هندسه العاشر افضل ولا تخطيط عمرانى قاهره

[ابو شيكا]

ابنى 94% وجالو هندسه العاشر فرع اكتوبر
وناس نصحتنى بالتحويل الى كليه هندسه التخطيط العمرانى بداخل جامعه القاهره نظرا لقربها من السكن ومصاريفها خكوميه برضو
بليز عاوز رايكم

[bloody man50]

الصراحة هو لو حابب هندسة يدخل العاشر علطول وفورا مفهاش كلام لانه معهد افضل من كلية حكومية
بس خلى بالك الدراسة فيه صعبة اوى اوى لكن النظام فيه كويس جدا
وربنا يوفقه

[ابو شيكا]

شكرا لحضرتك على الرد والاهتمام مشكلتى الوحيده ان والدته وعماتو زعلانين من اسم معهد وبيقولو اللى جاب المجموع ده مش ممكن نقول للناس انو دخل معهد والواد ما صدق وقالى خلاص دخلنى بمصاريف بس جامعه فى اكتوبر
مع انى اعرف ان سمعه العاشر وقوه تعليمه افضل من كل كليات الهندسات الخاصه تقريبا عدا الامريكيه والكنديه وكده

[bloody man50]

كلامك مظبوووووط جدا
وده اسمه معهد اه بس بجد مفيش زيه ف مصر
ده يعتبر رقم 1 ف الجامعات والمعاهد الخاصة

ولو هو عايز يدخل جامعة 6 اكتوبر ماشى هى كويسة بردو

[ابو شيكا]

هو حضرتك بتدرس فين ؟

[bloody man50]

انا لسه مخلص 3 ثانوى
وكان نفسى ادخل حاسبات بس مجموع مجبهاش
فاحتمال اقدم حاسبات خاص ان شاء الله

[ابو شيكا]

بالتوفيق يا دموى يا مجتهد