حملة.. " حجاب المرأة المسلمة " متجدد !!

[,, أَمـــَـة الله ,,]

السلام عليكم

أولاً طبعاً وقبل أي شئ واجب عليّ إني أشكرك ..

نثانيا : أقول حكايتي حول النقاب واللي لسة مستمرة لحد دلوقتي
في الأول من كام شهر كده كنت بشوف بنات زيي ونساء منقبات ماشيين في الشارع .. كنت ببصلهم أوي وأُعجب بيهم أوي وبشوفهم محترمات وبقول في نفسي أنا عايز ابقى زيّهم .. لكن الفكرة مادخلتش دماغي أوي .. بعد كام اسبوع
رُحت المنطقة الأزهرية في مسابقة كنت داخله فيها .. لقيت هناك 4 بنات منقبات .. 2 في عمري " تانية إعدادي " .. واتنين أكبر مني بسنة " 3 إعدادي " .. دخلت دماغي الفكرة أكتر وأكتر و صممت وقررت خلاص إني أفاتح بابا .. بابا الأول كان فاكرني بهزر وإن ده كلام بنت صغيرة هيمشي من دماغها .. لكن أنا صممت وأصررت وكنت بافتحه كل يوم واكلمه وبابا الحمد لله كان موافق وراضي لكن مع بعض التردد بسبب بقى إني لسه صغيرة وإن المنقبات ما بيتأمنش لبعضهم في الأيام دي مثلاً زي بعض الرجاله اللي بيلبسوه وبيتشك في المنقبات عشان كده .. وبرده حاجات تانية كتير
وأنا الحمد لله مقتنعه بيه تماماً أنا و أختي اللي أكبر مني بسنه ،حتى عمي وأصحابي وبعض أهلي كانوا بيقنعوني إن ده مش وقتوا وأن النقاب كذا وكذا ومش
ينفع تلبسيه .. ومع ذلك بردو كنت بشوف أقوال كتيره عن النقاب من الشيوخ وأنه فرض ولازم يتلبس المهم حبيته أكتر
وبابا لما شافني مصممه أوي كده قال لي خلاص هتلبسيه إن شاء الله وهجيبهولك ..
بس أنا قلت آخد رأيه طبعاً في الوقت المناسب اللي ألبسه فيه .. قاللي إن رأيه إن ألبسه في 3 إعدادي يعني السنه الجايه
أو في أولى ثانوي .. لكن بصراحه أنا قلت له يا بابا إن مش هقدر أستحمل لــسنه أو سنتين قدام


ولسه أنا لحد دلوقتي محتاره في الوقت اللي ألبسه فيه ومش عارفه أعمل إيه ؟؟!! .. هل ألبسه دلوقتي "وبابا موافق" ؟!! وللا أستنى زي ما بابا بيقولي سنه أو سنتين ؟؟..!!!


ــــــــــــــ
وبشكرك مره تانية وبارك الله فيكِ وجزاكِ خيراً
وثبتنا وإياكن على الحق