معهد مساحه يدخل هندسه طب ازاى ياريت تفهمونى

[المحب لله]

المشاركة الأصلية كتبت بواسطة sasa m

السلام عليكم ورحمة الله وبركاته أنا عضو جديد وبسأل أنا معايا ثانويه أزهريه وعايز أقدم فى معهد المساحه ببنها إيه الأوراق المطلوبه أرجو الرد بالله عليكم وجزاكم الله خيرا

انا معرفش ولازم حضرتك تتصل بيهم جيب رقمهم من الدليل او روح

[منه الله(منمن)]

المشاركة الأصلية كتبت بواسطة المحب لله

ههههههه حرام عليكى والله ده بالعكس انا ممكن اكون معاكى لو واحد اساسا داخله من صنايع لان الى بيدخله بتوع ثانوى صناعى ودول فى الضياع رغم ان والله فى واحد منهم السنه الى فاتت معايا وجاب هندسه المنيا وماشى مكسح بس اهو على قده لكن لما يبقى واحد داخل من ثانوى عام وخد سنتين كمان فى تخصص مدنى مثلا زى حلاتى ويدخل هندسه قسم مدنى برضو انتى مش شايفه اصلا انوا يبقى متفوق على الى فى الكليه ؟؟

لان العجز فى بتوع الصنايع بيبقوا مش كويسين فى الرياضه والانجليزى لكن بتاع الثانوى اطحن فيهم وانا اصلا وكل بتوع الثانوى الحمد لله والله كل شعبتنا كلهم معدا ممكن تلاته مدخلوش هندسه لكن واحد راح تعليم صناعى والتانى راح معهد خاص هندسه والتالت بيعمل معادله تانى

يجماعه والله العظيم الوضوع عاوز واحد بجد قلبه ميت وحاطط هدف قدامه وانا قلت حدخل يعنى حدخل وحتى لو مجاتليش حقعد اعمل معادله لحد ما ادخل وانا وراها وراها ههههه

طب تصدقوا والله العظيم بقى فى ناس كانوا معايا فى اعدادى هندسه السنه الى فاتت وكانوا فى المعهد ودخلوا سنتين ومجابوش هندسه وانوا قعد سنتين يعمل معادله وفى الاخر دخل !!!!

الى بيتعب ربنا بيكرمه وبعدين المعهد مش زى منتوا فاكرين يعنى انتى بس حتروحى كورسات فى كل المواد وحتبقى كويسه مع المهندسين الى بيدوكى الكورسات هما الى بيحطوا الامتحان وبيظبطوا ووالله وعلى فكره السنتين مش بيروحوا هدر قوى يعنى اى نعم هوا اتعلمنا حاجه فى مدنى وعرفنا حجات بتاع هندسه مخدهاش فلما حندخل اققلها معندناش رهبه الكليه

بصى الخلاصه بجد لو عندك هدف هتستنى وراه ولو ليكى نصيب حتدخلى اما بقى لو حتقولى الناس بيقولوا لا حضيعى وبابا قالى لا وماما معرفش ايه زى الى حصل معايا لا حتروحى ولا حتيجى

وعلى فكره والله معهد اسكندريه ده جميل وحتقضوا ايام جميله والمناهج عبيطه بالنسبه لبتاع ثانوى وعموما لو حبيتوا انى اديكوا ارقام مهندسين هناك تستفسروا منهم عن اى حاجه فى الموضوع ده يعنى تسالوهم عن مثلا الى بيدخلوا كل سنه من كل شعبه او تساليه ادخل ولا لا او اى حاجه عاوزنها ممكن اديكوا ارقامهم واسف بقى طولت

والله انا عجبنى الحوار ده جدا ومش عارفه انت ليه مصر انها مجازفه ولازم يبقى قلبى ميت يكون قصدك انى مازكرش ولا ايه ياريت توضحهالى وبجد ربنا يجازيك خير ع الايده ال استفدتها

[منه الله(منمن)]

المشاركة الأصلية كتبت بواسطة tony albert

ازيك يا بش مهندسة يارب تحققي حلمك وتكون مهندسة كبيرة
شوفي انا جايب 89% ودة بسبب العربي والفرنساوي الله يولع فيهم
انا فيه واحد اعرفة قالي انت لو محصلتش هندسة ممكن تدخل مساحة اسيوط لاني من اسيوط
اولا قالي انو معهد سهل جدا جدا جدا الكتاب مش بيعدي فية 30 ورقة وقالي انت لازم تدخلو من علمي وقالي انت لو ذاكرت 1/10 من مذاكرة ثانوية عامة ممكن تجيب اكتر من 95% في المعهد هو قالي انو جاب 87 % وكمل هندسة وطبعا هو شغال من سنة ونص بس بس واضعه بقي حاجة تاني خالص ويريت متعتمدبش علي كلامي اوي لاني بقولك علي حسب ماهو قالي وربنا معاكي وارجع واقولك ربنا مش بيضيع مجهود حد خالص
اخوكي انطون البرت من اكبر عاشقي الفيزياء والرياضيات

يارب يا انطون وانا هجرب بردو ويارب ربنا مايلجنا للمعهد ده وشكرا للهتمامك وانا ال نزلنى الكميا ناقص 20 درجه وماتقوليش ف ايه لانى انا مش عارفه وشكرا لاهتمامك

[منه الله(منمن)]

وليه كده يارحاب مادام انا عارف هعمل ايه سيبك من تانيه ثانوى ال دخلتها بس ليه الموضوع ده جازفه انا شايفه الموضوع سهل وكمان عين شمس صعبه جدااااااا المطريه بيقولو المنهج اسهل

[المحب لله]

المشاركة الأصلية كتبت بواسطة البشمهندسة منمن

والله انا عجبنى الحوار ده جدا ومش عارفه انت ليه مصر انها مجازفه ولازم يبقى قلبى ميت يكون قصدك انى مازكرش ولا ايه ياريت توضحهالى وبجد ربنا يجازيك خير ع الايده ال استفدتها

يستى منا لازم اقول مجازفه اكدب عليكى يعنى واقولك مش مجازفه وحقولك تانى مجاازفه لانها لو مدخلتيش هندسه حتبقى خلاص زى قلتك فى تانى حقول كليات منه كتييييير جدا لكن انتى داخله ومضيعه سنتين مش عشان فى الاخر مثلا تخشى تربيه ولا علوم مكنتى دخلتيهم من الاول وبصراحه انا مش متلمس فيكى انك من الى بيحبوا يجازفوا لانك بتقولى ربنا ما يلجانا للمعهد امال حتدخلى هندسه ازاى وانتى مجموعك ميجيبش ؟؟؟ اذا انتى مش فى دماغك هندسه !!

عموما الى فى دماغه وفعلا الموضوع مخمخ والله يجماعه انا وكل زمايلنا فى هندسه دلوقت منحلف بايام المعهد دى انا باعتبرهم سنتين اجازه كده متعه ايه ده وخاصه كمان ان كليه الهندسه قدام المعهد ده يعنى كنا نقف نبص من الشباك على الكليه واحنا كلنا حسره وزمايلنا طبعا رايحين جايين فده كان دافع اننا نهتم


والاهتمام والله ميجى نص اهتمام ثانوى مناهج هبله وسهله وبعدين اصلا الامتحان بيجى من الى بتخدوه فى الكورس والعياال بتاع صنايع والله مبيعفوا يحلوا حاجه فانسى بقى 15% متفوقين والهبل ده والله كان بيغش منى الانجليزى واحد اقوله الكلمه يقولى ملينى حروف انا معرفش اكتب يعنى فى الضياع الشامل وتانى انا برضو بكلم عن معهد اسكندريه كل معهد وليه نظامه لكن والله المهندسين قالولنا اننا احسن معهد بنشتغل !!!!!! الباقى بياخدوا حصه قبل الامتحان فيها الشفا ويدخلوا يحلوا وزى الفل


وفى النهايه انا دلوقت على قد ما كنت باستعر من انى حد يسالنى واقله معهد فنى على قد مدلوقت كلى فخر انى كافحت وصممت على الى انا عاوزه ودخلت هندسه انا كنت بعتبرها ان فى ناس دخلت هندسه من الباب الرئيسى انا لفيت من الباب الى ورا لكن فى الاخر بقينا فى كليه واحده وانا كمان افضل منه طبعا لان معاى ثانوى عام وصنايع
لان صنايع بيطلع اصلا فنيين يعنى عندهم حته السوق وكده وكنا مناخد لغات السوق مثلا فى الشدات بتاعه اللاعمده وكده لان كل خشبه ليها اسم وكنت بكلم واحد فى هندسه مدنى امبارح بقوله تعرف دكمه يعنى ايه قالى لا !!!!!!!! فطبعا مش حيعرف ابدا الا لما يتخرج ويدعك فى السوق لان هندسه بتعلم بقى الاصل العلم الصح والمعهد خدنا منه معلومات عن السوق وبرضو مواد زى الاستركشر االى بياخدوها فى اولى هندسه فالحمد لله

وعلى فكره بقى انا فى تانيه مكنتش اصلا عاوز هندسه نهائى يعنى انا اخويا فى هندسه وانا كنت عاوز صيدله لكن جبت 92.4 فلو دخلت علمى علوم اخرى حبقى ممرض !! فدخلت علمى رياضه وبعدها مجاليش برضو غير تجاره وعلوم والكلام ده وهو الى شار عليا وقالى فى ناس معانا كتير من المعهد ده والله والله والله انا حمدت ربنا انى دخلت هندسه وفعلا ربنا بيحط كل واحد فى مكانه وكل الى بيجيبه خير وهى فعلا مش هتفرق يعنى لو مفيش هندسه الدنيا مش حتقف لكن هوا بيبقى حب كده سبحان الله يعنى وبرضو طريق تمشى فيه عشان تاخد نصيبك وربنا يوفقنا جميييعا

انا كده اظن حكيت قصه حياتى يعنى مذاكراتى الى حتنزل السوق اتحرقت بس يله عشان الناس فعلا تستفاد لانى لما كنت حدخل كنت فعلا بدور على اى حد يفيدنى فى الموضوع ده واسف طولت زى كل مره

[منه الله(منمن)]

لا ولا يهمك ع التطويل بس انت بردو مافهمتنيش انا بقول ربنا مايلجنا ليها يعنى نخش هندسه ع طول من الباب الرئيسى يعنى وشكرا ليك بردو وبردو انا مش شايفاها مجازفه يمكن تكون مجازفه عشان لو مجبيتش مجموع فيها وانت تقول دراستها سهله يبقى ربنا يوفقنا ونجيب مجموع ومعلش ان مش هنشر مزاكراتك لحد وشكرا ليك

[المحب لله]

المشاركة الأصلية كتبت بواسطة البشمهندسة منمن

لا ولا يهمك ع التطويل بس انت بردو مافهمتنيش انا بقول ربنا مايلجنا ليها يعنى نخش هندسه ع طول من الباب الرئيسى يعنى وشكرا ليك بردو وبردو انا مش شايفاها مجازفه يمكن تكون مجازفه عشان لو مجبيتش مجموع فيها وانت تقول دراستها سهله يبقى ربنا يوفقنا ونجيب مجموع ومعلش ان مش هنشر مزاكراتك لحد وشكرا ليك

اها انا فاكرك فى تالته ومجبتيش مجموع طيب ان كان كده شدى حيلك وربنا يوفقكم

[منه الله(منمن)]

لا انا راحه تالته لسه ويارب يوفقنا جميعا شكرا ليك

[المحب لله]

الشكر لله انا بس حبيت اساعد على قد ما اقدر

[rehab rehab]

هى مجازفة لسبب واحد , ان كل اللى بيدخلوا المعاهد دى بيكونوا عايزين هندسة

و حتى لو كلهم جابوا امتياز هياخدوا منهم عدد محدد مش بالمجموع و بس

طبعا لو حد اجتهد و عمل اللى عليه و هندسة كان فيها الخير ليه ربنا هيجيبهاله ان شاء الله


و بالنسبة للى قلته ان معظمهم بيدبلر .. دا نتيجة fact مش توقع

دا فعلا اللى بيحصل عندنا فى الكلية و حاجة معروفة عندنا

انا مش بخوف حد ولا بقول النجاح صعب

اللى نفسه فى هندسة و حاببها يبقى لازم يدخلها ان شاء الله

لكن اللى داخلها لمجرد انها كلية قمة يبقى يدخل كلية تانية حاببها و يثبت فيها نفسه احسن

[هالة محمد 2]

المشكلة انى مجموعى مش هيدخلنى هندسة وانا كان نفسى ادخلها وكل الى معايا قلولى الافضل ليكى انك تحولى ادبى اضمن ممكن تلحقى كلية كويسة ولو كملتى علمى برضو نفس الكليات الى هتدخليها من الادبى هتدخليها من العلمى بس الادبى اضمن ليا وانا محتارة ومش عارفة اخد قرار ولما سمعت عن المعهد دا ناس قلتلى بيقبل من الادبى فا قولت احول ادبى وادخلة فاياريت حد يفيدنى

[إسلام صبري]

الى سمعته
انه اسمه معهد فن صناعى
وعلى ماعتقد لازم امتياز فى السنتين
وبعدهاا بتخدلى تانيه هندسه مش اعداى
دا الى سمعته
ربنا يوفقك
ادعيلى ادخل هندسه انا رايحه 3 ثانوى وربنا يستر

[المحب لله]

المشاركة الأصلية كتبت بواسطة rehab rehab

هى مجازفة لسبب واحد , ان كل اللى بيدخلوا المعاهد دى بيكونوا عايزين هندسة

و حتى لو كلهم جابوا امتياز هياخدوا منهم عدد محدد مش بالمجموع و بس

طبعا لو حد اجتهد و عمل اللى عليه و هندسة كان فيها الخير ليه ربنا هيجيبهاله ان شاء الله


و بالنسبة للى قلته ان معظمهم بيدبلر .. دا نتيجة fact مش توقع

دا فعلا اللى بيحصل عندنا فى الكلية و حاجة معروفة عندنا

انا مش بخوف حد ولا بقول النجاح صعب

اللى نفسه فى هندسة و حاببها يبقى لازم يدخلها ان شاء الله

لكن اللى داخلها لمجرد انها كلية قمة يبقى يدخل كلية تانية حاببها و يثبت فيها نفسه احسن

يفندم انا اسف معلش يعنى حضرتك مكنتيش فى المعهد ؟ لذلك انا اؤكد لحضرتك ان كل الى بيجيب مجموع بيدخل مفيش حاجه اسمها يختاروا دى يعنى ايه انا حجيب امتياز وزميلى امتياز وبعدين يخدونى ويسيبوا زميلى ده كلام؟

وتانى حؤؤكد لحضرتك ان الى بيدبلر او بيسقط ده مش نتيجه انو داخل من معهد فنى مفى ناس ثانوى وبتطرد من الكليه نهائى الى عاوز ينجح حينجح وشكرا

[المحب لله]

المشاركة الأصلية كتبت بواسطة هالة55

المشكلة انى مجموعى مش هيدخلنى هندسة وانا كان نفسى ادخلها وكل الى معايا قلولى الافضل ليكى انك تحولى ادبى اضمن ممكن تلحقى كلية كويسة ولو كملتى علمى برضو نفس الكليات الى هتدخليها من الادبى هتدخليها من العلمى بس الادبى اضمن ليا وانا محتارة ومش عارفة اخد قرار ولما سمعت عن المعهد دا ناس قلتلى بيقبل من الادبى فا قولت احول ادبى وادخلة فاياريت حد يفيدنى

ايه يا هاله امال انا بهاتى فى ايه من الصبح هههههههه بصى والله ده الكلام الى كان بيتقلى المهم بس عشان نعرف قوليلى انتى جايبه كااااام وانا حريحك يعنى لو جايبه فى اواخر التمنينات اتكلى على الله وخشى رياضه انما سبعينات وكده بصراحه يعنى يبقى عيب لان الامتحانات السنه دى مش امتحانات والى ميجبش 95 يبقى مزاكرش وكان بيهرج طول السنه وتانى حقولك يرضو المعهد مينفعش تدخلى من ادبى وتخشى هندسه ؟؟؟؟؟؟؟؟؟؟؟؟؟ ونبى ازاى طيب يعنى واحد واخد تاريخ فى تالته وحيدخل هندسه انما رياضه 2 يدخل المعهد ويكمل هندسه يارب تكون الامور وضحت

[المحب لله]

المشاركة الأصلية كتبت بواسطة إسلام صبري

الى سمعته
انه اسمه معهد فن صناعى
وعلى ماعتقد لازم امتياز فى السنتين
وبعدهاا بتخدلى تانيه هندسه مش اعداى
دا الى سمعته
ربنا يوفقك
ادعيلى ادخل هندسه انا رايحه 3 ثانوى وربنا يستر

ياسلام بلاش فتى هههههههههه المعهد كان زمان بيطلع على اولى قسم دلوقتى لع كله اعدادى ويارب تدخل الى نفسك فيه بس اسلام ورايحه ازاى ؟؟؟ اكيد غلطت وانت بتكتب هههههه