كلية التجارة ليها شغل ولا عايزة واسطة

[! Abanoub Adly !]

يا جماعة أنا روحت كلية الاداب و سألت على قسم الأثار اللى فى الكلية طلع إن لازم اكون جايب مش اقل من 42 فى الإنجليزى و أنا جايب 41.5 فكدة خلاص القسم دة مش هينفع ادخلة.
كنت عايز اخد رأيكوا فى كلية التجارة أنا لو دخلتها إن شاء اللة لما اتخرج ممكن اشتغل ولا لأ دة بالنسبة لكلية التجارة العادية مش تجارة إنجلش و شكرا .

[! Abanoub Adly !]

يا ريت يا جماعة حد يرد عليا و يقولى اعمل عشان لو فى كورسات مهمة ممكن اخدها عشان المهم الواحد لما يتخرج يلاقى شغل و شكرا .

[! Abanoub Adly !]

يا ريت يا جماعة حد يرد عليا .

[adel hasan]

يا أخى الرزق بالله .......... خلليك فى دراستك وكليتك وإعمل اللى عليك ......... مافيش حد يعرف رزقه إيه ةلا فين ........ فى ناس مليونيرات ومعهاش شهادات ........ وفى ناس شهادات ومش عارفة تعيش والعكس صحيح ......... إنت لسة قدامك أربع سنين دراسة .......... وإحنا بعد الثورة ...... والله أعلم الوضع هيكون إزاى بعد أربع سنين ده لو عشنا يعنى. ربنا يوفقك.

[yami677]

معلش
ثورة مش ثورة
البلد دي مش هاتتصلح الا شهر 16 يوم 37 الساعة 28

[لؤي وائل الخطيب]

المشاركة الأصلية كتبت بواسطة yami677

معلش
ثورة مش ثورة
البلد دي مش هاتتصلح الا شهر 16 يوم 37 الساعة 28

مش ده اليوم اللي هيتقابل فيه العيد الصغير مع العيد الكبير ؟

[sasooo soft]

انتو بتهزروا ولا اية يا جماعة عيدين اية اللى هيتقابلو مع بعض!!!!!!!!!!!!!!!!!!!1

[! Abanoub Adly !]

المشاركة الأصلية كتبت بواسطة adel hasan

يا أخى الرزق بالله .......... خلليك فى دراستك وكليتك وإعمل اللى عليك ......... مافيش حد يعرف رزقه إيه ةلا فين ........ فى ناس مليونيرات ومعهاش شهادات ........ وفى ناس شهادات ومش عارفة تعيش والعكس صحيح ......... إنت لسة قدامك أربع سنين دراسة .......... وإحنا بعد الثورة ...... والله أعلم الوضع هيكون إزاى بعد أربع سنين ده لو عشنا يعنى. ربنا يوفقك.

كلامك جميل يا اخ عادل بس أنا سألت كدة عشان فى ناس كانت بتخوفنى منها و تقولى عايزة واسطة بس شكرا جدا على ردك و ربنا يوفق الجميع .

[adel hasan]

شكرا لذوقك يا أبانوب ........ وإن شاء الله عشمنا كبير فى البلد بعد الثورة ...... وميكونش فى لا وسايط ولا محسوبيات وكل واحد يا خد حقه ......... إنت منين يا أبانوب ؟ من وجه قبلى ؟

المشاركة الأصلية كتبت بواسطة أبانوب عدلى

كلامك جميل يا اخ عادل بس أنا سألت كدة عشان فى ناس كانت بتخوفنى منها و تقولى عايزة واسطة بس شكرا جدا على ردك و ربنا يوفق الجميع .

[! Abanoub Adly !]

شكرا ليك يا اخ عادل بس أنت بجد اللى كلك زوق و يا رب بجد البلد تتغير و تنتهى الواسطة و الكلام اللى جايبنا وراء دة .
بالنسبة لية أنا من القاهرة من منطقة إسمها الأميرية لو تعرفها . ... و أنت بقى منين ؟

[adel hasan]

شكر يا أبانوب وأنا أسمع عن الأميرية بس طبعا مارحتهاش ...... أنا من بورسعيد والحمد لله ربنا وفقنى وجيبت 98.5 علمى رياضة وكان عندى أمل أدخل بترول وتعدين ......... بس عشان ظروف عائلية إن شاء الله هيكون هندسة بورسعيد ..... وإن شاء الله نكون أصدقاء ......... إن شاء الله هتبقى محاسب أد الدنيا ... وهتنسى أن ليك صديق من بورسعيد ......... إوعى !!!!

[waleed Dahy]

إنت فين يا عادل؟ أنا بعتلك رسالتين على الخاص؟ إنت زعلان منى فى حاجة؟ الرسايل وصلتك ولا لأ

[adel hasan]

أهلا وليد ... أيوة وصلتنى وهرد عليك صدقنى ......... وأنا آسف على التأخير بس كنت مشغول شوية ... آسف مرة تانية

[waleed Dahy]

لأ مافيش أسف ولا حاجة وأنا هتصل بيك النهاردة بعد التدريب بس إبقى رد عليا

[adel hasan]

أوكى ياوليد ... يعنى أنا هخلص على الساعة 7 إلا عشرة ....... يعنى ممكن الساعة 7