ألم تشعروا بهذه النعمة يوما ما يا أبناء الأزهر ؟!

[مسترh]

المشاركة الأصلية كتبت بواسطة أ/ سعيد موسى

للاسف منذ فترة لم ادخل على هذا الموضوع ومعذرة اخى خالد هذا تقصير منى
ولكن بمجرد دخولى وجدت كم من الالفاظ كلها تنهش فى جسم الازهر فعلا كل اناء ينضح ما فيه
والسؤال لكل من يهاجم الازهر عمال على بطال اذا كان هذا حال الازهر وحضراتكم به منذ 6او 7سنوات وعددكم وصل الى 70الف
ماذا فعلتم !!! هل رفعتم شأنه !!! هل علمتم الطلاب !!! هل رفعتم مستواهم الاخلاقى قبل التعليمى !!!!!
النتيجه واضحه بشهادتكم انتم قبل غيركم
طبعا التبريرات جاهزة واقلها لكم قبلكم
الغش ظاهرة واضحة وشيخ المعهد ياحرام اجبرنا على الحل للتلاميذ ولهذا المستوى التعليمى والاخلاقى صفر
وارد عليكم طلبتم من شيخ الازهر الاستقاله عندما عجز عن تثبيتكم اعتقد قول استاذنا الجليل مستر خالد عندما سألكم
لماذا لاتتركوا الازهر اذا كان حاله لايعجبكم وطبعا الاجابه واضحه بدون الازهر لن تجدوا مكان للعمل وبدلا من محاولة
اصلاح المنظومه ساعدتم على تدميرها وليس هذا فحسب بل تنهشون فى جسده ليل نهار
اتقوا الله وحاولوا ان تصلحوا بقدر استطاعتكم ولو كل واحد فيكم اتقى الله فى عمله لتغير حال الازهر
فهل من مجيب اشك فى ذلك

هرد على حضرتك نقطه نقطه استاذ سعيد

كم الالفاظ الللى بتنهش ف الازهر بسبب سوء حالنا فيه من واحنا طلاب للان

ومتسالنيش ايه اللى رماك ع التعليم الازهرى دا بيقا اختيار الاهل (( بئس الاختيار هو ))

لما ابقى ف ثانوى ازهرى وزميلى ف عام كل الانظار والاهتمام رايح ليه وانا ولا كانى موجود

امتحان الفيزياء يجيلنا مرار ولما يجي امتحان شبه متوسط ف العام القيامه تقوم

عدت المرحله ودخلنا الكليه كليه تربيه فين تربيتك يا عم ازهر ف مدينه نصر

وانا من مدينه عمر ميت غمر ايه المرار ده طب ليه مش بيعمل زى العام ويكون فيه كليات ف الاقاليم

مش عارفين رحنا مصر خلصت اربع سنين بحول الله وعونه

خرجنا من تربيه الازهر ركنا سنه ف الشارع ليه ياعم عشان تربيه من ايام ما كان فيه تكليف

كان بيجى الجواب يعمل حفظ وظيفه ويروح جيشه ويرجع وظيفته طيب معدش تكليف اعمل ايه

هو ده القانون

خلصت السنه خدت اعفاء من الجيش الحمد لله

جات مسابقه 2007 قدمت وتقديرى جيد جدا والعام قدم معانا مع العلم ان العام مش بيقبل ورق الازهر عندنا فى

ادراه ميت غمر التعليميه

يبقى كده خريج تربيه عام فرصته فى الشغل 50% فى ادارته وياخد 25% ازهر بتقا فرصته فى العمل 75%

وانا فرصتى 25%

وموفقتش فى المسابقه دى

جت اللى رواها 2008

ولله تم استبعاد اخواتنا فى العام للتخصصتات الموجوده فى الاوهر

واشتغلنا الحمد لله

رجعت افتكرت تانى ايام ثانوى قمه التهميش للازهر بطلابه بمدرسينه بيشيخه بمشيخته

بال17 ماده بتوع دراسته اللى زى الهم على القلب

بعد رحلت المعاناه دى من حقى يعنى انى اغلط ف مؤسسه انا شاهد على تدنى وضعها

تانى نقطه انا بقالى 5 سنين واعترف لحضرتك انى فشلت فى اصلاح ولو جزء من جبل الاخطاء ولكن نفس

السؤال لحضرتك

انت وبقالك ما يقرب من 20 سنه فى العمل يقل او يزيد ماذا قدمت ؟؟

وكم مره قلت لا لموقف غلط قد رايت ؟؟؟

وانت كشيخ معهد الايهمك ان تكون نتيجه معهدك 90% حتى ولو فيها بعض الالتواء

ونحن وعددنا سبعين الف وبقالنا 6 سنين عجاف

انتم ومن انتم بوظيفتكم وامانكم المالى والاسرى وبقالكم بال15 وال 20 سنه ماذا قدمتم اظن في منا مننا كتير

انتم كنتم مدرسيهم

النقطه الاخيره سؤال استاذ خالد وحضرتك لماذا لمم تتركو الازهر

انا بقول لحضرتك لو عندى 1% ثقه ان فيه مسابقه فى التربيه والتعليم تكون بمايرضى الله (( بدون وساطه))

وسوق عمل مفتوح ومدارسش خاصه محترمه انا كنت سبت الازهر امبارح قبل اول امبارح

ولكن لا تتعجب انت فى مصر

واخيرا

((كل إناء ينضح بما فيه ))

ولكن المشكله مش فى الإناء

المشكله فيمن ملاء الإناء فنضح

ولك التحيه