بمناسبه التعليم المفتوح !

[merna amer]

السلام عليكم ورحمه الله

بصو يا جماعه انا كنت مرحله تانيه كتبت الرغبات فى الاول كله تجاره وبعدين كل اداب وبعدين كل حقوق
لانى انا مبحبش اى كليه غير التجاره
لانى شغل المحاسبات واداره الاعمال هى الحاجه الوحيده اللى ممكن اقبلها
^^
دلوقتى انا جاتلى تجاره تعليم مفتوح ج اسكندريه
والمفروض انى رايحه كمان شويه اقدم ورقى خلاص
وطبعت ورقه الترشيح وكله تمام

السؤال هنا
التعليم المفتوح اللى جوه التنسيق ده هو هو بتاع اللى بره بتاع الكبار ده ولا مش هى ؟؟؟
لانى مش معقول ادخل مع الكبار انا
!!!!!!!!

ومين هنا يا جماعه داخل التعليم المفتوح

[amrsaso]

لا طبعا ملهوش اي علاقه ببتاع الكبار كل الى هتلاقيهم من سنك
بتاع الكبار ده لما يكون واحد بقالو 5 سنين بعد الثانويه العامه
كلام عن ثقه وانا اخويا في سنه تانيه تجاره تعليم مفتوح

[اسامه نور الدين]

السلام عليكم و رحمه الله و بركاته
بصى انا كمان جالى تجارة تعليم مفتوح ج اسكندريه و الحمد لله راضى
ثانيا التعليم المفتوح اول مرة ينزل فى التنسيق و هو هو التعليم المفتوح بتاع الكبار يعنى هنلاقى معانا ناس اكبر مننا بس مش فى سنتنا ليه بقى عشان هما السنادى قبلوا التعليم المفتوح للحاصلين على الثانويه العامه هذا العام بس بمعنى اننا هنبقى كلنا سن واحد مع بعض ولا معانا كبار و لا غيرو و متخافيش يعنى هتبقى الدراسه حلوة انا عن نفسى عندى صحاب كتير معايا جوه الحمد لله و هنعمل جروب جامد مع بعضينا فانتى هتلاقى برضو معاكى انشاء الله زمايل ليكى
من النهايه اجابه سوالك مش هيبقى معانا حد كبير

[محمد010011]

بسم الله الرحمن الرحيم
متخفيش اطلاقا من حكاية الناس الكبيرة طبعا انتي معاك حق لان التعليم المفتوح غامض
جدا الي حد كبير وانتي فاكره انك الوحيدة اللي داخل التعليم المفتوح لكن اطمني ان شاء الله الدراسة هتكون زي العسل
وهتلاقي عريس(دعابة)

[بوسي 2020]

طب في حد هنا تعليم مفتوح حقوق ؟؟ ونظام الدراسه ايه ؟؟ يعني بيكون ايام ايه والساعه كام وكدا ؟؟

[بوسي 2020]

وبعدين لو حد حب يعمل دبللومة بعد الليسانس مثلا ينفع ولا لا ؟؟ وهتكون برضه نظام مفتوح ولالا ؟؟ وهيكون تابع لعين شمس ولا انهي جامعه ؟؟

[eslam elahlawy]

بصي يا ميرنا
فيه قانون جديد ومطبق من سنه
مواعيد محاضرات الثانويه بتبقي الصبح
والدبلومات بليل الساعه 5 6 كده
وانا دخلت زيك تجاره مفتوح اسكندريه

[eslam elahlawy]

المشاركة الأصلية كتبت بواسطة اسامه نور الدين

السلام عليكم و رحمه الله و بركاته
بصى انا كمان جالى تجارة تعليم مفتوح ج اسكندريه و الحمد لله راضى
ثانيا التعليم المفتوح اول مرة ينزل فى التنسيق و هو هو التعليم المفتوح بتاع الكبار يعنى هنلاقى معانا ناس اكبر مننا بس مش فى سنتنا ليه بقى عشان هما السنادى قبلوا التعليم المفتوح للحاصلين على الثانويه العامه هذا العام بس بمعنى اننا هنبقى كلنا سن واحد مع بعض ولا معانا كبار و لا غيرو و متخافيش يعنى هتبقى الدراسه حلوة انا عن نفسى عندى صحاب كتير معايا جوه الحمد لله و هنعمل جروب جامد مع بعضينا فانتى هتلاقى برضو معاكى انشاء الله زمايل ليكى
من النهايه اجابه سوالك مش هيبقى معانا حد كبير

لا يا ريس
بتوع الدبلومات مواعيد محاضرتهم مختلفه عن الثانويه تماما
والكلام ده من ناس سألتهم من تجاره مفتوح
ودي البيدج بتاعتهم عالفيس بوك
http://www.facebook.com/pages/كلية-ت...3682568?ref=ts