من ساسى لراسى عيوب

[عبد الله الرفاعي]

هذا الوطن حافل بالاشياء الجميلة والتي ستظل باقية الى الابد .. لأنها اشياء تجعلنا برغم كم المعاناة وعدم المساواة والظلم الذي نتعرض له متمسكون بوطننا نحبه ونرفض الاغتراب عنه والخروج منه .. هذه الاشياء الجميلة هي التي تدفعنا الى النقد كمحاولة بسيطة لتصحيح الوضع والصورة.
اعلموا ايها الاخوة أننا جميعا نعشق هذا الوطن ولا نقبل الاساءة اليه ولكن دعونا نفرق بين الوطن والنظام بين الشعب والحكومة .. بين مصر الارض والهواء والناس والتاريخ والقيم الجميلة وبين مصر النظام والحكومة التي اعطى البعض لانفسهم حق احتكار خيراتها وتجريف تربتها من اجل اطماعهم الشخصية.
مصر امنا مصر بتاعتنا اللي احنا عارفينها مش مصر اللي هم عاوزينها

هي أكيد أمه
ع التوتة ساعة عصر .. كتب الولد اسمه
على رمل شط البحر .. رسم الصغير حلمه
شافها قوام حبها
عرف الدفا في حضنها
حس بحنان قلبها
جري في العروق دمه
عرف الصغير انها
هي اكيد أمه

ع التوتة ساعة عصر ..شاف الولد قصة
فلاح بسيط غلبان .. الدنيا بيه حست
فلاح وماله ذنب غير بس احساسه
قتلوه في ساحة غدر والتهمة قال فاسه

شافوا الولد عرفوا .. مصري ودا وصفه
مد الصغير كفه .. ومسح دموع أمه

على رمل شط البحر .. كان الولد واقف
شاف من بعيد مركب الشوق عليه حادف
وهناك على المينا .. شافه في ايديه زينه
واقف وبيغني .. السعد جاي لينا

شافوا الولد عرفوا .. مصري ودا وصفه
مد الصغير كفه .. ومسح دموع أمه

رجع الولد للبيت وبص عالصورة
لقى شريط اسود والدمعة محسورة
مهما يقول الاه ازاي هيكرهها
والرمل دمه رواه لاجل يحررها

شافوا الولد عرفوا .. أبوه ودا وصفه
مد الصغير كفه .. ومسح دموع أمه


ومسح دموع أمه

........................ هي دي مصر أمنا اللي احنا مخلوقين عشان نمسح دموعها ........