اى استفسار بخصوص كليه ألسن هنجاوبك عليه

[sranty]

المشاركة الأصلية كتبت بواسطة waleed dahy

سرانتى من فضلك، بما إنك من إسكندرية ومقيمة فى المدينة الجامعية، من وجهة نظرك البنت الغير مسرفة أوى وبرده مش ماسكة أوى ممكن تحتاج من والدها مبلغ كام فى الشهر شامل كل حاجة ..... إدينى مبلغ إجمالى تقريبا شامل المدينة والمواصلات والمصروف الشخصى وأى حاجة أخرى ................. ألف شكر.

المدينه50
المواصلات 50 لو بتروح كل يوم بالميكروباص اللى ب 1.25 ممكن تعمل اشتراك مترو ب35 باين 3 اشهر فده هيكون اوفر

المصاريف العاديه ممكن تدخل فى 100 جنيه فى الشهر

يعنى 200 جنيه تقريبا

[waleed Dahy]

[quote=sranty;3829435]المدينه50
المواصلات 50 لو بتروح كل يوم بالميكروباص اللى ب 1.25 ممكن تعمل اشتراك مترو ب35 باين 3 اشهر فده هيكون اوفر

المصاريف العاديه ممكن تدخل فى 100 جنيه فى الشهر

يعنى 200 جنيه تقريبا[/quot

أكيد ياسرانتى 200 جنيه بس ؟ ده مصاريف الدروس الخصوصية فى الثانوية العامة كانت بتعدى الـ 500 جنيه، طب ياسرانتى إنتى مثلا .............. بتسافرى إسكندرية كل شهر ولا كل أسبوعين؟ وإيه الأفضل من وجهة نظرك للبنت السفر لمدينتها (الإسكندرية، بورسعيد ، المنصورة ..............) كل أد إيه؟ .... وشكرا لردك مقدما.

[sranty]

أكيد ياسرانتى 200 جنيه بس ؟ ده مصاريف الدروس الخصوصية فى الثانوية العامة كانت بتعدى الـ 500 جنيه، طب ياسرانتى إنتى مثلا .............. بتسافرى إسكندرية كل شهر ولا كل أسبوعين؟ وإيه الأفضل من وجهة نظرك للبنت السفر لمدينتها (الإسكندرية، بورسعيد ، المنصورة ..............) كل أد إيه؟ .... وشكرا لردك مقدما.[/quote]

انا عن نفسى باخد بزياده معايا كمان لانى مش عامله اشتراك قطر فبحجز القطر كل لما بنزل

انا فى الاول كنت بقعد اسبوعين عشان مش كنت بستحمل لكن مع مرور الوقت بقيت اقعد شهر مع اصحابى لان هناك بيكون الوضع احلى يعنى بتتكلموا وبتذاكروا مع بعض وكمان بتاكلوا مع بعض يعنى الحياه ممتعه جدااااااااا

السنه دى ناويه اطول شويه فى المدينه يعنى ممكن اقعد شهر ونص كده يعنى

على حسب الارتياح هتقدر تقعد اكتر
لانى كل سنه بقعد مع نفس اصحابى عشان كده بنكون متعودين على بعض اكتر

دلوقتى مفيش فرق بين البت والولد فى السفر
يعنى براحتك خالص
لو ارتحتى اقعدى لو مش ارتحتى سافرى

[samuelkatry]

انا طالبة جديدة السن عين شمس وبصراحة قريت كل ردودكوا ومبسوطة قوى من التعاون اللى شايفاة بس انا عايزة نصيحة اتا جايبة انجليش 49ونصف والايطالى 50 والكل بيقولى يابانى فرست وانجليش سكند اية رايكم مع العلم انى شفت اليابانى على مواقع كتير وحاسة انة صعب جدا ارجوكوا انصحونى علشان انا محتارة جدا

[sranty]

المشاركة الأصلية كتبت بواسطة samuelkatry

انا طالبة جديدة السن عين شمس وبصراحة قريت كل ردودكوا ومبسوطة قوى من التعاون اللى شايفاة بس انا عايزة نصيحة اتا جايبة انجليش 49ونصف والايطالى 50 والكل بيقولى يابانى فرست وانجليش سكند اية رايكم مع العلم انى شفت اليابانى على مواقع كتير وحاسة انة صعب جدا ارجوكوا انصحونى علشان انا محتارة جدا

اهلاااااااااااا بيكى معانا اولا

ثانيا ايوه يابانى صعب عشان رموز جديده و كتيره
بس لو اتعودتى عليه هتلاقيه سهل يعنى ممكن التعود عليه ياخد معاكى سنتين
بس بجد اليابانى تحفه جداااااااااااااا يعنى حاولى مش تضيعيه من ايدك
اتعبى وذاكرى وهترتاحى فى الاخر اكييييييييد

وكمان حاولى تسمعى يابانى هتلاقيه لغه تحفه خاااااااااالص
وكمان اعداد اليابانى قليله يعنى هيكون التركيز على عدد معين بس فبالتالى هتتعلمى اسرع واحسن

وربنا يوفقك يارب