غيرة على اللغة العربية الفصحى

[ضياء الدين سعيد]

المشاركة الأصلية كتبت بواسطة رحييق

السلام عليكم ورحمة الله وبركاته
أستاذي الكريم أحمد عبد العال عز كل سنة وحضرتك طيب وأقرب إلى الله

اسمح لي أن أقول بعض الحاجات من وجهة نظري وأتمنى من الله ألا تزعجك مني

بالنسبة لموضوع التحدث بالفصحى حضرتك شاكر انك تكلمت في هذه النقطة ولكن حضرتك دا منتدى عام أى ليس منتدى من المنتديات القاصرة على اللغة العربية. فهنا يدخله شخصيات متعددة الثقافات يعنى ليس مقصورا على المتخصصين في العربية فقط.
وبالتالي لا يقدروا التعامل بها كما ترى واسمحلي حضرتك إن ممكن كنت تقول أننا نعمل دعوة إلى التحدث بالفصحى ونطلب من الأعضاء نحاول نبدأ بدون إحراج لأننا كلنا هنا نتعلم وكل شيء يأتي تدريجيا واحدة واحدة ، وحضرتك وبعض ممن يمتلك القدرة على ذلك من المتخصصين يساعد ويعدل لهم ونكون من هنا نبدأ حاجة جديدة وبطريقة جديدة .

لكن كيف حضرتك تطلب دا هنا . مع ان داخل قاعة المحاضرات في معظم الجامعات حتى المتخصصين كانوا يتحدثون بالعامية مع الأساتذة ؟!!

واسمحلي حضرتك أن أقول إن الغيرة على شيء أو من يريد إن يوصل رسالة أو يعدل شيء ليس بهذا الأسلوب الحاد المتعصب .

وبالنسبة للمواضيع اللي حضرتك ذكرتها ويعتبر هذا ذم فيها بل وفي أصحابها حضرتك كنت ممكن ترسل أسمائها في رسالة خاصة للمشرفين والتتعديل بعد ذلك يكون منهم وبهدوء لكن حضرتك كدا بتعمل لبلبة في القسم ممكن تعمل جدل الأعضاء. وخاصة أصحاب المواضيع. أو ممكن يتركوا القسم ومن غير أي ردود.
أينعم حضرتك قولت دا رأيك لكن حضرتك أحيانا يظهر لنا انه إجبار أو إنك تفرض الرأي دا بالأسلوب الذي تتبعه وفي مواضيع أخرى أحيانا كنت تهاجمها واسمحلي إن أقولك لو حتى فيهم خطأ ما أو تريد تعديل شيء ما أو أو أو هناك طرق كتييرة حتى لا ينفر أصحابها أو القراء من القسم.

تقدر تقولى حضرتك لما تكون ذاهب إلى بيت معين ولقيت أصحاب البيت بيتخانقوا أو حسيت إن البيت فيه حاجة يعنى جو البيت مش مناسب ينفع تدخل ؟؟؟؟؟؟؟؟؟؟

دا بالضبط زي اللي بيحصل هنا بلاحظ في بعض الأحيان حضرتك مع بعض الأعضاء أو المشرفين الكلام في بعض المواضيع النقاش يسير هكذا مثل هذا الموضوع .. صدقني حضرتك أنا لو عضو وأول مرة ادخل القسم وحظي أن ادخل على المواضيع اللي بها الحوار يدور هكذا بين أهل القسم طبعا هخرج ومش هدخل تاني لما ألاقي المواضيع كدا ومعظم الأعضاء دخول بيعملوا كدا ..

وخاصة لو قرأت حاجة وحسيت منها إنها ترغمني على أن أشارك بالفصحى وأنا مش عضو معرفش أقول كدا طبعا هقول وأنا أيه دخلنى هنا سلام عليكم

وحضرتك لو لاحظت المشرفين ردوا على حضرتك ألاء والاستاذ ضياء مع إنهم يبحثون في العربية ومبدعين وقالوا اانا نحب نعبر بطبيعتنا زي مااحنا عايزين اللي يجي في بالنا.

وبالنسبة لموضوع رحييق حضرتك ليه اول مشاركة لك فيه ماقولتش انه شبيه من موضوعك وتطلب حذفه ليه استنيت لدلوقت مع ان حصل نقاش بينا مع ان كنت سعيدة به لكن أسلوب حضرتك بصراحة صعب جدا وحتى لو فيه أي اخطاء لكن الكلام يكون ارحم من كدا. وكنت قولي يارحييق نتعاون في موضوع واحد ونضمهم لبعض ...
مع ان انا مضمون موضوعي مختلف لانه للأسئلة انما حضرتك كل فترة توضع في موضوعك بعض الاخطاء الشائعة او قاعدة ما وطبعا كلنا بنستفيد .


عاوز الموضوع يتحذف تحت أمرك أنا بطلب من الإشراف يحذفوا موضوعي تلبية لغربة حضرتك أستاذ احمد.

مع أن لو أنا شايفه أنه شبيه مكنتش كتبته من الأساس ، لكن بصراحة القسم خلاص مش حابة أشارك في القسم ما دامت الحكاية كدا بقى.
هقرأ من بعيد أفضل .

السلام عليكم ورحمة الله وبركاته

تحياتي للجميع

أستاذة رحيق
شكراً للإضافة الجميلة وشرح الموقف
إن كان الإنسان منا يبحث عن العلم فليتنحى عن المشاكل وعن الثرثرة التي لا تفيد
الإنسان عمل وجد وإجتهاد
أنتظرت رد الأستاذ احمد ولم أجد رده

ولكن الأن أجبتك وتمت إجابتي على تلك الكلمات في ردودي

شاكرين ومقدرين لك تعاونك معنا من أجل رفعة شأن القسم

تحياتي