اعضاء المنتدي ضد الاضراب والعصيان

[مستر أحمد سلطان]

المشاركة الأصلية كتبت بواسطة خالدابوخبازى

ابنى اواخى اوحبيبى او باى لقب سامى تريد ان يكون الصلة بينى وبينك احييك بتحية الاسلام السلام عليك ورحمة الله وبركاته وبعد الاخوة / الزملاء / الابناء الافاضل يحزننى مايحدث بيننا من تطاول ونحن اهل العلم نربى الاجيال نعلمهم كل ماهو جديد ومفيد نخرج منهم الطبيب والمهندس والمعلم والصيدلى وكل المهن النبيلةفلا يجوز اطلاقا التعدى على الاخرين او الاننفراد باالراى واهمال الراى الاخر فكل منا له وجهة نظر تحترم .
ابنى واخى /مستر احمد سلطان لك وجهة نظرك وتقبل منى وجهة نظرى ولك جزيل الشكر
اولا انا ضد العصيان وارى ان مايدعو له فى هذا الوقت انه كاره لمصر و لايريد مصر اما دعوة حضرتك لشعب مصر باالعصيان والاستدلال ب الاية فان الاستدلال فى غير محله بل استدل بقول الله عز وجل واعتصمو ا بحبل الله جمعيا ولاتفرقوا
اما الرد على وجهة نظرك لوحد قال لك ليه العصيان قول له علشان العسكر خايفين ياخى العسكر كلمة حق هم حموك انت وانا وشعب مصر باالكامل ومازالو ومن هم هم ابنى واخى وابن ابنى وقريبى هم خير اجناد الارض باالامس القريب كنا لااناا ولا انت و لاغيرنا انملك ان نكتب مانكتبه اليوم ولك عبرة فى عسكر سورية وعسكر ليبيا لذلك لااؤيد العصيان وانادى الجميع بعدم الاستجابة لهذا الامر ولك الشكر

الى الاستاذ الفاضل/خالد ابو خبازى السلام عليكم ورحمة الله وبركاته -تحية طيبة وبعد

انا شايف ان العصيان المدني صح مليون في الميه، بغض النظر عن الحجج الواهية للمعترضين عليه

يعتي بستغرب اننا كل مرة نهاجم الشباب اللي بيعملوا مظاهرات، وبعديين يحققوا مكاسب سياسة للبلد، يستفيد بها غيرهم، وبردة نقول هما ليه بيعملوا مظاهرات،. طيب

مبارك متخلعش الا بمظاهرات.
وثيقة السلمي متلغتش الا بمظاهرات.
حق الشهداء والمصابيين لم يحصلوا عليه الا بمظاهرات.
الغاء المحاكمات العسكرية محصلش الا بالمظاهرات.
اعتذرت اسرائيل لمصر لاول مرة نتيجة للمظاهرات.
انتخاب عمداء الكليات محصلش الا بالمظاهرات.
انتخابات الشعب والشوري متحددش موعدها الا بمظاهرات.
انتخابات الرئاسة لم تحدد موعد للترشيح الا بمظاهرات.
انهاء الطوارئ محصلش الا بالمظاهرات.
وغيرهم كتيييييير

يعني المجلس العسكري بيشحت الشعب شوية اصلاحات، وكان ممكن يعمل كل ده بدون مظاهرات، يعني يإما مش عاوز يعمل، او انه فاشل مش عارف يعمل،

يبقي المجل العسكري لازم يسيب الحكم لحد بيفهم، طيب مش عاوز يسيبه، يعمل ايه: يشوه صورة مفجري الثورة، يوقع الشعب في بعضه مرة عن طريق تصادم الاخوان والثوار ومرة عن طريق الكورة ومره عن طريق تصادم الاسلاميين واللبراليين ،،

بس اللي عملوا الثورة (اللي بيتقال عليهم عاوزين يسقطوا مصر) عاوزين يكملوها للنهاية، كل مظاهرة بيتقتل شويه، قرروا يستخدموا اسلوب تاني وهو العصيان المدني، وده اسلوب محترم جداً لتنفيذ الطلبات،

وعشان منضحكش علي نفسنا المتضرر الوحيد من العصيان المدني هي دولة الصين الشقيقة، مش مصر ، معلش مصانع اللبان، ، والبسكوت،و باقي السلع الكمالية ممكن نستغني عن منتجاتهم اسبوع مش حيجري حاجة.

بس الغريب هو اننا مصدقيين حكاية اسقاط مصر، اللي اخترعها المجلس العسكري علشان يداري علي فشله، واحنا عمالين نصدق لحد ما وصلنا لمنطق توفيق عكاشة في اسقاط مصر،

ببساطة لو العصيان المدني المراد منه اسقاط مصر يبقي الثورة اصلاً قامت لاسقاط مصر، لييييييه، لان الداعين الي العصيان المدني هما هما الداعيين من قبل الي الثورة، وبما انهم خونه يبقي الثورة خيانه، ومبارك حقه يرجع تاني


هذا رأيى....وهذا ما انا مقتنع به...فى النهاية كلانا يريد مصلحة مصر وانت اختلفت رؤيتنا.....
اصلح الله حال مصر .................................والسلام عليكم ورحمة الله وبركاته