اختار المانى ولا فرنساوي

[Mazagangy19]

انا طالب فى اولى ثانوى و لقد درست الفرنسة ثلاث سنوات و لكن قيل لى فى ثانوى لازم تخش المانى لتحصل على 50 درجة


بس انا خايف يكون صعب ارجوكم ساعدونى ..



عايز اعرف انى اسهل و احسن .....

[Mazagangy19]

انا لازم اقرر اليوم !!!!!

[Alaa teny]

انا اخدت فرنساوى اربع سنين ومع ذلك دخلت المانى فى ثانوى والصراحه الالمانى على ما اعتقد اسهل من الفرنساوى بس كله بيتوقف ان الشخص حابب ايه افضل حاجه الاستخاره

[منه الله(منمن)]

طب اننتى مش واخداه قبل كده ممكن يكون سهل ليكى من اى طالب عادىبس لسمع انو صعب وناس معينه بس ال بتقفلو مش اى حد انا كنت واخده المانى هو حلو اوى ف اولى لكن بيلخبط ف حفظ الكلمات لانك عندك تلات ادوات تعريف يعنى للمزكر والمونث والمحايد وطبعا لازم تعرفى كل كلمه وادتها ودة بيبتبنى عليه الجرامر لكن اسمع ان الايطالى اسهل بكتير لكن لو شؤالك بين فرنش ولا المانى يبقى المانى وهما ترتيبهم من حيث الصعوبه الاصعب الاول الفرنش بعد كده المتوسط المانى والاسهل الايطالى

[dandana.s]

السلام عليكم بالنسبة لموضوعك انا برشح لك مادة الالمانى اولا انا كنت المانى وهو اسهل بكتييييييييييييييير من الفرنساوى وكلماتة يمكن تكون تلت كلمات الفرنساوى
اما حكاية وجود 3 ادوات للمذكر والمؤنث والمحايد زى ما البشمهندسة منمن قالت فالحكاية دى موجودة زيها بالظيط فى الفرنساوى
والفرنساوى كمان غير ان كلماتة كتيرة بهبل ودة بشهادة كتير من الناس دة غير انة صعب جدا فى حفظ الكلمات ودة لان ف كتير حروف بتنطقها مش بتكتبها ودة بيخلى عملية الحفظ اصعب بكتير
اما الالمانى فعدد كلماتة اقل دة غير ان كل حرف بانطقة باكتبة ومهما تكون الكلمة كبيرة ف عدد الحروف الا ان انت تيجى تنطق كل حرف لازم تكتبة وبكدة حفظ الكلمات بيكون اسهل كتير
انا زى ماقولت كنت واخدة المانى وكنت داخلة الامتحان وانا مطمنة على الاخر بفضل الله وجة الامتحان مش سهل كان هايف والحمد لله قفلت 50 درجة كانو مضمونين
ولعلمك ان 17 % من طلبة الالمانى على مستوى الجمهورية كانو مقفلين الالمانى فبجد نصيحة ليك خش المانى وربنا يوفقك
وياريت ترد علينا تقول انت اخترت اية

[lolo cat]

بس انا دلوقتة فى تالتة ثانوى وكنت المانى والحمد لله جبت 50 انا خدت 3حصص فرنساوى فى البداية لما كنت فى اولى ثانوى ومعرفتش اذاكر خالص او ممكن يكون المستر نفسه كرهنى فيه بس الالمانى المستر بتاعه كان ممتاز وكويس خالص وبدا براحة فحببنى فيه وانا كنت بذاكر رغم انى كنت بتلخبط اووووى فى الادوات وكنت بنقص فى امتحانا ت المستر الا انى كنت حابة اوووووووووووووى المادة دى فلو عندك استاذ بجد كويس للا لمانى ادخل المانى بس فى الاول والاخر اعمل استخارة

[بحر_الامل]

اولا : لازم تعمل استخارة لان ربنا هو اكتر واحد عارفلك الخير فين

ثانيا : انا فرنساوى تانية ثانوى حاليا و عشان مكدبش عليك هوة محتاج حفظ و مجهود مش بسيط بس لو فهمت اساسياته هيبقى سهل شوية

و فى النهاية اهم حاجة هى الاستخارة و سيبك من اللى بيقولك ده صعب و ده سهل

بالتوفيق

[dugi]

شوف دا حسب ميولك
سيبك من اللي بيقول الماني مضمون والكلام دا لو أنت بتحب فرنساوي أدخل ، لو بتحب ايطالي ادخل لو بتحب اسباني ادخل
أنا كنت فرنساوي وجبت 50

[منه الله(منمن)]

ياجماعه ال ف فرنساوى جاب 50 لان الامتحان سهل ومش دى عاده الفرينش مش كلو بيقفل لكن الالمانى سهل تقفلو اى نعم ماقفلتوش بس سهل والاسهل ايطالى واستخير ربنا احسن من اى حد

[bahaaeldeen]

بصى هنصحك نصيحة لوجه الله ومعايا الدليل
انا كنت فرنساوى وحولت فى اخر يوم لايطالى وجبت فيه 50 لانه اسهل واتفه لغة تقدرى تتخيليها
اللى مش بيذاكر بيجيب فيها 40
الفرنساوى والالمانى بنصحك بالابتعاد عنهم لسبب واحد
هما مش صعبين ولا حاجة بس الجرامير بتاعهم عايز مذاكرة كتير وانتى محتاجة وقت
واللغة الثانية هتضطرى تضاعفى فيها مجهودك على الفاضى
يعنى لو فضلتى تذاكرى فيها شهرين متواصلين يادوب ممكن تجيبى فيها 48
لكن ايطالى باقل مجهود واقل من اسبوع تقدرى تقفلى وتجيبى 50
وكمان مفيش غير 7 مواضيع تعبير تتحفظ فى شكل نقاط وع طووووووول

بالتوفيق بس ياريت ايطاليانو
عشان بس متاخديش جهد اكبر
ولو مينفعش خدى المانى حلو برضو اسهل