ســــؤال هـــــــام : هـل يـوجـد أقـدمـيـة بـيـن الـمـعـلـمـيـن الـمـسـاعـديـن ؟؟؟

[حودة حودة1]

هل يوجد أقدمية بين المعلمين المساعدين ؟؟؟؟

يا جماعة عندى مشكلة انا اشتغلت فى احدى المدارس ( مدرستى الحالية ) بالاجر لمدة عام واحد 2007 . الى انا اتى العقد واصبحت معلم مساعد فى مايو 2008 وبنفس المدرسة الى ان انتهى العام الدراسى .
ومع بداية العاد الدراسى 2008 / 2009 كان يوجد عجز فى الحصص فتم سده بمعلم مساعد مثلى .واستلم بتاريخ سبتمبر 2008 .
ومع بداية هذا العام الدراسى الحالى انتهى العجز ويجب رحيل أحدنا ،
هل يحق للتوجيه إخراج أى فرد منا ، أم يكون لى حق البقاء فى مدرستى بحكم أنى شغال قبل هذا الزميل سواء عندما كنت ابالجر عام 2007 أو عند التعاقد مايو 2008 .
فى حين أن زميلى استلم فى سبتمبر 2008 . علما بأن تاريخى تعاقدنا واحد وهو مايو 2008 .
الخلاصة :أنا استلمت فى المدرسة بالاجر فى سبتمبر 2007 وبالتتعاقد مايو 2008 ، فى حين أن زميلى استلم فى المدرسة فى سبتمبر 2008 . ولكن تاريخ تعاقدنا واحد .

بالله عليكم أرجو الافادة هل يحق للتوجيه اخراجى للمدرسة , وتكون بدليل أو عن تجربة شخصية .

[ABDOURAGAB]

لا لا لا لا لا

[حودة حودة1]

المشاركة الأصلية كتبت بواسطة abdouragab

لا لا لا لا لا

ايه بالضبط اللى لا لا لا لا لا : الاقدمية ولا اخراجى من المدرسة

[دؤدؤتى]

المفروض انه بالاقدميه

[vip_ame]

المفروض الاقدم بالعمل بالمدرسة هو اللى يفضل سواء كان بالاجر او متعاقد او اساسى مافيش فرق

[hollowman 19]

يا استاذ حوده انت بالعقد عارف يعنى ايه العقد ليس هناك قوانين ثابته يسير عليها العمل بالتعاقد لأنه فى لحظه ممكن يطيرك
من مكانك وبينى وبينك الواسطه افضل بكتير من الأقدميه والأفضليه

[azzam_2006]

بك استجير ومن يجير سواكا .. فأجر ضعيفا يحتمى بحماكا
انى ضعيف استعين على قوى ... ذنبى ومعصيتى ببعض قواكا
رباه ها انا ذا خلصت من الهوى ...واستقبل القلب الخلى هواكا
ذُقت الهوى مراً ولم اذق الهوى ... يارب حلو قبل ان اهواكا

[semsem deraz]

اطمن بالاقدميه لان الحكايه دى حصلت معايا كان لازم حد يمشى من المدرسه فالموجه اختار اجدد واحد ولو كان تاريخ التعاقد زى بعض فاجدد واحد فى الاستلام للشغل

[سنوات الانتظار]

عن تجربتى الشخصية اخى الكريم انت بالفعل لك حق الاقدمية ولا يجوز للموجه ندبك لمكان اخر

[هبةالرحمن]

المشاركة الأصلية كتبت بواسطة حودة حودة1

هل يوجد أقدمية بين المعلمين المساعدين ؟؟؟؟

يا جماعة عندى مشكلة انا اشتغلت فى احدى المدارس ( مدرستى الحالية ) بالاجر لمدة عام واحد 2007 . الى انا اتى العقد واصبحت معلم مساعد فى مايو 2008 وبنفس المدرسة الى ان انتهى العام الدراسى .
ومع بداية العاد الدراسى 2008 / 2009 كان يوجد عجز فى الحصص فتم سده بمعلم مساعد مثلى .واستلم بتاريخ سبتمبر 2008 .
ومع بداية هذا العام الدراسى الحالى انتهى العجز ويجب رحيل أحدنا ،
هل يحق للتوجيه إخراج أى فرد منا ، أم يكون لى حق البقاء فى مدرستى بحكم أنى شغال قبل هذا الزميل سواء عندما كنت ابالجر عام 2007 أو عند التعاقد مايو 2008 .
فى حين أن زميلى استلم فى سبتمبر 2008 . علما بأن تاريخى تعاقدنا واحد وهو مايو 2008 .
الخلاصة :أنا استلمت فى المدرسة بالاجر فى سبتمبر 2007 وبالتتعاقد مايو 2008 ، فى حين أن زميلى استلم فى المدرسة فى سبتمبر 2008 . ولكن تاريخ تعاقدنا واحد .

بالله عليكم أرجو الافادة هل يحق للتوجيه اخراجى للمدرسة , وتكون بدليل أو عن تجربة شخصية .

يا اخى الفاضل الامر كله بيرجع الى مزاج الموجه فان كنت على هواه فستبقى مكانك والا ستكون كل يوم فى مدرسة شكل

[Azhar Aly]

الموضوع كله ف ايد الموجه لو حابب وجودك ف المكان هيخليك و لو مش طايقك _ معذرة يعنى _ هتمشى حتى لو كان الزميل التانى استلم امبارح وحضرتك موجود من 10 سنين

[eslamkobessy]

هو يمشي أنت تفضل مكانك ولسه الموضوع حاصل أمامي في مدرستي في اثنين من مدرسين الرياضيات ومدير المرحلة مشي الاحدث .

[محمد ابوصلاح]

حسب القانون الدوري
بتمشي الاحدث قدوما للمدرسة ثم الاقدمية ثم الاخذ بالسن
شوف انت اكبر في السن ولا هو

[Eslam Farouk]

خلاصة الكلام:
- لو علاقتك بالموجه حلوة يبقى زميلك هو اللى هايمشى..
- لو علاقته هو بالموجه احلى يبقى انت اللى هاتمشى..

وخدها منى كلمة ( مش فاااااااااااارقة والله )

( وعسى أن تكرهوا شيئاً وهو خير لكم )

[عماد الخواجه]

يا عم اقدميه ايه بس هى الناس فى ايه ولا فى ايه