعني لازم اروح فنون جميلة الاسكندرية وفنون الاقصر والمنيا وحلوان ولا واحده بس كفاية علشان اقدر ادخل اي واحده منهم

[amera mera]

السلام عليكم ورحمه الله وبركاته


انا تالته ثانوى
...طبعا لسه يادوب مخلصه امتحانات امبارح


عايزه اسال على امتحان قدرات المنيا

انا عايزه ادخل فنون ديكور

بس مش عارفه اى حاجه عن اختبار القدرات

[mohamed-salah]

انا عايز افهم هوه انا بروح جامعه القاهره عشان اسجل فى يوم وامتحن فى يوم تانى حد يفهمنى ايه الخطوه الاوله

[ebthal kotb]

ما هى الثقافه العامه للفنون الجميله؟

[bahaaeldeen]

المشاركة الأصلية كتبت بواسطة yoyo3001

يا جماااااعه بليز حد يرد عليا انا في سنة تالته ادبي وخلصت الامتحانات بس لسه النتيجه وعندي سؤال هو لو انا عايزة ادخل القدرات لازم اروح كل الجامعات ولا جامعه واحده كفاية يعني لازم اروح فنون جميلة الاسكندرية وفنون الاقصر والمنيا وحلوان ولا واحده بس كفاية علشان اقدر ادخل اي واحده منهم

جامعة واحدة تكفى مش لازم تمتحنى فى كله وبعديها تحولى اى كلية حتى لو مجموعك مش جايبها

[ayoya2022]

for exmenation i pay 125 for two exm or 250 pleace help

[ayoya2022]

for exemination i pay 125 for two emem or 250 please helpe me

[bahaaeldeen]

المشاركة الأصلية كتبت بواسطة ayoya2022

for exemination i pay 125 for two emem or 250 please helpe me

125 للامتحان الواحد