تعرفوا يعني إيه تكنولوجيا حيوية؟

[راؤولينا]

السلام عليكــم ورحمـة الله وبركاتــة ،،

أنا طالبة على وشك التخرج بإذن الله بدرس فى كلية التكنولوجيا الحيوية بإحدى الجامعات الخاصة بعدما حولت من كلية العلوم جامعة عين شمس..

من لحظة دخولي للكلية و أنا بحاول أعرف كل الناس بطبيعة المجال ده من حبي و إيماني به و بكم الحاجات اللى ممكن نعملها و نغيرها لو أصبحنا دولة رائدة فيه..
لاحظت مدى قلة المادة العلمية المتوافرة باللغة العربية عن المجال و ضعفها إن وجدت عشان كدة بدأت أترجم مقالات من الإنجليزية و كمان أكتب بأسلوبي عن التكنولوجيا الحيوية ، طبيعتها، و كم الأدوات اللى بتمكنها لفائدة الإنسان و مصلحته..

و قمت بنقل بعض ما كتبت إلى صفحة الويكيبيديا العربية تحت مسمى التقانة الحيوية ..

*************************

دي مدونتي الخاصة بالتكنولوجيا الحيوية و أنا بدأت أكتب فيها من أغسطس الماضي تقريبًا و جمعت فيها كل مقالات التكنولوجيا الحيوية اللى أنا كتبتها ..

http://www.biotechnologyarabic.blogspot.com

و دي صفحة للتكنولوجيا الحيوية باللغة العربية فقط و للعرب أنشأتها على الفايس بوك لتجميع و تبادل الآراء مع المهتمين بالتكنولوجيا الحيوية فى الوطن العربي كله

http://www.facebook.com/group.php?gid=7035...97084236?ref=mf

لو عاوزين تعرفوا يعني إيه تكنولوجيا حيوية ممكن تزوروا الروابط اللى أنا حطيتها دي..

عاوزة أسمع آراءكم،،،

و أمل في دعمكم و تشجيعكم

[midoo_shindy]

ربنا يوفقك

[هيثم السيد]

ربنا معاكى ديما

[زيزو1900]

التكنولوجيا الحيوي دة قسم من اقسام علوم القاهرة وهو قسم مهم جدا
خصوصا ليه اختلاط كبير جدا بقسم الميكروبيولوجى
فيه ناس اعرفهم بيحضرو ماجستير ميكروبيولوجى في علاج السرطان ب الجين ثيرابي الخاص بالبكتريا
يعنى بيستخدمو جينات البكتريا في علاج السرطان

[Nogha]

التكنولوجيا الحيوي دة قسم من اقسام علوم القاهرة وهو قسم مهم جدا

القسم ده موجود عندنا فى علوم **** لسا مفتوح السنة اللى فاتت هو و قسم البيولوجيا الجزيئية لسا جداد
يعنى اللى من دفعتى دخلوه حيكونزا اول دفعة يتخرجوا من القسمين دول
و ليا اصحاب فى القسم ده و فلا هما مبسوطين فيه جدااااااا

[samsh fathi]

طيب انا عاوزه استفسر اكتر عن المجال ده لاني احتمال ادخل كلية التكنولوجيا الحيويه خاص
وانا بحب المجال ده جدا
بس عاوزه اعرف هو صعب في دراسته ولا اي؟؟
وايه مجالاته في العمل بعد التخرج انشاء الله؟؟

[mjunior93]

انا على فكرة مهتم جدا بالتكنولوجيا الحيوية وكان نفسى من زمان انى الاقى حد مهتم زى كده وانا ان شاء الله هدخلوه فى جامعة القاهرة !!

[samsh fathi]

ممكن حد يرد عليا لو سمحتوا

[mjunior93]

بص انا عارف المجالات بعد التخرج لكن دراسة الكلية صعبة ولا لا دي انا معرفهاش عشان انا زي زيك لسه هدخل اولى ان شاء الله !!

1. ممكن تشتغل فى الشركات الصيدلية فى تصنيع الانسولين البشرى والادوية الخاصة بكل مريض على حدة ومعامل الابحاث فيها
2. شركات العطور والكيماويات وكده .. ..
3. معامل الابحاث التابعة لوزارة الزراعة عشان زراعة الانسجة والمعهد القومى للبحوث ....
4. المستشفيات لان التكنولوجيا الحيوية مختصة فى مجال الخلايا الجذعية .
5. المجال البيئى يعنى مجال الحفاظ على البيئة و ازاى انك تعدل على النباتات وتخليها مضادة للافات والمبيدات .....
6. مجال العلاج بالجينات .

واكيد هتلاقى حد يفيدك اكتر منى انا كتبت اللى انا اعرفوا من طالب بيوتكنولوجى .

[mjunior93]

وفى كمان مجال العمل فى الادلة الجنائية وال dna !

[راؤولينا]

انتم ليه يا شباب مش بتقروا الكلام اللي مكتوب في المدونة اللي بالعربي و كمان صفحة الفايس بوك؟
كل الاسئلة و المعلومات اللي بتقولوا عليها موجودة هناك و احنا على طول بنرد على تساؤلات الناس على صفحتنا على الفايس بوك..

[nooneasme1]

مشكور على المعلومات والروابط وإن شاء الله متابع على صفحة الفايسبوك