خطأ شائع من وجهة نظرى انا محمد محمد زيدان

[بهاء هاشم]

المشاركة الأصلية كتبت بواسطة محمد محمد زيدان

على فكره باقى العناوين الموجوده قبل الخبر هى كل عناوين مقالات الجريده فى ذلك اليوم و لا تمط للخبر بصله و الأن أريد من أى زميل بالمنتدى أن يرسل إلينا خبر واحد مشابه موجود بأى صحيفه مصريه أو فرنسيه أو حتى بلجيكيه منشور فى باب
tourisme
و ساعتها سأعتذر لكم جميعا عن هذه الأراء الشاذه التى أتمسك بها
مع العلم أننى قد فتحت عشرات الجرائد و البعض يخصص باب للساحه و من المستحيل أن أجد بها خبرا واحدا يتعلق بالأثار من قريب أو من بعيد
و على فكره السؤال ده لو جه فى أمتحان رسمى و كان فى نموذج الأجابه tourisme
فأنا برضه مش ها أغير رأى لكن ده يبقى معناه اننا بنعلم الأولاد غلط فى غلط يا ساده هذه معلومات مغلوطه سببها أننا لا بنقرا و لا بنحاول نصلح مفاهيمنا الخاطئه و قد أعجبنى كلام الدكتور ذكى بدر وزير التعليم عندما تحدث عن الأخطاء العلميه بالمناهج و أن كان ممثلا للدوله و يعترف بذلك فمش عيب أنى أنا كمدرس أنى أعترف بخطئى و مش معنى أن فى مليون مدرس بيقولوا tourisme
أن الكلام ده صح
أيهما أصدق يا ساده هذه المقتطفات اللى عماليين نجيبها من جرايد الشرق و الغرب و لا الفكر القاصر الذى يجعلنا نعتقد أن كل ما هو أثرى يخص الساحه ؟
أسف على الحده فى القول و أعلم أن صدوركم تتسع لعتاب أخ لكم و لا نبغى إلا وجه الله

المشاركة الأصلية كتبت بواسطة محمد محمد زيدان

أين ردك يا عم إلهامى

أولا:اعتقد انك تناقض كلامك بشكل كبير كيف تقر ان المناهج مليئة بالاخطاء فى الوقت الذى تصر فيه ان نموذج الوزارة لا يخطأ ابدا وأنه وضع تحت إشراف نخبة ممن أسقونا العلم أعتقد ان كلام حضرتك متناقض جدا
ثانيا: انا حاسس ان حضرتك بتحاول تجر شكل السادة المدرسين وليس مجرد مناقشة سؤال أو جملة لان حضرتك بتقول على حد تعبيرك (فين ردك يا الهامى) وهذا اسلوب استفزازى
ثالثا: طالما حضرتك مقتنع برأيك ولا تتقبل الرأى الاخر وبتقول إن لو حتى الكتب قالت ان الجملة تقع تحت باب السياحة هتكون معترض وهتتمسك برأيك يبقى بتهيألى مينفعش النقاش مع سيادتك .
رابعا : يا ريت تراجع إجابات النماذج وحضرتك سيتأكد لك انها مليئة بالاخطاء ولو عايز اكتبلك ارقام الصفحات تحت امرك .
خامسا : هما السياح بيجوا مصر ليه ؟ مش عشان برده يشوفوا الاثار ويدخلوا المقابر التى تم اكتشافها ويزورو المتاحف والاشياء المعروضة يبقى الموضوع بيصب فى النهاية فى مصلحة السياحة .
سادسا : ارجو التركيز فى معنى كلمة (فن و أدب) وبلاش تقول ثقافه لان الطالب لو كتب ثقافه ستحسب له خطأ لان مفيش اصلا باب اسمه ثقافه كان زمان وخلص
سابعا : زاهى حواس مش بس شغال فى الثقافه ده يعتبر رئيس المجلس الاعلى للأثار ولما اصطحب سلمى حايك فى زيارة الاهرامات يا ترى ينفع نقول ان الجمله دى ادب وفنون ولا ثقافه طالما بقى بتتكلم عن زاهى حواس وان اى شئ يتعلق بيه يبقى ثقافه .
ثامنا : خلينا منضحكش على بعض ونعترف اننا بنقب ونكتشف عشان السياح يجوا يشوفوا على الجاهز وسعات كمان بنضحك عليهم بكلام فاضى عشان يدفعوا وخلاص يبقى برده ملهاش علاقه بالادب ولا الفنون .
تاسعا : انا اسف انى خرجت عن دورى كمشرف والمفروض انى اغلق الموضوع ولكن خشيت ان يقال اننى انفرد واتسلط برئى فتركت الباب مفتوحا لبعض الزملاء حتى يدلوا بأرائهم عل وعسى حضرتك تقتنع وتغير وجهة نظرك لكن يبدوا ان الموضوع خرج عن مجرد مناقشة جملة مجاب عليها بطريقة خاطئة زيها زى عشرات الجمل فى نموذج التقويم .

عاشرا : اكتشاف مقابر فرعونيه او افتتاح صاله للممياوات فى المتحف المصرى هتكون سياحه مش فن ولا ادب لانها تفيد فى مجال السياحه وتنشيطها ويا ريت منخلطش الامور ومش عشان حضرتك قرات كام مقال تحت عنوان culture يبقى لازم هذه الكلمة تكون مرادفه للأدب والفنون فانا اؤكد ان كلمة ثقافة ليست مرادفه لكلمة فن وادب
والسلام عليكم وارجوا من احد زملائى المشرفين ان يقوم باغلاق الموضوع ان رأى ضرورة فى ذلك لانى احس باحراج شديد اذا اغلقته انا