شفيق يدلى بصوته.. وأهالي الشهداء يقذفونه بالأحذية ويهتفون يسقط الفلول

[عاشق البلانكو الابيض]

أدلى المرشح لرئاسة الجمهورية الفريق أحمد شفيق، بصوته فى الانتخابات الرئاسية بمدرسة فاطمة عنان الإعدادية بمنطق التجمع الخامس شرق القاهرة وسط إجراءات أمنية مشددة من رجال الشرطة والجيش. وقال مراسل العربية إنه تم إلقاء حجارة وأحذية من أهالي الشهداء على أحمد شفيق أثناء توجهه للإدلاء بصوته .

وشهدت اللجنة - وهي نفس اللجنة التي أدلى بها المرشح الرئاسي عمرو موسى بصوته صباح اليوم - وقفة من عدد من أهالي شهداء الثورة فى موقعة الجمل وأحداث مجلس الوزراء، رافعين صور علاء عبد الهادي ومينا دانيال، مؤكدين أنهم جاءوا للتذكير بأنه لولا دماء هؤلاء الشهداء لما شهدت مصر هذه الانتخابات، مطالبين الناخبين بألا ينسوا الشهداء أثناء الإدلاء بأصواتهم.

وردد أهالي الشهداء خلال الوقفة العديد من الهتافات بسقوط فلول النظام السابق، خاصة مع وصول الفريق شفيق لمقر اللجنة. وشهدت اللجنة تواجد عدد من أنصار ومؤيدي الفريق شفيق الذين جاءوا لدعمه، مرددين هتاف "النصر لمصر".


المصدر

[عاشق البلانكو الابيض]

http://www.youtube.com/watch?feature...&v=VNa0A84x1Ds

[عاشق البلانكو الابيض]

[عاشق البلانكو الابيض]

http://www.youtube.com/watch?feature...&v=aZZA_KBAtT4

[أ/محمد ابراهيم]

بعد تعرض الفريق أحمد شفيق المرشح للانتخابات رئاسة الجمهورية للاعتداء عليه في التجمع الخامس أثناء الإدلاء بصوته في اللجنة الانتخابية بمدرسة عنان حيث القي عليه بعض الغاضبين الحجارة وفوارغ المياه الغازية وتم رشقه بعدد من الأحذية هذه هي المرة الثانية التي يتعرض فيها شفيق للرشق بالجزم فقد تعرض في احد المؤتمرات الجماهيرية له في محافظة أسوان للرشق بالجزم عندما القي عليه المواطن أحمد جازم الجزمة
وعلق نشطاء علي موقع التواصل الاجتماعي تويتر
ابراهيم الجارحي: شفيق تعرض للرشق بالأحذية تانية قبل عشر دقائق ... الراجل ده نازل الانتخابات يلم أصوات ولا نازل يلم جزم ؟"
عبدالرحمن يوسف : "اكيد لو بقي رئيس هيدينا بالجزمة... يبقي أهبل لو معملش كده!!
نواره نجم: " وبعدين بقي في شفيق المرشح المضروب ده ؟ انا لو من المجلس اخلع منه، لا وبيقولك انتخبوني عشان شخصيتي قوية"
خالد منصور:" شفيق والجزمة ... متلازمتان في السياسة المصرية الجديدة".
وعلق آخرون
# انباء عن حصول ابوالفتوح علي معظم أصوات اسكندرية وتصدر حمدين في الاسماعلية وحصول شفيق علي معظم جزم التجمع الخامس#
# هو دي بروفة لو كسبت يا شفيق قال بيقولك العباسية بروفة قال#
# أحمد شفيق ... ادركوا الجزمة الفارقة#
http://www.klmty.net/2012/05/blog-post_7046.html

[أ / أيمن حماد]

هينجح غصب عنكم

[راغب السيد رويه]

شكرا على الخبر

[صفاء عزمى]

المشاركة الأصلية كتبت بواسطة بقايا قلب

حتى لو حسنى مبارك نفسه كان هو اللى بينتخب ما كانوش يضريوه بالجزمه


شعب مخليين صورتنا هباب


وع العموم اللى واقفين كلهم اخوان .. ودى مش جديده عليهم

دقق فى الصوره وانت تعرف

اتقف الله مش تشتم شعب مسلم حرر قال عنه الرسول خير اجناد الارض
شفيق ومارك وبتوعحزب الواطي مش مصريين دو يهود

[بقايا قلب]

طب لما هما خير اجناد الارض


ايه يسقط يسقط حكم العسكر

اما حاجه عجيبه بصحيح


وعلى ما اظن ان الجيش وفى بوعده

واللى عنده اعتراض يتفضل يقول


واسف على اللغه اللى اتكلمت بيها

بس الواحد لازم يخرج عن شعوره

اما لسه لحد دلوقتى ناس بتقول يسقط حكم العسكر

ياريت كان العسكر ده عمل فيكم زى ما جيش سوريا عمل فيهم

صدقونى .. اللى بيجى بالساهل بيروح بالساهل

وعلشان الشعب ما شافش ايام زى اللى فى ليببا وسوريا

هيفضل طول عمره كده

لغايه اما ربنا يحلها من عنده

[Soaad-532]

وجبة غذائية و50 جنيهاً للتصويت لـ'شفيق' بالقليوبية

اكد شهود عيان قيام عدد من انصار أحمد شفيق وبعض فلول الحزب الوطني بمحافظة القليوبية بتوزيع وجبات غذائيه بالاضافه الي مبالغ ماليه تقدر بـ50 جنيهاعلي الناخبين امام لجنه مدرسه الريفيه الإعدادية بقريه ميت كنانه التابعه لمركز طوخ لحثهم علي التصويت لصالح شفيق.

من ناحيه اخري حذف المستشار تامر عطيه 22 من اسماء الناخبين بمدرسه ترسا الابتدائيه في اللجنه رقم 43 من الكشوف بعد اكتشاف انتمائهم للقوات المسلحه والشرطه، وامر بعدم اعطائهم بطاقات التصويت.

وشهدت لجنه مدرسه ناصر الاعداديه بببنها دعايه لصالح محمد مرسي وعبد المنعم ابو الفتوح، واكد محمد عواد حجازي مندوب المرشح عمرو موسي انهم اعترضوا علي تلك الدعايه التي تكسر حاله الصمت الانتخابي.

وشهدت اللجان اصابه سيده تدعي سعديه السيد محمد وتبلغ من العمر 63 سنه بلجنه مدرسه الشهيد احمد سمير بقريه كفر الجزار التابعه لمركز بنها وتم اسعافها في المكان.

وحرر رئيس لجنه الانتخابات بمدرسه الشهيد احمد سمير حجازي بكفر الجزار محضرا ضد محمد أحمد حسانين ويحمل توكيل من المرشح محمد مرسي لقيامه بتوجيه الناخبين داخل حرم اللجنه في مخالفه صريحه لقواعد اللجنه العليا للانتخابات وتم احالته للتحقيق.

وتم استبدال القاضيه سوزان جمال ابراهيم في لجنه رقم 3 بمدرسه أسماء بنت أبي بكر بقليوب لظروفها الصحيه حيث انها حامل وتم تكليف القاضي احمد عمران باستكمال مهامها.

وشهدت لجنه مدرسه العمار للتعليم الاساسي وجود اسماء للمتوفين وعدم تنقيه اللجان الانتخابيه، واكد ايمن أحمد السيد ان الكشوف الانتخابيه لم يتم تنقيتها من الاموات. وقال انه تبين وجود اسم والده المتوفي احمد السيد الصباغ، بكشوف اللجنه الفرعيه رقم 39 بمدرسه العمار للتعليم الاساسي ، ورقم الكشف 2929 ، بتاريخ
http://www.akhbarak.net/news/2012/05...9;_بالقليوبية_

[بقايا قلب]

الشعب المصرى للاسف

ما بيتعلمش ...

اللى فى دماغه فى دماغه واستحاله يغيره

...


يعنى لو واحد رايح ينتخب ابو الفتوح

وواحد اداله الوجبه والخمسين جنيه وقاله انتخب شفيق


لو راح انتخب شفيق يبقى لا مؤاخذه راجل حمار


انا مش فاهم الشعب ازاى . سايب الانجازات اللى احنا وصلنالها .. وعمال يقول .. اصل فيه يافطه للمرشح مش عارف مين

اصل فلان طلع مش عارف فين .. اصل مش عارف ايه


احمدوا ربنا ان انتوا واقفين اصلا وراحين تنتخبوا

[صوت العقل]

لا حول ولا قوة الا بالله ..
شكرا على الخبر ..

[Soaad-532]

بارك الله فيك وكتب لك النجاح

[توفيق رفعت عجيز]

طيب ليه الجزمة ما يسبوا الناس تختار اومال فين الديموقراطية؟؟؟؟؟؟؟؟؟؟

[محمود الفرماوي]

المشاركة الأصلية كتبت بواسطة توفيق رفعت عجيز

طيب ليه الجزمة ما يسبوا الناس تختار اومال فين الديموقراطية؟؟؟؟؟؟؟؟؟؟

ديموقراطية ايه !!!!! اذا كان شباب الثورة بيسألوهم في برنامج تليفزيوني هتقبلو النتيجة لو حد من الفلول نجح
الرد كان لأ و الميدان موجود و الثورة لسة مستمرة حتي لو الانتخابات سليمة و مافيش تزوير
فتم سؤالهم طيب فين الديموقراطية و احترام الصندوق الرد كالتالي ماعملناش ثورة عشان الديموقراطية
بالله عليكم ده كلام و لا ده ينفع