ملف شامل لطريقة حفظ وتجميد الخضروات والفواكه

[ام علاء]

البهارات

احتفظي بالبهارات في مكان جاف؛ لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة.

علشان كده يا ريت ما تخزنيش الأعشاب والبهارات الجافة بالقرب من أفران الغاز أو المايكروويف أو أي مصدر للحرارة أو الرطوبة زي أجهزة غسل الصحون وغلايات الماء.



وخليكي دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام أو اتنين.

[ام علاء]

اللحوم

.

طلعيها من الكيس البلاستيك وبعد كده حطيها في حلة وحطيها في التلاجة على الرف اللي تحت الفريزر لمدة أربع ساعات وبعد كده هاتي كيس بلاستيك ناشف وحطيها فيه وفرغي أي هواء في الكيس واقفليه كويس وشيليه في الفريزر.. نفس الشيء ده هتعمليه مع اللحمة المفرومة.

[ام علاء]

الاسماك

بعد ما تروحي البيت على طوول طلعي السمك من الكيس بتاعه وابدئي في تنظيفه كويس.


ودي طريقة تنظيف السمك:





1. امسكي وسط السمكة وقشري جلدها باتجاه الرأس بسكين أو بحافة سكين غير حادة.




2. قصي الزعانف بواسطة مقص حاد. شقي جانب السمكة بسكين حادة كبيرة من أسفل رأسها حتى بداية ذيلها وتأكدي من أنها قد شقت جيداً من الداخل شيلي الأمعاء ونظفي بطن السمكة كويس.






3. بعد كده ابدئي في تنظيف السمك بالميه الباردة وبأكد بالميه الباردة وبعد كده حطيه في مصفاة وسيبيه علشان يصفي ميته وحطيه في كيس بلاستيك ناشف وشيليه في الفريزر.
عند الاستخدام طلعيه من الفريز وضعية فى شوية ماء بالخل واشطفية وضعية فى مصف




.

[ام علاء]

تمام كده
بعد كده هنتكلم عن حفظ الخضروات الورقية
ولو حد عنده اى استفسار اجابته موجودة باذن الله

[صوت العقل]

بسم الله ما شاء الله عليكى ..
بجد مجهود جميل ومعلومات مفيدة ..
اسأل الله ان يكون فى ميزان حسناتك ..
جزاكى الله خيراااا ..

[ام علاء]

المشاركة الأصلية كتبت بواسطة صوت العقل

بسم الله ما شاء الله عليكى ..
بجد مجهود جميل ومعلومات مفيدة ..
اسأل الله ان يكون فى ميزان حسناتك ..
جزاكى الله خيراااا ..

هذا وان كان فانه لمحة من نشاطك واخلاصك الملحوظ ===دمت رائعة ومبدعة دائمااااااااا

[ام علاء]

أحسن طريقة لحفظ الخضروات الورقية في الثلاجة طازجة لأطول فترة ممكنة هي إنك تلفيها في فوطة نظيفة وبعد كده تحطيها في كيس بلاستيك وتحطيها في التلاجة.

[ام علاء]

هاتي ورق العنب واغسليه كويس وبعد كده حطيه في ميه مغلية لمدة 3 دقائق وشيليه منها وحطيه في مصفاة يصفي ميته ويبرد بعد كده لفيه في فوطة ناشفة وحطيه في أكياس نايلون بس برضه اتأكدي إن الكيس مفيهوش أي أثر للهواء وبعد كده حطيه في الفريرز.
او رصصية بدون غسيل وهو اخضر فوق بعضة وضعية فى الفريزر وبعدين عند الحاجة طلعية فى ماء مغلى علية نقطة زيت 3 دقائق ثم اشطفية جيدا

[ام علاء]

حفظ الملوخية

.


هاتي الملوخية وقطفيها واغسليها كويس وحطيها في مصفاة علشان تصفي ميتها كويس وبعد كده خرّطيها وحطّيها في شوية شوربة مغليين كويس ( فنجان صغير على النصف كيلو ) ثم توضع فى أكياس نايلون ناشفة وحطيها في الفريزر.

[ام علاء]

حفظ البسلة والفاصوليا

هاتي البسلة وفصصيها واغسليها كويس وحطيها في المصفاة.





بعد كده هاتي حلة كبيرة فيها ميه وضيفي ليها معلقة كبيرة ملح وسيبي الميه تغلي على النار بعد ما تغلي ضيفي إليها البسلة وسيبيها لمدة 5 دقائق بعد كده حطيها في المصفاة واغسليها على طول بميه باردة من الحنفية وده علشان تحافظي على لونها الأخضر وعلى القيمة الغذائية اللي فيها.بعد كده سيبيها شوية علشان تصفي الميه اللي فيها...




بعد ما تتأكدي إن مابقاش فيها ميه نهائي هاتي كيس نايلون وحطي فيه البسلة بس خدي بالك وإنتي بتحطيها إنك تفرغي الكيس من أي هواء، بعد كده اقفلي الكيس كويس وحطيه في الفريزر... ونفس الشيء مع الفاصوليا..

[ام علاء]

حفظ البامية

هاتي البامية اللي إنتي عايزة تجمديها واغلسيها كويس وبعد كده حطيها في مصفاه علشان تتخلص من أي ميه فيها....





بعد كده هاتي السكينة وابدئي في تقميع البامية بإنك تشيلي الجزء العلوي منها بشكل هرمي واوعي تقطعيها من النص أو من الطرف لأن ده ممكن يخليها تنزل العصارة اللي فيها.






بعد كده اغلي ميه وحطي عليها نصف ليمونة ومعلقة ملح بعد كده حطي فيها البامية لمدة خمس دقائق وبعد كده شيليها من الميه المغلية، وحطيها في مصفاة وافتحي عليها الحنفية بميه باردة بعد كده سيبيها شوية علشان تصفي الميه اللي فيها...





بعد ما تتأكدي إنها مبقاش فيها ميه نهائي هاتي كيس نايلون وحطي فيه البامية بس خدي بالك وإنتي بتحطيها إنك تفرغي الكيس من أي هواء بعد كده اقفلي الكيس كويس وحطيه في الفريزر..

[ام علاء]

حفظ الفلفل والقرنبيط والجزر

.

ممكن تشيلي الفلفل الرومي بالتجميد عن طريق إنك تغسليه وتقطعيه شرائح طويلة أو مكعبات، وتحطيه في أكياس نايلون وبعد كده تحطيها في الفريزر



القرنبيط والجزر.

يسلقو ويصفوا ويوضع فى اكياس فى الفريزر

[ام علاء]

حفظ الطماطم

لو كانت الطماطم طرية يبقى اغسليها كويس وبعد كده قطعيها واضربيها في الخلاط لغاية ما تبقى عصير بعد كده صفيها وحطيها في أكياس نايلون ناشفة وحطيها في الفريزر لحين الاستخدام.

او ضعيها فى الفريزر سليمة ولما تجمد اخرجيها وخليها تتصفى من المية اللى هتنزل منها وبعدين هتتقشر بسهولة معكى وبعدين اضربيها فى الخلاط وضعيها فى اكياس بلاستيك على حسب الطبخة فى الفريزر

[ام علاء]

حفظ الفواكه

[ام علاء]

تقطع المانجو شرائح





ولكل كيلو مانجو عصير ليموناتان للحفاظ على لونها


وتعبأ فى اكياس وتفرز






ونفس الشئ بالنسبه للجوافه والكنتالوب