انا بفكر اعيد السنة :(

[شيماء2020]

المشاركة الأصلية كتبت بواسطة خالد احمد الاحمد

بصى ي أخت شيماء
إللى إنتى فيه ده لأنك عايزه حد يشجعك ومش لاقيل
أو
إن ف البيت عندك مش مهتمين أوى بيكى يعنى ذاكرتى إيه خلصتى إيه

أنا عندى إقتراح
1/ تظبتى ساعات نومك .. 3 ساعات لا تكفى .. م تفكريش إنك لما تنامى 3 بس دى حاجه حلوه
يعنى مثلا المفروض تنامى الساعه 10 بليل تصحى الساعه 4 الفجر .. تصلى الفجر وتقرأى ورد من القرآن وتفطرى بقت الساعه 5 _ ح تقوليلى مش بصحى أو مش بعرف أصحى _ ولا يهمك .. تقريبا كل الناس إللى دخلت ع اللموضوع ده بتصحى الفجر .. ممكن تخدى نمره أى بنت فيهم وتتفقوا مع بعض إنكم تصحوا بعض وعندك " سها صقر " و " هاله محمد " وبنات كتير جدا

2/ تحاولى ع قد م تقدرى تخلصى إللى مش خلصتيه يعنى ناقصلك حاجات ف كل ماده تخلصيها مع مراجعه القديم إللى ذاكرتيه

3/ ما تذاكريش ماده واحده ف اليوم .. يعنى عربى + انجلش + تاريخ مثلا
واليوم إللى بعده حاجه تانيه زيى م إنتى عايزه .. بس بلاش ماده واحده ف اليوم ح تزهقى جامد

4/ حاولى تشجعى نفسك " أنا شاطره "، " ومش ح قسم السنه " ، " وحذاكر وح جيب مجموع طالما ثقتى ف الله كبيره " وحاجات من دى

5/ تقفلى موبايلك تماما طب ليه ؟؟؟؟ ... عشان محدش من زميلاتك يتصل يقولك " خلصنا كذا كمذا وكذا وراجعنا كذا وكذا " وطبعا إنتى لسه ف حاجات كتير سايباها حتى لا تتعرضين للإحباط

6/ أنا عامل موضوع " ماذا ذاكرت اليوم " ممكن لو ذاكرتى أى حاجه تدخلى عليه تقولى ذاكرتى إيه ولو حاجات معكنناكى ف المذاكره قولى عليها ح تلافى 100 واحد ح يرد عليها إن شاء الله

بالله عليكى شيلى تفكير تقسيم السنه من دماغك ... مهو طول م هو ف دماغك ح تفضلى ع حالتك دى ومش ح تعملى حاجه

ربنا معاكى ي رب وتبدأى تذاكرى بجد ويعينك

ايوة فعلا مفيش اهتمام اوى
و الحمد لله انا تقريبا بدأت اعمل اكتر الحاجات دى و بقالى يومين بنام الساعة 10 و اصحى 4 بس وقت الصبح دا من الساعة 10 كدا بحس بارهاق بس هحاول اتغلب عليه وان شاء الله اتعود و عملتلى جدول وان شاء الله امشى عليه وهصبر نفسى ومش هفكر فى الامتحان و افكر فى اللى بذاكره وبس
و انا بشكرك اوى انت وكل اللى ردوا عليا بجد وان شاء الله اذاكر كويس وربنا يوفقنا كلنا