اللهم أتنا فى الدنيا حسنة وفى الأخرة حسنة....الجروب

[ضياء الدين سعيد]

المشاركة الأصلية كتبت بواسطة عبد الله الرفاعي

الخير في و في امتي الي يوم الدين..صدق رسول الله صلى الله عليه وسلم.


باقي 22 يوم علي انتهاء رمضان ،عندى فكرة فى ناس عملتها وخلصتها قبل بداية شهر رمضان الفكرة مش جديدة ولكنى اطرحها للتذكرة وفقط للناس اللى نسيتها السنة دى


الفكرة ببساطة هى (شنطة رمضان)طبعا فى ناس وزعتها من بدرى لكن انا بقول للناس اللى نسيت اوعى تظن ان الموضوع انتهى لسه بدرى واحنا لسه فى العشر الاوائل من رمضان والناس اللى راح لهم الشنطة دى اكيد مش هتكفيهم الشهر كله والناس اللى لسه مرحلهاش انت عارفهم وتقدر تساعدهم .الموضوع مش هيكلفك كتير ..احنا عاوزيين نكون زى الصورة اللى فوق جماعة واحدة:
1-انت واصحابك
2-انت واسرتك
3-انت واى حد تعرفه

كل المطلوب انكم تجمعوا من بعض اى مبلغ ومش مهم يكون كبير المهم فكرة عمل الخير.واقسم بالله الخير مش محتاج فلوس الخير محتاج نية صادقة مش مهم كام شنطة هتوزعها المهم اللى تقدر عليه وهتلاقى العدد اللى انت حطه فى دماغك زاد اضعاف ماتتوقع.
الشنطه هتتكلف حوالي 70 جنيه تحتوي علي : 2ك ارز ، 2ك مكرونه ، 1ك زيت ،1ك سمن ، 2ك سكر ، ربع ك شاي ، برطمان صلصه ، نص ك عدس اصفر ، نص ك عدس اسمر ، نص ك فاصوليا بيضاء ، نص ك لوبيا ، لفة قمر الدين ، 1ك بلح ، 2 صابون ، كيس برسيل عادي ، يعني شنطه محترمه و كميتها معقوله.


تذكروا جيدا قول الله تعالي :

( لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ ) [آل عمران: 92]

شباب و بنات
العد التنازلي شغال.





طاب لو نسيت وكسلت عن موضوع (شنطة رمضان )استنى هفكرك بحاجة تانية مهمة انا وراك وراك.
افتكر ان بعد رمضان هيكون المدارس يبقى افتكر (شنطة المدارس) اختارلك شنطة منهم وربنا يكرمك .

بارك الله فيك
وجزاك خير الجزاء
عما تفعله من تقديم النصائح
والتذكير بفعل الخير