مكافأة مدرسي الحصه أو الصدقه المنتظره وصلت

[mrhossamy]

استلمنا اليوم مكافأة التدريس بالأجر في كفر الدوار وهي أقل كثيرا من العام الماضي من 1400 جنيه السنه الماضيه
الى 1030 جنيه وكأنها صدقه أو منه ننتظرها من العام للعام فحسبنا الله ونعم الوكيل وهي لا تعادل مرتب مدرس أساسي في الشهر وليس في العام
بالرغم من رفع المكافئه ب500 جنيه على الأقل لكل الأساسيين وكأننا شغالين في المدارس زبالين مش مدرسين فاللهم نجنا من القوم الظالمين وولي من يصلح يارب العالمين.

[marwa elminia]

على العموم مبروك وعقبالنا ومعلش بقا هانعمل ايه نصيبنا كده

[مريم اليكس2011]

ليه بس كده هيه الاسعار بترخص والا بتغلي حسبي الله ونعم الوكيل

[الاستاذ الشايب الشايب]

مبرووووووووووك

[zizo76]

اهلا يا باشا انا من التحرير بحيرة
و الله الواحد محتار يعمل ايه بالمكافئة
حاجة تحير
باقول اشتري عربية و الباقي اوديه البنك ينفع العيال لما تكبر
هههههههههههههههههه

بصراحة حاجة تكسف
و حسبي الله و نعم الوكيل

[الغول_2009]

طب انت كويس اخدت 1030 جنيه ....... امال لما تعرف ان فى ناس بتاخد 800 جنية تعمل ايه بقى؟

[marwaya]

يا جماعه المكافأة بتاعت الناس اللى شغاله بالحصة دى بتبقى على حسب عدد الحصص اللى كان واخدها فى الاسبوع وطبعا بتختلف من ناس لناس وانا عارفة الكلام دا لانى كنت شغاله بالحصة قبل العقد وعموما الف مبروك وان شاء الله ربنا يطرح فيهم البركة بدل فلوس حلال وبدل كل واحد رضى بنصيبه

[adham1]

يا جماعه انا من المنيا المركز نفسه ومعايا ليسانس اداب و تربيه و شغال بالحصه من
2008 حتي الان و كلنا بنقبض بالترم كل ترم 27 جنيه فقط
واول سنه ما اخدناش مكافئه
وثاني سنه اخدنا 150 جنيه فقط
و السنه ديه قبضنا الترم الاول 34 جنيه
و الترم الثاتي قبضنا شهر 3 و 4 و 5 فقط 104 جنيه في كل شهر
و لغايه دلوقتي منعرفش حاجه عن المكافاه 22\6\2011 الاربعاء

[محمدالوزير2]

يارب انا عايزة تكون 1000 فقط
ياعم انت زعلان انا واخد العام الماضى655 جنية

[hob7a]

انا اختى فى اداره كفرالدوار بندر اخدت 759ج بس خصمين 100 ضرئب وحسبوا المكافه لحد يوم 21/4 /2011 ليه يا جماعه
حد من كفرالدوار يفهمنى اداره مركز حسبوا لحد 18 /5 ليه الفرق بقى

[الفارس المهاجر]

المفروض تساهمي بجزء منهم في تسديد ديون مصر

[قلبك حنين]

يقول النبي صلي الله عليه وسلم في الحديث الذي رواه البخاري ومسلم (إن أثقلَِِ صلاةٍ علي المنافقينَ صلاةُ العشاءِ وصلاةُ الفجرِِ ولو يعلمون ما فيهما يعني من الأجرِ والثوابِ لأَتَوهُمَا ولو حَبوا ولقد هممت أن آمر بالصلاةِ فَتُقَام ثم آمُرَ رجلاً فيصلي بالناس ثم أنطلق ومعيَ رجال معهم حِزَم من حطبٍ إلي قومٍ لايشهدون الصلاةَ يعني في المسجد فَأُحَرق عليهم بيوتهم بالنار)
معاني بعض الكلمات
حبوا :- يعني زحفا علي يديه ورجليه كالطفل الصغير
لا تنسونى من صالح دعاؤكم

[ماهر قطب]

المشاركة الأصلية كتبت بواسطة hob7a

انا اختى فى اداره كفرالدوار بندر اخدت 759ج بس خصمين 100 ضرئب وحسبوا المكافه لحد يوم 21/4 /2011 ليه يا جماعه
حد من كفرالدوار يفهمنى اداره مركز حسبوا لحد 18 /5 ليه الفرق بقى

الاستاذ مصلح رئيس الماهيات قال لى طالما الورق مختوم من المدرسة هيتحسب اللى مكتوب بس روحى اشختى فيهم وخصوصا الاستاذ مجدى اللى على يمنيك وانتى دخله الماهيات اصل هما مابيجوش اللى بكده

[عنتر 2020]

انا من ادارة كفر الدوار واخذت 1256جنيه وانا بادى من اول شهر عشرة وعدد الحصص 22 حصه