اقتباس:
المشاركة الأصلية كتبت بواسطة stu. Mg
كلامك جميل لكن اسمحلى، عندى تعقيب صغير.. ياريت منمشيش على كلام بعض القنوات او بعض الاشخاص اللى يزعموا ان الرئيس السابق مبارك "مخلوع" كلنا يعرف انه اعطى نائبه عمر سليمان الاذن باذاعة استقالته و تنحيه امام العالم اجمع فلا يصح ان ندعوه بالمخلوع كما يدعى بعضهم.. فعلى الأقل ان كان المتحدث مجنون فلنعرفهم ان المستمع عاقل و المثل الشعبى يقول "كدبوا الكدبة و صدقوها" و دا مش مدح فى الرئيس السابق لكن الحق احق ان يتبع.
نرجع للموضوع، بصراحة لما قريت العنوان معجبنيش طبعا و كنت ناوى اقرأ الموضوع لكن اظن انو هيبقى تضييع وقت .. بصراحة اول مرة اسمع عن ابن بن لادن و اظن انو مش ناقد سياسى عشان يقول رأيو و بالطريقة اللى ملهاش معنى دى، كل حاجة واضحة للجميع و كل انسان له مميزاته و له عيوبه و مبارك كان كويس فى الفترة الاولى من حكمه بعد كدا الطمع ملا عنيه و خلاه يجمع ثروة محدش عارف هيا اد ايه و فى الاخر سوأ سمعته و حكم على اولاده و أحفاده بالعار بعد مخرب مصر و خلانا كدا.. بس الحكمة الانجليزية بتقول "for every plus, there is a minus" و الراجل زى مبوظ الدنيا بالشكل دا عمل بردو حاجات حلوة اينعم قليلة اوى بس بردو لازم نعترف بيها.
mg
|
لا حضرتك فاهم غلط
مبارك مخلوع ..صفة مخلوع دي بتنتسب له لأنه ساب الحكم تحت ضغط الشعب بغض النظر عن الطريقة اللي ساب بيها الحكم واللي أنا برضه شايفها طريقة أوحت بإنهياره لدرجة أنه حتى ميقدرش يطلع للناس يقول لهم خطاب
والسؤال اللي هيجاوبلك عالكلام اللي بقول له صغير جدا(هل مبارك كان هيمشي لو الثورة دي مقامتش) والإجابة طبعا مليون لا
إذا بالتبعية يبقى الشعب اللي شارك فالثورة هو اللي خلع مبارك وعليه لا يجوز إعطاء مبارك كنية رئيس سابق لأن الرئيس السابق هو التي تنتهي ولايته فلا يترشح لولاية جديدة او يخسر الإنتخابات
بينما مبارك مخلوع بمطلب شعبي
06-04-2011, 08:34 AM
العرض الشجري
