يا جماعة أرجوكم

[مندولييييين]

بسم الله الرحمن البرحيم
أنا عضوة قديمة فى المنتدى بس عاملة عضوية جديدة بعد النقل على السيرفر الجديد
المهم علشان ما أطولش عليكو الموقع أسمه (بوابة الثانوية العامة)
يعنى المفروض أنه تعليمى أكتر من أنه ترفيهى زى ماهو دلوقتى مش قصدى نلغى الاقسام الترفيهية
بالعكس دى جميلة جداجدا بس أنا قصدى نرجع نهتم بالجانب التعليمى شوية والدور ده على المشرفين والمدرسين المشكورين طبعا على مجهودهم زى المواضيع المتثبتة مش نعتمد بس على الاسئة للنابغين :D:D
وشكررررررررررررررررررررررررا
عايزة رد حضراتكم

[سيد سعد غباغبي]

الموقع أسمه (بوابة الثانوية العامة)
يعنى المفروض أنه تعليمى أكتر من أنه ترفيهى

معك حق انا شايف ان الموقع السنة اللي فاتت كان انشط من السنة دي

قصدى نرجع نهتم بالجانب التعليمى شوية والدور ده على المشرفين والمدرسين

والطلبة كمان تاخذ الموضوع جد شوية

لان هناك البعض بيستظرف او يزودها حبتين في الكلام مع الاساتذة وبعدين يرجع يعتذر

ارجو من الكل ياخد الموضوع جد وحسم شوية

http://www.boxbok.net/forumdisplay.php?f=92

[Taleba Me7tasa]

معلش يا مندولين يا بنتي انتي احياء ولا ايه فعلا القسم التعليمي نايم جدااااااا السنة دي بس الموضوع كله عشان الناس اللي شغالة ف المنتدى وعلا طول متواجدة معظمهم خلاص دخلو كليات فمبقوش يترددو عليه زي الاول واصلا عشان المنتدى كله بقى نايم (حاسة اني بقول اسباب ضعف وانحدار الحكم العثماني)

وانتي لو حبيتي تستفسري عن اي حاجة المدرسين هنا بيبقو متواجدين والله واي خدمة اختك محتاسة موجودة

سلام

[MohammeD el_SadaT]

دا متوقف على الطلبه اللى معدتش بتشارك خالص
وده أحبط المدرسين
وكمان اللى بيدخل يقرأ ويخرج من غير حتى كلمه شكر
يعنى عندك تلاقى عدد القراء حوالى200 ولا حاجه والردود 2 ولا 3 بالكتير

[General]

كلامك صحيح يا سادات

[محمد جاد الله 2008]

كلامك صحيح

[General]

وعلى فكره الكلام ده فى كل الأقسام وكمثال مكتبة البرامج

[قالوا الوداع قولت قشطة]

طيب
ماشى

[صوت الحق]

أن شاء الله فى تقدم اليومين دول وكله هيرجع كما كان واحسن بسى الطلبة تشارك بنشاط مع المدرسين

[مندولييييين]

شكرا ليكم ياجماعة على مروركم