ألـــــــو الخط الساخن

[تامر باسل]

انا هقـولكـ حاجة يا باشا ,,
قبل ما تقــول كل الكلام ده وانت عارف انى بعزك جدا ,, والدليل الرسايل الرخمة دى اللى كانت بتمطر عليك كل شوية .
وما زلت والله ,, اكيد احنا فاهمين وجهة نظرك جدا ,,
وبعدين فى حد فعلا بعتلك رسايل قالك فيها كده ؟!!!!!!
دى ناس غيرانة يا عمنا ,تلاقيهم متضايقين منك علشان راعبهم من حكاية التنسيق .
وبعدين بعد اما انت تمشي ,, مين اللى هيخلي المنتدى ده يشتغل ويبقى متجدد دايما _ مع الاحترام لكل الاعضاء _ بس هى دى الحقيقة ,, انت اللى بتخلينا نتكلم ونتناقش ونضحك وكمان نزعل فى بعض الاوقات , مش علشان حاجة بس علشان انت بتقول اللى على لسانك ,, ودى اكبر حاجة عجبتني فيك ,,
سيبـــــــــكـ من الهبل اللى انت بتقوله ده . ولا انت بقى عاوز تهرب علشان تعيــش اجازتك وتجهز للطب .

[Arkenine]

بص يا أبانوب ...
أنا مش عارف أقول إيه لأن كل الكلام إتقال قبلى ، وأنت عندك وجهة نظر وموقف معين ويحترم ، وأى حد مش عاجبه الموقف ده يضرب دماغه فى الحيط .....وما تشيلش فى نفسك من أى كلام تافه بيتقالك ، لأننا فعلا ضد الصهيونية مش اليهودية ، وده اللى بتأمرنا بيه أدياننا ( كمسلمين ومسيحيين ) ، إحنا ضد اللى بيقتل ويعذب فى إخواتنا بحجج واهية وبلطجة غير مسبوقة ومش ضد أصحاب ديانة معينة ، واللى مش عاجبه الكلام ده وفاهم الدين غلط ييجى يتناقش وبعون الله يقتنع ( ده لو عاوز يفهم أصلا ) ........ المهم انت سيبك من الأفورة دى ، وركز دلوقت فى الأمتحانات لأن كل اللى هنا عرف انت ايه وعملت إيه علشان تفيد الجميع ... ومش علشان تقول رأيك بصراحة تتعرض للهجوم ، مع إن شكلك كده عاوز تخلع كده بعد الأمتحانات وتدينا إستمارة سته ، بس ما تحلمش هجيبك ، ده أنا اللى جاسووس ....