اللهم أتنا فى الدنيا حسنة وفى الأخرة حسنة....الجروب

[ايه كمال]

المشاركة الأصلية كتبت بواسطة عبدالله حسن رياش

مع ضيفنا الثامن


نختار
>
>
>
>
أستاذ عبدالله حسن الرياش



ليجيبنا على أسئلتنا


أولا أشكرك على الدعوة الكريمة دي ، ويا مرحب بالجميع


كيف تستقبل شهرنا الكريم

زي الجميع الواحد بينتظره بفارغ الصبر تجهيز الطقوس الخاصة بالشهر الجليل ولكن باقتصاد
بأحاول تكون الامور الدنيوية مثل الأكل والشرب زيه زي أي شهر


كيف تقضى يومك الرمضانى

طبعًا هو سبحان الله الله اليوم بيبقى فيه بركة
ولأننا في أجازة " حيث أني معلم "
بحاول يكون مع الأولاد أكثر
خاصة لظروف سفري بعد العيد للعمل بدولة عربية
ده بالإضافة للتعمق أكثر في الأمور الدينية


مظاهر احتفال حضرتك برمضان

طبعًا شراء الفوانيس للأولاد
شراء مستلزمات رمضان وتعليق الزينات في العمارة " باقتصاد "
جعل شهر رمضان مميزا للأطفال
زيادة في قراءة القرآن
الإفطار مع الوالدة ، عزومات أسرية متبادلة


مظاهر احتفال محافظتك برمضان

شوفي
هي المحافظة عندنا من مميزاتها الارتباط العائلي والتمسك بالعادات
يعني لازم أول يوم في معظم البيوت يبقى وجبة افطار مجمعة مع الأسرة الكبيرة الجد والجدة والأولاد والأحفاد
أما البنات فبيبقوا في بيوت أزواجهم لممارسة نفس الطقس مع ازواجهم واهلهم
أما الشوارع فالزينات والأنوار المضيئة وتزيين الجوامع ده شيء أساسي
وتسابق الجميع على إفطار الصائم
يعني جو رمضاني جميل بجد .


هتفطرنا ايه؟؟؟؟
لو علي انتم تستاهلوا الدبح
أقصد يعني الدبح ليكم
عاداتنا في سيناء لما يكون في ضيوف مهمين زي حضراتكم يبقى لازم يكون في ذبيحة
خروف أو ماعز محترم
ويقدم معه الأرز




وعادة حضرتك بتفطر مع مين؟

لازم الأولاد من غيرهم كأني ولا كلت ولا حاجة ومعاهم والدتي
على فكرة أنا مرتبط جدًا بأولادي وبيتي
وطبعًا لابد من الافطار العائلي


فى انتظار رد حضرتك يا على مدار اليوم

بشكر حضرتك يا استاذ عبدالله على تلبيتك الدعوة
جزاك الله خيرا وتقبل الله منا ومنكم صالح الأعمال
وشكرا على كرم الضيافة

[عبدالله حسن رياش]

المشاركة الأصلية كتبت بواسطة ايه كمال

بشكر حضرتك يا استاذ عبدالله على تلبيتك الدعوة
جزاك الله خيرا وتقبل الله منا ومنكم صالح الأعمال
وشكرا على كرم الضيافة

أنا اللي بشكر حضرتك
بارك الله فيك