حصل لي موقف مش ممكن أنساه
بس مكنتش لوحدي
كان معايا الشلة
المكان / شمال سيناء - العريش - شارع فوزي المنيسي بغرفة مدارية جنب الاسعاف تبع إكرامي بتاع البلاي ستيشن
الزمان / من حوالي 8 أو 9 سنوات
الموقف / كنت قاعد أنا و صاحبي أحمد صلاح بنلعب
الماتش بتاعنا في الدورة اللي كانت مولعة
نااااااااااااااااااااار
وفجأة سمعنا صوت عالي يصرخ : قوم يلا إنت وهوه
إحنا كان ضهرنا للباب ف آخر الغرفة علي اليمين
فقلت لأحمد صلاح : سيبك منهم إلعب إلعب
تكرر الصوت مرة ثانية بصوت أعلي : أقف يا ..........
قمنا بالراحة و بصينا ورانا باستغراب فكانت المفاجأة
تخيلوا لقينا ايه
ايه
ايه
ضابط و معاه شوية مخبرين
وطبعا صفات المخبر معروفه
وأهمها ايده اللي شبه رجله
عرف كل اللي ف الغرفة إن إحنا هـيطلع .......ف اليوم ده
دخل المخبر ين وسطنا و كل الموجودين وقفوا صفين
و الدهشة مفرقتناش
كنا إحنا _ شلتنا يعني _ واقفين ف الصف اليمين
دخل المخبر ع الصف الشمال من أوله وسأل أول واحد اسمك ايه و ف سنة كام وساكن فين
فجاوب و قاله : ساكن ف البحر
فرد المخبر : ف البحر يعني ايه سمكة يعني ؟ !
وسمعنا طرااااااااخ كف علي وش الولد
طبعا إحنا استوينا
وسأل باقي الموجودين الحمد لله من غير ما يمد ايده
وأمر الضابط بسحب جهاز بلاي ستيشن و خرجوا
ده موقف مش ممكن أنساه
مواقف و طرائف
كل منفتكر الموقف ده نفضل نضحك و نحكي تفاصيله كإنه لسه حاصل
وبعد كده أوعوا تفتكروا إننا بطلنا نلعب بلاي ستيشن
رحنا لإكرامي صاحب الغرفة المدارية
وسألناه : عرفت تجيب الجهاز من الضابط ابن ال ....؟
قال : ده كان عايز ابنه يلعب بيه اسبوع و حيرجعه .
ايه رأيكو ف الموقف ده ...
ظريف مش كده ...
25-05-2011, 02:01 PM
هههههههههههههههه
العرض المتطور
