بمن ؟؟ تـأثرت..

[هالة محمد 2]

المشاركة الأصلية كتبت بواسطة سارة ماكس

موضوع جميل ياهالة

فى حاجات كتيرة جدا اثرت فيا وفيها اللى كان تاثيره كويس واللى كان تاثيره سئ

ابدا بالكويس::

1-ماما لانها علمتنى القراءة والكتابة فى عمر صغير وخلتنى اقدر انى اتملى صفحات طويلة واتعلم منهج اولى ابتدائى وانا اقل من4سنين وكمان اخدت منها خبرات كتيرة فى الحياة

2-مدرسة العربى فى اولى وتانية ابتدائى علمتنى احب المذاكرة جدا وعلمتنى الانضباط والالتزام فى الواجب والمذاكرة

3-مدرسة العربى فى خامسة ابتدائى دى بقى اللى عرفتنى حاجات كتيرة فى الدين وعلمتنى الالتزام الدينى وحببتنى بجد فى الاسلام وكمان عرفتنى حاجات دينية كتيرة جدا

4-اتنين من اصحابى معايا من صغرى :: هم اللى عرفونى الحياة بتمشى ازاى لانى ماكنتش بخرج من البيت ولاكنت بشوف ناس اصلا ومعظم الامور اللى فى الدنيا هم اللى عرفوها لى لانى قبل مايفهمونى كل حاجة ماكنتش حتى اعرف اميز الزرع من بعضه او اعرف الزرع ده اسمه ايه وبجد انا عرفت اتعلم اتعامل مع الناس من خلالهم

5-واحدة صاحبتها من 6سنين بس علمتنى الطموح بمعناه الحقيقى

6-اكيد مافيش زى الرسول صلى الله عليه وسلم مثال الاخلاق والكمال لكن اهم حاجة اتاثرت بيها من قصص الرسول صلى الله عليه وسلم هى التسامح وعدم الغضب



اما بقى اللى كان تاثيرهم سئ::

1-زمايلى بسبب الكره اللى علموه لى من ابتدائى والحقيقة ماعرفتش الكره غير منهم ودى اكتر حاجة اتعلمتها منهم (الكره) بس هم حاليا يعنى كبروا وعقلوا لكن انا خلاص اتعلمت الكره

2-المذيعين والاعلام والسياسيين ::دى بقى كانت من قريب مش من زمن طويل يعنى ودول اتعلمت منهم ان فى ناس الاولوية عندها اسمها المصلحة وبس وكمان شفت فيهم اسوا صفة وهى النفاق وبصراحة دى حاجة اثرت عليا نفسيا لانى اصلا كنت تقريبا عندى شئ من الانطوائية فى طفولتى وعشان كده اللى شفته منهم خلانى فى فترة اعيش فى حالة من التهربية من الواقع وبقيت الجأ لانى اعيش فى عالم خاص من نسج خيالى

دى كلها شخصيات اثرت فيا اما المواقف بقى

فكان اول موقف قابلته فى حياتى انى الاقى زمايلى يقولوا لى ان ناس تانية من اصحابى اتكلموا عليا وحش فى غيابى ودى بجد كانت صدمة كبيرة ليا لانى قبلها ماكنتش اعرف ان فى كده اساسا وبرضه عشت وقتها حالة من التهربية لانى قلت وقتها ازاى يتكلموا عليا وليه؟وكمان ليه الباقيين يفتنوا ويقولوا الكلام ليا تانى؟

اما تانى موقف قابلته هو انى مرضت بشدة قبل امتحان اولى اعدادى وقتها كانت اول مرة فى حياتى اقل فى امتحان ومااكونش الاولى بس انا شايفة انها مفيدة لانها كسرت عندى الغرور بصراحة ولو انها هزت ثقتى بنفسى شوية بس اتعلمت وقتها انى ممكن انقص او ازيد مش دايما هزيد واتكرر الموقف فى تالته اعدادى تانى بس كان وقعه بقى اشد لانه عدم عندى ثقتى بنفسى نهائى

اما تالت موقف فكان فى الامتحان السنة اللى فاتت لما كنت بروح من الامتحان واحس انى مش عارفة انا حليت ايه وبخرج من الامتحان الاقى زمايلى بيقولوا سهل اقول اه ده جميل جدا وكمان يوم امتحان الانجليزى لما حسيت انى مش عارفة احل حاجة فى سؤال الاختيارى وماكنتش خايفة ولامزعوجة مع انى كنت متوقعة انى اول ماالاقى حاجة مش عارفاها فى امتحان الثانوية هاتفزع لكن كنت سعيدة وقتها بالشجاعة اللى كانت عندى واكتشفت فى نفسى جانب شجاع

رابع موقف بقى كان الاحساس بالظلم وده جه فى اكتر من حاجة ورا بعض اولهم لما خرجت من امتحان الانجليزى ولقيت ناس غشت الحاجات اللى انا ماعرفتش احلها

خامس موقف بقى فهو وقت الثورة انا غالبا مامرتش بحالات موت قبل كده غير ابن خالتى وكنت وقتها صغيرة وعادى مازعلتش اوى لكن ي

اسعدنى مرورك يا سارة
بجد فى ناس تاثيرها كويس والعكس
انا فى اعدادى مدرس العلوم بجد خلانى احب المادة جدا وكنت على طول اخد الجوايز فيها على مدرستى
صحبتى من ابتدائى علمتنى برضو الصدق حاجت كتير والله
اخويا خلانى اعرف كل حاجة فى الدين واحافظ علية
يعنى حاجات لو فضلت اكتبها مش هخلص