نقابة المعلم المتعاقد بقرار من الوزير ان شاء الله

[امل اليكس]

السلام عليكم

اولا القسم هنا هايل جدا بس فعلا مش مضمون ان الوزير يكون ضمن زوار المنتدي

انا عندي اقتراح

ليه ميكونش لينا صوت مسموع احنا مش اقلية في ادارتي المتعاقدين اكثر بكثير من المعيينين

ممكن نعمل زي نقابة خاصة بينا بدون ماديات عشان محدش يزعل يكون العمل فيها تطوعي

ولما نبلغ عدد نصف المتعاقدين في مصر نقدم طلب للوزير بالاعتراف بالنقابة ويكون من حقنا ساعتها

الدفاع عن انفسنا وتوصيل اصواتنا الي الوزير بسهولة

وذلك دون الانشقاق عن نقابة المعلمين

اتمني من المتعاقدين المشاركة بالراي سواء مع الفكرة او ضدها
طرح الموضوع والتفكير فيه بجدية

بالتوفيق

[smsm_eslam15]

كلام جميل بس للأسف مين اللى هيسمع صم وبكم

[Mr.Shaaban]

أنا موافق ,,,,,,,,,,,,,,,,,,,,,,,,,,,,,

[ايهاب بدر الدين]

فكرة جميلة جدا

[حسين القاضى]

و الله فكرة جميلة بس المشكلة أنهم حيجعلوا التعاقد شىء ثابت مستقبلاً وبدون تعيينات

وكل اللى بنسمعه الأيام دى عن التثبيت بس علشان الانتخابات اللى جايه

[حسين القاضى]

لنا الله وربنا يبتقم من هؤلاء الظالمين

[وليد عبد العظيم بركات]

ممكن بس أهم شىء كيف يتم تفعيل هذه الفكرة

[همس الصمت]

والله فكرة جميلة

[eslamkobessy]

هو احنا هنفضل طول عمرنا عقود

[mak2007]

يا جماعة أحنا المتعاقدين تبع نقابة المعلمين والمفروض يطلعولنا كارنية نقابة مش نعمل نقابة خاصة بنا
كدا يبقى هنفضل طول عمرنا نقابة المتعاقدين

[hishamhassan]

فكرة جميلة

[مؤمن المصرى 21]

الفكرة كويسة بس من الافضل ان يكون لنا متحدث رسمى نيابة عن المتعاقدين يكون له الحق فى عرض مشاكلنا امام الراى العام وان يكون ملم بكل تفاصيلنا وحقوقنا وواجبتنا بحيث يكون مؤثر ويكون عمله تطوعى

[ابو حفص المصرى]

نقابة المعلمين غير مفعلة للمتعيين
واحنا متعاقدين 000000000000احنا لسه هنصلح النقابة الأول طيب نتعين الأول وذلك
اولا انا ندرك اننا ليس اقلية يستهان بها
ثانيا نتفق على كلمة واحدة من خلال النت كيوم امتناع عن الأمتحانات وخليهم هم يصصحوا الأمتحانات الشهادات ويراقبوا
ده يا اخوه شيى رهيب جدا لما مدريس الأزهر امتنعوا عن دخول الأمتحانات جه شيخ الأزهر بنفسه ومع انه كان فى سفر وقطع سفره ووافق على طلبات المدرسيين
ااخلاصة تحديد ايام كل المتعاقدين يمتنعوا عن اعمال الأمتحنانات
وشكررررررررررررررراااااااااااااااااااااااااااااااا اااااااااااا

[winwaw]

[flower25]

اولاً : احنا كمتعاقدين اعضاء فعلا فى نقابة المعلمين واحنا فى إدارتنا كل المتعاقدين معاهم كارنيه نقابة

ثانياً: اذاى نبقى معترضين على مسمى متعاقد وعلى وضعنا الحالى وبنسعى اننا نعمل نقابة لنا على اعتبار اننا راضين عن وضعنا ولينا بعض الحقوق عيزينها وراضين نبقى متعاقدين بدليل بنعمل نقابة باسمنا نقابة المعلم المساعد او نقابة للمتعاقدين الحكومة لو سمعت كدة هترحب جدا لانها هترتاح من هم اننا نطالب اننا نتثبت لاننا بكدة خلينا نفسنا طول حياتنا متعاقدين وهيحققونا اى حاجة نطلبها فى حدود مسمى وظيفتنا واللى احنا اقرناه فى النقابة اللى بتقولوا عليها ( نقابة باسم المعلمين المتعاقدين عمرها ما هتثبتنا بالعكس دى ضدنا مش معانا ) فكروا شوية فى معنى الفكرة .

غير انه من امتى النقابات بتعمل حاجة لحد ، لو احنا معرفناش ندافع عن نفسنا فى حد هيدافع عنا؟ ، ده بالاضافة ان اعضاء النقابة اكيد من المتعاقدين اللى محدش هيسمع كلامهم يبقى نخلى حد ممثل عنا ولا نتكلم احنا اظن كلنا مفروض نتكلم الكترة تغلب الشجاعة ذى ما بيقولوا.

احنا بنسعى نغير المسمى الوظيفى لينا ونبقى معلمين هنروح نعمل نقابة باسم المعلمين المتعاقدين او المساعدين اذاى!!!!!!!!!!!!!!!!!!!!!