لكل من له طفل اتم الخامسه والنصف سيمتحن فى السفاره المصريه

[لحن الفرح]

اسفة يا بنات اني مدخلتش واتأخرت في الرد

انا من اولى اعدادي وانا مقرر عليا الفرنساوي وامتحنته سنة اولى لكن تانية وتالتة لا ولسة معرفش ايه الي هيحصل

انا مش قلقانة منه لاني شاطرة فيه وبحبه كمان

انا من اسكندرية يا مها

ياريم بالنسبة للكمبيوتر انا مختلفة معاكي ده محتاج فهم وحفظ كتييييير جدا وممل وفظيع ده بقى اصعب من المواد الصعبة

بس انامتهيألي ان الامتحان هيبقى متركز على الترم الاول بس لان الترم التاني زي ما بتقولي نظري بس لكن الترم التاني عامل زي الرياضة

انا كتاب الانجليزي الترم التاني لسة واصلي انبارح الحمد لله وبدأت فيه اهو بحاول على اد ماقدر انجز وسايبة المراجعة لقبل الامتحا باسبوعين لاني لسة مقفلتش حاجات كتير

لحن الفرح اعتمدي على ربنا وعلى نفسك الامتحانات بتيجي كويسة علفكرة مش صعبة

معاكي حق فعلا السنة الي فاتت اتصدمت لما لاقيت الامتحانات تااااااااااافهه وحسيت اني ضيعت وقت في الحفظ

بس ربنا يستر احنا شهادة دلوقتي

( على فكرة انا اسمي رنا عشان صعب عليكوا كل شوية تقولوا لحن الفرح )

بس عاوزه اسألكو انتو مستواكو ايه مع اللى فى مصر وكمان حالتكو النفسيه عامله ازاى بعد السنين دى لما بتنزلو مصر
ليكو اصحاب ولا لوحدكو

حضرتك يا طنط بصراحة انا الحمد لله مستوايا كويس بالنسبة للي في مصر

لكن الحالة النفسية دي (( تحت الصفر )) بجد والله

مش سهلة ابدا اني ماروحش مدرسة وافضل محبوسة في البيت اذاكر لوحدي ومفيش اصحاب ومش عارفة انا ماشية صح ولا غلط وفعلا زي ما قالت ريم والله العظيم انا كنت في مصر شخصية قوية وجريئة اقدر اتكلم مع اي حد واتكلم مع الكبار وتعرف على ناس جديدة

لكن هنا مبقيتش عارفة اكون صداقات ولا اكلم اصحاب ماما وبابا وارد عليهم حتى وخجولة جدا ولا عارفة اتكلم ولا اضحك مع حد ومعنديش ثقة في نفسي خالص

الكلام ده كله كان السنة الي فاتت

لكن الحمد لله لما خلصت امتحانات وجبت مجموع كويس وطلعت الاولى على البنات الي كانوا معايا في الامتحان ثقتي رجعتلي تاني وبقيت اتجرأ اني اكلم حد واتعرف على بنات جدد واكون صداقات تانية

واتصاحبت على مجموعة بنات فعلا لكن نزلوا يكملوا في مصر ودلوقتي انا معرفش اي حد ورجعت تاني بدون اصحاب لكن الحمد لله كونت شخصيتي تاني من جديد ولسة على اتصال باصحابي الي في مصر وبكلمهم على النت وفي التيلفون

زي ماقالت ريم لحضرتك متعزلهمش ابدا على ناس وحضرتك ابدأي تشوفيلهم اصحاب وتروحي تعرفيهم على بعض ماما عملت كده مع اخواتي توأم 10 سنين كلمت صحباتها وزمايلها وخلت اولادهم يصاحبوا اخواتي ويخرجوا سوا كل اسبوع عشان ميحسوش انهم محبوسين ويتجرأوا يتكلموا ويتعرفوا على ناس

وكمان عشان هما صغيرين يا طنط حاولي على اد ما تقدري تخليهم ينزلوا مصر كتير على فترات كده عشان لما يكبروا وينزلوا مصر ان شاء الله ميحسوش انهم في غربة وميعرفوش ولا اهل ولا اصحاب