سؤال الجصص الاحتياطى والاشراف

[hanyy80]

هل قانونا لنا حصص احتياطى واشراف ؟

[علا عيسى]

أخى العزيز من الأخر لو ليك ضهر مش هتضرب على ....... يعنى مثلافى مدرستى لانى مليش ضهر باخد حصص الس و الصاد بحجة أن أسمك الأن معلم إول فيجب أن تكمل نصابك يعنى بأعطى 17 حصة وعايزين أخد كام حصة من السين أو الصاد وكمان لي إشراف يوم ولكنى إعترض على ذلك ولكن حاسة إنى بضرب رأسى فى الحيط

[ابو الفاروق]

قانونا ليس لك اى حصص احتياطية او اشراف يومى او حتى امن
لانة وقانونا : من يمضى على اى عهدة ليس لة اى اعمال اخرى اضافية
كما انك لست امين للمكتبة فأنت اخصائى مكتبات بمعنى ان المكتبة نشاط ولابد من فتح المكتبة طوال اليوم الدراسى سواء هناك حصص ام لا
فكيف يوكل اليك حصص احتياطية وفى نفس الوقت تفتح المكتبة وبالطبع لا ينفع احضار الطلبة فى المكتبة طالما انها ليست حصة مكتبة اساسية لان هذا الوقت بين الحصص مخصص للمترددين ولانشطة المكتبة المختلفة والكثيرة

[علا عيسى]

شكرا جزيلا أستاذ أبو الفاروق والله قد أستفدت بهذا الخبر الذى لم أكن أعرفه ولكن أستاذى الفاضل فى كثير من المدارس عندم تكون الأدارة ظالمه لايمكن تطبيق النشرات والقوانين فمثلا فى النشرة الواردة إلينا من التوجيه المكتبات عدم إدراج الحصة الأولى أ و الأخيرة فى جدول حصص المكتبة ومع ذلل لا يطبق هذا القرار فى أغلب المدارس شكرا جزيلا

[lido20100]

فعلا زى ما قال الاستاذ ابو الفاروق ان الاخصائى مش بياخد حصص احتياطى او امن ومينفعش فعلا ان الاخصائى يسيب المكتبة لانها لازم تبقى مفتوحة طوال اليوم يبقى مين هيقعد فى المكتبة بقى فى الفتره دى زوبعدين كان سبب حصص الاحتياط والامن ان الاخصائى كان متفرغ من غير حصص ودا كان سبب الطمع فى وقت الاخصائى انما الوقت فيه حصص ومفيش وقت اكمل فيه اعمال المكتبة ويدوب الواحد بيستنى حصة فاضية ياخد نفسه فيها ويعمل اى حاجه فى المكتبة اللى هتبوظ هتبوظ لامحالة بسبب القرار الفاشل السئ وبرغم ده كله برضو عايزين يعطوه حصة احتياطى .. وعلى فكره سبب المشكلة دى ان مصر كلها معندهاش وعى او علم بقوانين المكتبات ودا عيب الموجهين بتوعنا والموجهين الاوائل بالاخص لانهم لازم يعملو زبط وربط للقوانين دى داخل الادارات والمدارس حتى على راى الاستاذه علا كمان ولو كان الواحد ليه ضهر فى المدرسة انا لازم اخليه يحترم وينفذ القوانين حتى لو فيه ضهر لان ادراه المدرسه لو طبقته بناء على كلامى انا هتبقى بجميلة او عشن خاطر عيونك انته ياستاذ ويقولو احنا مريحينك اهو ومش بتاخد حصص ولا اشراف وكمان مش بتاخد الحصة الاولى ولا الاخيره كله ده عشن خاطرك انته بس مش عشن قوانين ولا كلام فاضى ويقولو محدش ليه عندنا حاجه وميقدروشس يتكلمو معانا
طب بالنسبة للموجه بقى
انا حصل بينى وبين الموجة الاول حوار بمناسبة القرار بتع حصة المكتبة تخيلو كان رده ايه بقى؟؟؟؟
طبعا مفيش اى حد فى المكتبات عاجبة القرار ده نهائى لانه بيعود بالسلب على المكتبةانا قلت هلاقى الموجه عنده نفس الكلام بس للاسف تعجبت جدا وقالى دا احسن قرار خلى مديرين المدارس يبطلو بقى ويسيبو الاخصائيين فى حالهم بقى ويعتقوهم من الحصص الاحتياطى والامن بقى وخلاص كده مفيش حجة ليهم انتو الوقت بقى ليكم حصص زى كل المدرسين
بس معلهش ياستاذ ابو الفاروق لو عندك صورة من النشره او القرار اللى بينظم حصة المكتبة وحقوق الاخصائى ياريت ترفعلى صورة منه بعد اذنك يعنى لانى عندى المدرسة لما بقولهم على حاجه بيقولولى هات القرار او النشره دى عشن لما حد من المتابعة يكلمنى احطها فى عينه
ياريت يعنى لو عندك ترفعها او اى حد من الاخوةالمتابعين عنده قرارت تخص الكلام ده يرفعها يعد اذنكم وليكم كل الشكر

[ابو الفاروق]

السلام عليكم

اما بخصوص نشرة خاصة بعدم اسناد اى حصص احتياطية لاخصائى المكتبة فهذا يأتى لكل المدارس بلا استثناء فى بداية كل عام وايضا تكتب فى زيارة الموجة الخاص بك فيكتب فى زيارتة هذة التعليمات ويمضى عليها مدير المدرسة او ناظرها وانت ، كما احب ان اقول ان المتابعة عندما تاتى الى المدرسة فأول شىء يكتب فى تقرير الخاص بالمتابعة
زرت المدرسة ووجدتها نظيفة
والمكتبة مفتوحة وبها حصة او لا واذا وجد المكتبة مغلقة من المفروض ان يكتب سبب غلقها سواء كنتى فى حصة احتياطية او امن للمدرسة وهذه تعتبر سلبية للمدرسة والناظر ولك

ملحوظة : كل هذه الاشياء تعتمد على شخصية الاخصائى الموجود فى المدرسة
انا شخصيا لما بيحبوا يدونى حصة احتياطى بيجيلى المشرف بنفسة يستأذن هل اوافق ام لا ودة لما يكون فى عجز فى المدرسة وليس كل الايام

ناظر المدرسة اتغير فى سنة من السنين والناظر الجديد جاى وزى ما بيقول المثل الغربال الجديد لية شدة
وحب يدينى حصص احتياطى ويوم امن ويوم اشراف بالعافية ، عملت انا اية تعمدت غلق المكتبة يوميا وفتحها فقط على ميعاد حصتى الى ان تأتى اى متابعة او لجنة من المديرية وبالفعل حدث ذلك وكانت لجنة من المديرية فمرت اللجنة على المدرسة ومن ضمنها المكتبة فوجدوها مغلقة وانا كنت قاعد فى الطرقة فسئل المتابع لية المكتبة مغلقة الاخصائى غياب الناظر متكلمش قومت انا لية وقولتلة انا موجود اخصائى المكتبة قالى ليه مش فاتحها قولتلة معنديش حصة قاللى يا سلام هى دكان تفتحها لما يجيلك زبون دى نشاط وزيها زى المكتبة العامة لازم تكون مفتوحة من اول اليوم الدراسى الى نهايتة بصرف النظر عن الحصص قولتلة قول الكلام دة لناظر المدرسة يكلفنى يوميا باعمال غير اعمال النشاط المكتبى يوم امن ويوم اشراف وكل الايام احتياطى

مسك ناظر المدرسة بهدلة ومن يومها مبقاش حتى يبصلى

[أم هيما]

هههههههههه والله موقفك جامد يا ابو الفاروق
انا بقى كنت الاول ممكن ادخل حصص احتياطى وانا عارفه ومتاكدة انه ممنوع قانونيا بس كنت بقول اهو علشان المركب تمشى ولما الناظر عوج معايا شويه حلفت ما انا داخله ولا حصة احتياطى حتى لو المدرسة هتقع

الاخصائى مالوش حصص احتياطى