مـطلـــــــوب رجــــــــــــال .... يا تري موجودين ؟؟؟؟؟؟؟؟؟؟؟

[mos3d]

المشاركة الأصلية كتبت بواسطة tamora

و الله يا اخي انا مبسوط جدا من مشاركتك و تفاعلك
بالنسبة للاقتراح الاول : الفكرة انك توصل للمعلمين كلهم علي مستوي الجمهورية علشان نلم الجموع بالرغم انهم مش بيقروا الجرايد و لكن الموضوع هيسمع بخلاف النت كمان هيوضح موقفنا امام الرأي العام كله و لاحظ ان موضوع التعليم موضوع شائك و حساس لعامة الجمهور و مش كل الناس هيفهمونا اذا لم نوضح اسباب اعتصامنا
بالنسبة للموضوع الثاني بتاع انشاء موقع ده هيتم بعد انضمام مجموعة اكبر من الناس لينا نقدر نستعين ببعض الخبرات من المعلمين في انشاء الموقع و هيكون التواصل في البداية علي المنتدي و علي الفيسبوك
الشيء الاهم اللي حضرتك تفضلت بيه هو الاخلاص لله و صدق النية و ده اهم شيء

جزاك الله خيرا أخى الكريم بل نحن السعداء بإقتراحاتك الإيجابية و لعل هذا الموضوع يكون أول بذرة فى مشروع الإرتقاء بالمعلم و ربما بالعملية التعليمية كلها و لا شيئ يستعصى على الله عز و جل

أنا ممكن أتكفل بفضل الله بإنشاء الموقع الجديد و المنتدى الذى نجمع فيه إقتراحات المعلمين و لا يشارك فيه إلا من نتأكد من أنه معلم و يريد فعلا المشاركة فى الإصلاح

بعد إنشاء الموقع و المنتدى و جمع أراء الأخوة المعلمين و الإتفاق على طريقة العمل نقوم بعمل الإعلان فى الأهرام و نضع فيه التالى :
1 - طلباتنا المعلمين من أجل الإصلاح
2 - الإتفاق على موعد و طريقة الإضطراب فى حالة عدم الإستجابة
3 - نضع رابط الموقع الجديد الذى أنشأناه خصيصا لذلك
و بهذا نكون قد جمعنا أكبر عدد من المعلمين خاصة بعد نشر الإعلان و إقناعهم بأن هناك جدية حقيقية و إجماع على مطالب موحدة

و ربنا يوفقنا

[waelfarouk]

لازم من وجود حل وهو الاضراب حتي يهتموا بنا المسئولين

[sheer2010]

انا هعمل اضراب عن العمل اول يوم فى الدارسة ومنيش داخل الفصل للتدريس ومستعد لكل حاجة

[محمد محمود القلفاط]

الحل هو الانخراط لجميع المعلمين فى اعتصام 10 اغسطس و اذا لم يتم الاستجابه الامتناع عن امتحان الدور التانى لللثانويه و ثم عام دراسى بدون معلمين

[elsyed khalil]

اضافة
خامسا على كل معلم ان يعلم جميع زملائه بهذه الدعوة
حتى يكون للمعلمين كررررررامة
وهى
عام دراسى جديد بدون معلم

[شريف sh]

للاسف مازال تخاذل المعلمين مستمر تواجد اليوم 10/8 فى بداية اليوم حوالى 20 معلم ازداد العدد بعد صلاة الظهر حتى وصل الى 150 معلم تقريبا وطبعا عدد زى دة تأثيرة ضعيف نتمنى من السادة الزملاء المشاركة يوم الاربعاء 17/8 امام مجلس الوزراء لكى يصل صوتنا ونطالب بحقوقنا

[عبد الرحمن منتصر]

من أين نأتي بالدقيق
اذا كان قادوس القمح فارغا
نصبر شويه
أكيد بكره أحسن
أؤيدكم بشدة
وكن الوقت غير مناسب
حتي الان لم نشعر بالامن