الى ذوى القلوب الرحيمة(نفسى اذاكر بقى)

[sad nono]

السلام عليكم ..
بصي يا حبيبتي انا مش هقدر اقول اني حاسة بيكي 100% لان اكيد محدش حاسس الاحساس الانتي حاساه غيرك لكن يارب يكون في كلامي ولو نسبة بسيطة اوي من تقدير لموقفك وظروفك ..
بس انا حابة افكرك بحاجة صغنطووطة انتي بتقولي باباكي بعيد عنك ومامتك بعيدة واخواتك محدش مهتم بيكي وملكيش اصحاب بس انتي نسيتي اهم حد في الدنيا ممكن يعوضك عن كل الانتي بتتكلمي فيه دا نسيتي ربنا نسيتي اللي لو لجأتيله بجد مش هيقولك لا بالعكس هتحسي بدفء وحنان وحب وكل حاجة انتي مفتقداها .. والله بس جربي تلجئي لربنا يااااااااااه بجد احسا عظيم اوي
انا حاسة اني بجد نفسي اساعدك بكل اللي اقدر عليه بس اوعديني تمشي معايا للآخر ومتمليش في النص .. ها اتفقنا
بصي يا ستي اول حاجة زي ما قلتلك جربي تلجئي لربنا فضفضيله همومك واتكلمي معاه والله مفيش اريح من ان الواحد يلجأ لربه في وقت شدة هو ربنا لي حط المؤمنين اساسا في وقت شدة بالرغم ان هما مؤمنين بيه ؟؟ طبعا انا مش هسبب اسباب على ربنا بس اكيد اكيد لو لجأتي لربنا مش هيعمل زي اخواتك وميرضاش يرد عليك او هيهملك زي اي حد تاني صدقيني بجد مفيش اي حد اقربلك من ربنا في كل الكوووون دا شفتي ان حلك بسيط اوي اوي ربنا موجود في كل حتة وفي كل مكان وهيسمعك وشايفك وهو الوحيد اللي عارف انتي بتفكري ازاي وفاهمك منغير ما تتكلمي بس انتي الجئيله ووالله اللعظيم مش هتندمي ..
بالنسبة للمذكرة بصي يا جميل انا في اولى ثانوي ومعرفش المناهج بتاعتك لكن انتي حاطة التقسيمة وانا دلوقتي ان شاء الله هنقلها على ورق واحاول انظمهالك في جدول واقولهلك وان شاء الله ربنا ينفعك
بس انتي بردو لازم تستعيني بالله في الشهر دا يعني انتي بتقولي مذاكرتيش طول السنة مفيش وقت بقا تقولي ياريتني كنت ذاكرت ادامك شهر يا بعديه هتقولي ياريتني كنت ذاكرت الشهر دا يا اما هتقولي الحمد الله اني استغليت الشهر دا احسن استغلال .. انتي اللي هتختاري الكلام اللي هتقوليه بعد النتيجة .. ها معايا ولا فصلتي ؟؟
المهم نرجع ،،
انا عاوزاكي الشهر دا تبذلي كل اللي تقدري عليه كل حاجة كل حاجة ويا ستي انتي مش لاقية حد يصحيكي اعملي منبه صغير اد كدا لو مش بتسمعيه وانتي نايمة وتوكلتي على ربنا وحطيتي نيتك ليه هتسمعيه وهيصحيكي والله ( والله حقيقة مش في الاحلام)
خلاص بقا اكتئاب ايه اللي انتي حاطاه في دماغك دا ربنا معاكي اي الكلام الفارغ دا هو ربنا هيوقع حد توكل عليه ولجأله وفضفضله همومه وعاهده انه هيبذل كل الي يقدر عليه في الشهر اللي جاي ؟؟
سوري في السنة والشهر الجايين
انتي قدامك كمان سنة تالتة تقدري تعوضي بقا كلللل اللي حصل السنادي وتقدري تجيبي 100% والله تقدري بس توكلي على ربنا
وهو اكيد مش هيضيعك ولا مش عندك ثقة ؟ لا لا متفكريش استغفر الله كلنا عندنا ثقة في ربنا وان شاء الله ربنا هيوفقك ياااارب ..