الاجراءات العقيمة ...

[لطفى المكاوى]

المشاركة الأصلية كتبت بواسطة a7mad 3abdo

نزلت النهارده عشان اروح اقدم في الكلية
جهزت الورق و كل حاجة
ما كنش ناقص غير نموذج 2 جند
طبعا لفيت الدنيا كلها عشان الاقيه و في الاخر رحت مديرية امن القاهرة
المهم جبتها بعد عناء ( 5 ساعات معاناه )
و طلعت علي الكلية ... طبعا انا كنت متوقع انه هيقوللي فوت علينا بكره
و هو دا اللي حصل , قاللي : فوت علينا بكرة بعد 10 ايام
قلتله ماشي يا باشمهندس ...
بس قاللي حاجه غريبة اوي :
لازم مع الورق دا حاجة اسمها شهادة الرقم الثلاثي ... و دي المفروض اطلعها من السجق المدني عشان مش موجودة في القسم
السؤال بقي : ايه حكابة شهادة الرقم الثلاثي دي ؟ و لسه هقعد الف تاني ؟! انا تعبت و زهقت

ممكن كان يقصد بشهادة الرقم الثلاثى
شهادة ميلاد الكمبيوتر و هى فعلا بتطلع من السجل المدنى فى ساعتها و انت واقف و ثمنها حوالى 7 جنيه
اكيد انت كنت واخد معاك شهادة الميلاد القديمة
وعلى فكرة التقديم شكله فعلا بعد 10 ايام يعنى بعد ما نتيجة المرحلة التانية من التنسيق تظهر