سر دبله الخطوبه

[sunsero2000]

سر دبله الخطوبه

اهلا بيكم كلكم ويارب الكل يبقى بخير
كلنا عارفين ان الدبله فى اليمين يبقى خطوبه وفى الشمال يبقى جواز

بس يا ترى عارفين ليه اساسا بنلبس الدبله دى


تعالوا بقه نعرف اى حكايه الدبله دى


الحكايه ببساطة ابتديت فى عصر الرومان ( متتخضوش قوى كدة ) ايوة هى من زمان وكانت ان كل عروسين بيلبسوا طوق من الزهور فوق دماغهم ودة دليل على انهم ارتبطوا ببعض


وبعدين طوق الزهور اتحول لمجرد خيط ملون بيتلف حولين اصبع الخنصر واللى بعد كدة اتطور طبعا وبقى دهب و الماس






اما بقه حكايه يمين او شمال دى بقه علشان انهم كانوا فى الخطوبه بيلبسوا الدبله فى الايد اليمين لانها الايد اللى بتحلف بيها يمين العهد وفى حاله الخطوبه هنا الطرفين كل واحد فيهم اعطى عهد للتانى انهم حيرتبطوا ببعض




وبعد الجواز بتتنقل الدبله للايد الشمال ودى بقه ليها سبب علمى لان العلم اثبت ان فى الاصبع الخنصر اللى فى الايد الشمال فيه شريان رئيسى ممتد من القلب وهنا نقدر نقول ان الدبله بتتنقل علشان تكون بقيت قريبه من القلب او بمعنى تانى ان الزوجين كل واحد بقى فى قلب التانى

[hadeer20]

شكرا على المعلومة تصدق انا اول مرة اعرف واول مرة آخد بالى اصلا من الموضوع ده

[dr.asmaa]

شكرا لك انا اول مرة اعرفالموضوع دة جهل بقى بعيد عنكم

[amrorg2020]

معلومات مفيدة جداً مشكووووووووور عليها وجزاك الله خيراً مشكوووووووووووور ,,

[Mr. Medhat Salah]