ازاى وانا بصلى مش افكر فى حاجة

[(( أريــ الفـردوس الأعلى ــد ))]

[وعليكم السلام ورحمة الله وبركاتة..
عايزة اقولك يا أميرة ان نفس المشكلة اللي بتواجهك بتواجه كل المسلمين ..
يعني انا لما بصلي بفضل افكر في كل حاجة مع اني قبل الصلاة مش بكون بفكر كدة يعني اقصد ان في شيطان مخصص للصلاة عشان يلهينا عنها..
انا الحمدلله دلوقتي حاولت امنع اي حاجة افكر فيها في الصلاة وانا هقولك ازاي اولا انك تستعيذي بالله من الشيطان الرجيم ..
وتجعلي كل تفكيرك في الصلاة يعني تتدبري في الفاتحة وانتي بتقرأيها عيشي اللحظة استمتعي بالقران وانتي بتقرأية وانتي باذن الله مش هتفكري في امر من امور الدنيا ..
لازم تتخيلي انك بين يد الله فهتملكك رهبة وخوف بتالي مفيش اي حاجة هتفكري فيها غير المولى عز وجل ..
وفي سجودك ادعي وقولي يارب ابعد عني اي امر من امور الدنيا يشغلني ويلهيني عن طاعتك ..
ولو حسيتي يا اميرة بأن الشيطان بيوسوسلك وعايزك تفكري في حاجة استعيذي بالله من الشيطان الرجيم وبعدين اتفلي عن يسارك ثلاث مرات..
يارب ربنا يهديني ويهديكي ويهدي كل اخواتنا واخوات المسلمين ..
ويارب اكون افدتك يا اميرة ..