إلى كل البشمهندسين الجدد

[BaNZeR]

المشاركة الأصلية كتبت بواسطة :: [ K A B B O W ] ::

صباح الفل

منور يا محمد باشا على الكلام اللى زى العسل ده

أنا اسبرايت .... أحم قصدى أنا هندسه ان شاء الله

انا جبت 99 و انت عارف ان الدنيا فى الازهر حماده بالجنزبيل

يعنى علمى علوم شغال و رياضه ميقولش لأ

و بعد قتال و نضال مع الناس اللى اعرفهم علشان هم عاوزين طب

اخترت هندسه الحمد لله جات لى و ظهر التنسيق من فسوتين كده

بصراحه انا ما زلت مقلق مش عارف هندسه و لا طب

يعنى انا بحب الرياضه و بعشق حاجه اسمها فيزياء

و ياسلام على الميكانيكا كده و دلعها و لا الكهربه و لسعنها .. و عمك شرودنجر و هو بيكلمك عن الكم

كل ده بيس اوى .. بس فى المقابل مستقبل طب ملوش حل بصراحه .. و اعتقد ( ومن غير ضرب ) أنه افضل من هندسه

ده غير انى خايف لما ادخل هندسه الاقى حاجه تانيه و اطلع كنت واخد قلم فى الفيزياء و الرياضه

بصراحه انا مكنتش محتار فى الاول .. بس لما نتيجة التنسيق قربت تظهر احترت تانى

و بصراحه زهقت و معتش عارف اعمل أيه و ادخل ايه !!!

مصممنا الكبير عاطف بيه
واحشني والله يا برنس

بس ازاي يعني انت بتقارن الكهربا وقوانين الفيزيا بالاحياء والحاجات المملة دي
وبعدين مستقبل ايه بس اللى بتتكلم عنه
الميزة الوحيدة اللى قلتها عن طب مش موجودة اصلاً
وبعدين انت راسم ليك خط من زمان كمله وبلاش تلون عليه من جديد

[:: [ K A B B O W ] ::]

المشاركة الأصلية كتبت بواسطة banzer

مصممنا الكبير عاطف بيه
واحشني والله يا برنس

و الله انت اكتر يا باشا

بس ازاي يعني انت بتقارن الكهربا وقوانين الفيزيا بالاحياء والحاجات المملة دي
وبعدين مستقبل ايه بس اللى بتتكلم عنه
الميزة الوحيدة اللى قلتها عن طب مش موجودة اصلاً
وبعدين انت راسم ليك خط من زمان كمله وبلاش تلون عليه من جديد

عندك حق و الله .. انا كان عندى شك انى طب و صيدله ممكن تكون احسن لى من هندسه

و اهو احاول استحمل انى اسيب الرياضه و الفيزياء و الكلام الحلو ده

و حاول احفظ فى الكليات التانيه دى و امرى لله

بس بعد ما حضرت محاضرة هستولوجى فى صيدله و فسيولوجى فى طب

حسيت انى اتجننت لما فكرت بس انى اسيب هندسه

فرق السما من الأرض يا راجل

بس سيبك انت .. مدرج اعدادى هندسه عندنا جامد اخر حاجه

ربنا ييسر الحال .. دعواتك يا باشا ^__^