ألـــــــو الخط الساخن

[CAn u see me]

المشاركة الأصلية كتبت بواسطة hazem3

عبده..


بطل كلام أهبل..

حلمك موجود يا بني.. اتصدمت في نموذج الأحياء؟؟

وأيه يعني.. لسة عندك مادة أدبية تقفلها بعون الله.. ومستوى رفيع 5 درجات كاملين.. بجانب توقعات نزول التنسيق..

ده بجانب أن التصحيح حيبقى كويس بعون الله.. مع مجموعك السنة اللي فاتت..

المعادلة دي نطلع منها بنتيجة واحدة:

إن حلمك موجود.. وموجود بالأوي كمان..

عبده.. نهدى كده عشان نقفل مادتنا الأدبية.. ونجيب الحد الأقصى اللي نقدر عليه في المستوى.. والباقي على ربنا..

وبعدين يا عم متقلقش أنا مشوفتش حد بيقول أنه حيقفل الأحياء غير العباقرة اللي إحنا مش منهم.. يعني حتى لو نقصت أنت كتير.. الفرق مش حيبقى مهول بينك وبين الباقي اللي ممكن يكونوا خرفوا في مواد تانية أنت كنت كويس فيها.. يعني حيحصل توازن..

متقلقش.. واستهدى بالله كده.. ولا أنت باينك خفت أني أقطعك في البلايستيشن وعامل كل ده عشان كده؟؟

لا يا عم خلاص حسيبك تغلبني.. بس أعقل..

ربنا يوفقنا يا رب جميعًا للي عايزينه وللي يحبه ويرضاه..

لما تحس انك اقل واحد بين زمايلك
لما تحس بتعبك طول السنة بيروح
لما تحس بتعب اهلك معاك
لما تحس ان الدنيا سووودة فى وشك
لما تحس انك عاوز تموت نفسك وتختفى من الدنيا دى
لما تلاقى نفسك فى طريق مسدود
باى نفس هزاكر المادة الادبيه ولا المستوى الرفيع
على فكرة محدش مجبر امه يزع علشانى بس انا لقيت نفسى هنا على المنتدى وهاين عليا اموت من غير ما تفتكرونى