ليه بتحبي تطولي ظوافرك كده زي القطط ؟؟

[أم عمار قائد الأحرار]

= ليه بتحبي تطولي ظوافرك كده زي القطط ؟؟

- حد يطول يبقى في جمال القطة و رقة القطة و شراسة القطة!!

= طيب وهو جمال القطة و رقتها مايبقاش إلا في ظوافرها ؟!!

- طبعا! ده علامة أن البنت واخدة بالها من نفسها وكيوت و رومانسية

وكمان شكل الظوافر الطويلة رقيق

= بصراحة مش شايفة فيه رقة خالص


- ده يمكن بس عشان شفتي بنات ياااي مش بينظفوها وبتبقى سودا وبشعة

لكن زي ما أنتي شايفة ظوافري بيضااااا ... و طويلة وقوية وكلها حنية

أنا كل أسبوع لازم أصنفرها وأعمل لها باديكير ومانيكير

= وليه تصرفي فلوسك على حاجة كده ؟

- يبدو أنك متأخرة أوي .. الظوافر يا قلب منيب يا بنتي زي العيل لما تربيه
بتهتمي بيه وتغذيه وتفرحي بيه كده وهو بيكبر قدامك

= نظرية برضو

- ميرسي ده بس من ذوقك

= بصي يا حبيبتي الجمال والرقة والشراسة برضوفيه 100 طريقة وطريقة عشان تعبري بيهم عن نفسك وعن اهتمامك بجمالك غير تطويل الأظافر

- طيب وايه المشكلة في تطويل الظوافر لا خربشت حد بها ولا أذيت حد بمنظرها ؟؟

= بس احنا مسلمين وبيحكمنا دين

- هنحشر الدين بقى ليه ؟؟
ده حرية شخصية زي الأكل والنوم

= حتى الأكل والنوم عندنا فيهم سنة في الدين
الفكرة أنه طالما عندنا حديث بيتكلم عن الموضوع ده يبقى عندنا فيها حكم شرعي حلال أو حرام ولازم نلتزم به


- أول مرة أعرف أن فيها حديث !!!
حديث ايــــــــــــه ؟؟

= قال رسول الله صلى الله عليه وسلم:
(الْفِطْرَةُ خَمْسٌ : الْخِتَانُ وَالِاسْتِحْدَادُ وَقَصُّ الشَّارِبِ وَتَقْلِيمُ الْأَظْفَارِ وَنَتْفُ الْآبَاطِ) .
صحيح البخاري وصحيح مسلم


- يعني ايه من الفطرة ؟

= سنن الفطرة دي سنن علمها لنا الرسول صلى الله عليه وسلم وهي سنن جميع الأنبياء عليهم السلام قبله
ودي صورة من صور طهارة المسلم الظاهرة وهي صورة بتوافق الصورة اللي ربنا فطرنا وخلقنا عليها
والالتزام بالصورة دي يعتبر دليل فعلي على اتباع الرسول ومحبته لأن اللي بيحبه هيتبع هديه


- بس أنا ظوافري قصيرة أوي وشكلها بيبقى وحش لما تتقصر على طول كده؟

مش من شوية كانت طويلة وقوية وكلها حنية ؟؟


يعني عايزة توصلي لايه ؟

- أن الله جميل يحب الجمال ! ربنا مايرضاش لي أن شكلي يبقى وحش!

= ومين قال أن شكلها وحش ؟..ربنا سبحانه وتعالى خلقك في أحسن تقويم وأجمل صورة وهي دي الصورة اللي ارتضاها ليكي

الفكرة أن كل واحد يرضى برزق ربنا له ويعرف يظهر جوانب تانية من جماله ..

- اممممممم كلام سليم
طيب هل في وقت معين لازم أقصها فيه ؟

= آه في أثر عن سيدنا أنس بن مالك
عَنْ أَنَسِ بْنِ مَالِكٍ رضي الله عنه قَالَ : ( وُقِّتَ لَنَا فِي قَصِّ الشَّارِبِ وَتَقْلِيمِ الْأَظْفَارِ وَنَتْفِ الْإِبِطِ وَحَلْقِ الْعَانَةِ أَنْ لَا نَتْرُكَ أَكْثَرَ مِنْ أَرْبَعِينَ لَيْلَةً ) .
معناه أن ربنا حدد لنا مدة معينة نعمل فيها سنن الفطرة دي ولا نتجاوزها ولا نزيد عنها
فما ينفعش نسيب الظوافر لمدة تزيد عن 40 يوم و إلا وقعتي في المكروه إن لم يكن حراما!

- الموضوع صعب أوي !

= بالاستعانة بالله مفيش حاجة صعبة .. وعشان ربنا يحبنا كل شئ يهون

- طيب لو برضو ما قصرتهاش يبقى كده عملت حرام ؟

= الله أعلم
بس تتحملي ذنب مخالفة الرسول ؟
الله سبحانه وتعالى يقول :
(وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا)
ويقول سبحانه :
(فَلْيَحْذَرِ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ)

- لااااءاااااه
توبة خلاص

= دي تنبيهات كده بسيطة بخصوص قص الظوافر:

** يستحب البدء في قص الأظافر باليمين

عَنْ عَائِشَةَ رضي الله عنها قَالَتْ : ( كَانَ النَّبِيُّ صَلَّى اللَّهُ عَلَيْهِ وَسَلَّمَ يُعْجِبُهُ التَّيَمُّنُ فِي تَنَعُّلِهِ وَتَرَجُّلِهِ وَطُهُورِهِ وَفِي شَأْنِهِ كُلِّهِ )
قال النووي رحمه الله في "المجموع" (1/339) :
" تقليم الأظفار مجمع على أنه سنة , وسواء فيه الرجل والمرأة واليدان والرجلان , ويستحب أن يبدأ باليد اليمنى ثم اليسرى ثم الرجل اليمنى ثم اليسرى " انتهى .

** في ناس عندها اعتقاد أنه لازم نقص الظوافر فوق التراب لكن الموضوع ده مش واجب .. لكن استحب بعض الفقهاء أن يدفن الشعر والأظافر لئلا يتلاعب بها السحرة في عملهم السحر.

-----------------------------

لمزيد من المعلومات عن باقي سنن الفطرة

تجدونها هنا

http://www.islamqa.com/ar/cat/261

lمنقول عن الاخت قلب منيب اسال الله عز وجل ان يحفظها وان يبارك فيها وان يجعل ما تقدمه في ميزان حسناتها

ولا تنسوني بدعوه

[d00ry]

جزاك الله خيرا و جعله الله فى ميزان حسناتك

[tones]

59dd7179a8.gif

8c94da701ftq4.gif

[جمانة2]

جزاك الله خيرا يا قمر على الموضوع انتى بتفكرنى بنصيحة وحدة صحبتى قعدة فى الدسك اللى جنبى دايما بنسى اقصها وهى اول من يذكرنى حتى ما ما اللى انا كنت فاكراها حنينة لما كانت ضوافرى تتطول شوية تقولى كدة بيكونوا زى احافر الحمار ههههههههههههههههههههههههههه وانا الحمد لله بقيت اهتم بيها عن الاول

[shima'a]

جزاك الله خيرا و جعله الله فى ميزان حسناتك

[شيماء20]

جزاكى الله خيرا يا ام عمار

فعلا موضوع الاظافر ده بقى منتشر جدا

وبصراحه بتكون شئ مقزز جدا

ويا لقمة القرف لما تكون اظافر طويله ومش بس كده لالالالالالالالالالالالا

دى لازم تعمل اكلادور لون الطقم اللى هى لابسها

ربنا يعافينا جميعا يارب

[أم عمار قائد الأحرار]

المشاركة الأصلية كتبت بواسطة d00ry

جزاك الله خيرا و جعله الله فى ميزان حسناتك

اللهم امييين وجزاكم مثله يا غاليه

[أم عمار قائد الأحرار]

المشاركة الأصلية كتبت بواسطة tones

الملف المرفق 52680

الملف المرفق 52679

ربنا يعزك ياارب

انتم النور كله


جزاكي الله خير

[أم عمار قائد الأحرار]

المشاركة الأصلية كتبت بواسطة جمانة2

جزاك الله خيرا يا قمر على الموضوع انتى بتفكرنى بنصيحة وحدة صحبتى قعدة فى الدسك اللى جنبى دايما بنسى اقصها وهى اول من يذكرنى حتى ما ما اللى انا كنت فاكراها حنينة لما كانت ضوافرى تتطول شوية تقولى كدة بيكونوا زى احافر الحمار ههههههههههههههههههههههههههه وانا الحمد لله بقيت اهتم بيها عن الاول

ههههههههههه وجزاكي مثله ربنا يحفظك يااااااااااااااااارب

[أم عمار قائد الأحرار]

المشاركة الأصلية كتبت بواسطة شيماء20

جزاكى الله خيرا يا ام عمار

فعلا موضوع الاظافر ده بقى منتشر جدا

وبصراحه بتكون شئ مقزز جدا

ويا لقمة القرف لما تكون اظافر طويله ومش بس كده لالالالالالالالالالالالا

دى لازم تعمل اكلادور لون الطقم اللى هى لابسها

ربنا يعافينا جميعا يارب

وجزاكم مثله

ربنا يهدي بنات المسلمين


عارفه طول ما الانسان عنده لا مباالاه وعدم احساس بالذنب ف اي حاجه هيفضل ديما شايف ان كل حاجه عادي


ربنا يصلح احوال الامه يااااااارب

[أحلام مفقودة]

جزاكِ الله خيراً أخيتى
نفع الله بكِ دوماً وسدد خطاكِ
موضوع جميل جدا جدا ربنا يجعله في ميزان حسناتك يارب
ويجعلك من الذين يدخلون الجنه بغير حساب ولا سابقه عذاب ويجعلكي من اهل الفردوس الاعلى من الجنه
اللهم امين