دعوة للاعتصام

[abunail]

يا جماعة الكلام ده كله ماهيجبش نتيجة الاول نحسبها بالعقل
لو بصينا فى كل مدرسة هنلاقى على الاقل نسبة من 50 الى 75 % من قوة المدرسين متعاقدين ان لم يكن فى بعض المدارس جميعها متعاقدين ويمكن الناظر اللى فيها ادارى واحيانا بيبقه متعاقد والكلام ده رايته بعينى
طيب يبقه بقه الاعتماد الاكبر على المتعاقدين اذا لماذا لا نطالب بحقنا فلنتظاهر واحد ممكن يقول يا عم وهم خاسس عليهم ايه ما يرمونا فى الشارع ويجيبوا غيرنا اقولك صعب قدامه زمن لسه لما يحقق اللى هو عايزه اللى احنا ما نعرفوش ايه هو ولكن اكمل انا سالت محامين كتير قالولى ان يحق لك التعيين الرسمى ما دام مضى على تعاقدك سنتين متصلتين وهذا الشرط محقق تماما ودى العبرة لما كانوا بيفصلوا عقودنا 15 يوم من 15 اغسطس حتى 30 من نفس الشهر ولكن فيه حد تانى قالى لازم تكون بتتقاضى اجرك من باب اول ودى لا اعرف عنها شىء فارجوا من الاخوة الافاضل توضيح هذه النقطة
اذا لا جدوى سوى التظاهر والمطالبة بحقوقنا وعلى راى المثل هيسخطوك يا قرد هيعملوا فيك ايه
حراااااااااااااااااااااااااااااااااااااااااااااااا ام
يقولك المدرس هو صانع الامه ازاى وهو اساسا لا عارف ياكل ولا يشرب ولا حتى يفكر دا الواحد من القلق والاضطراب ما عدش بينام طيب عايز مدرس يبنى امة وهو عايز اللى يبنية لاز يكون فيه استقرار نفسى واسرى لكى يتم ذلك
وييجوا لما يعينوا يعينوا بتوع الفصل الواحد اللى هم اساسا ما عندهمش طلبة فى فصولهم
يللا حسبنا الله ونعم الوكيل ويا رب عليك بالظالم وربنا ينتقم منهم جميعا وزيرا كان او غفير

[أ/محمد على عاشور]

المتعاقدين لا يتحركون بل يبكون من وراء شاشات الحاسب

[alaaelmassry]

كيف نبد أ وماذا نفعل انا معك

[مستر عبدالرحمن المغربى]

ربنا يكرمكم باذن الله يا شباب انها حرب شعواء حقا

[hishamhassan]

ربنا يكرمنا إن شاء الله

[MR : ABO BATTA]

لنا رب اسمه الكريم سبحانه وتعالى
نحن نلجأ ونقول
حسبي الله ونعم الوكيل في كل ظالم

[مني 22]

فعله بتوع الفصل الواحد اتثبتوه فى 1/8/2009 عندهم كام فى الفصل (على فكرة من غير امتحان ولا icdl ولاغيره ليه التفريق ده حسبى الله ونعم الوكيل

[kholio_]

المشاركة الأصلية كتبت بواسطة abunail

يا جماعة الكلام ده كله ماهيجبش نتيجة الاول نحسبها بالعقل

ياعم أنت داخل سخن علينا أوي كدة ليه
أولا نرحب بيك في منتدانا العريق
وأدعوك شخصيا الي الصبر حتي شهر سبعة والله المطلع يمكن يكون جديد وبعدها علي بدء العام الجديد هيكنوا هما في هوسة لو عملنا أحنا حتة إعتصام صغير ها يئلونا
"شبيك لبيك التثبيت بي أيديك"

[mmagdy_81]

الله المستعان

[mak2007]

أنا من وجة نظرى نستنى لحد شهر يولية ( 7 ) ولو ما إتثبتنا نحدد يوم موحد فى جميع المحافظات
وسبق وقلت فى تعليق آخر ( أحنا عددنا ليس بقليل فى المنتدى )
يعنى ممكن نعمل إعتصام يهز الجمهورية صدقونى أنا واحد من المتعاقدين الى فاض بيا الكيل
يعنى من الأخر جابت أخرها معايا وربنا يستر علينا من الأمراض

[جعلوسفى]

انا معاك كلنا لازم نعمل حاجة انا عمرى ماشفت ناس خوافة غير المدرسين انتم متخيلين انكم هتموتو ا لو تفصلتوا يعنى اللى مشغالش حكومة مات من الجوع حرام عليكم انتم بكرة تبقو باسر وبيوت والعمر بيجرى هتفضل حاطط ايدك على خدك الى متى ممكن يكون عمرك 24 او25 فرحان انك تعينت صغير فى ناس متزوجة وعندها اطفال وعندها 30سنة لازم نعمل حاجة احنا كلنا من محافظات مختلفة نبعت شكاوى للوزارة وللاكاديمية والى الرئيس ومحدش يضحك بكرة هيضحكوعليك يابوعقد .

[جعلوسفى]

رجالة قنا كلها معاك

[عامر فاروق]

متستنوش شهر سبعة ولا تمنية لا بد من وقفة وبسرعة

[teacher120]

احنا كلامنا متضارب ليه فيه اخوانا بيقوا شافوا نشرات التعيين بانفسهم والمسؤولين بتوع الاكاديميه اخبرووهم ان التعيين فى اول 7 وتعليقاتنا كلها مبروك ومتين مبروك وفى ايه نعمل اعتصام

يبقى نستنى الشهر الموعود اما نشوفوان كان مفيش نتجمع فى يوم واحد ونبقى رجاله ونبات على الرصيف وانا والله ويمين ربنا هيحاسبنى عليه مستعد انام على الرصيف ما دام فى سبيل الحق

[محمد محمد الجمل]

احنا ننتظر حتى شهر سبعة وهو قريب ولو محصلش حاجة نعمل إضراب عام فى أول يوم دراسة علشان يسمع هتقولوا لسة هنستنى لحد أول يوم دراسة هقولك ما انت مستنى بقالك 5 سنين . لازم الاضراب يكون فى ميعاد فعال والا هيعملوا فينا زي ماعملوا فى المعتصمين أمام مجلس الشعب ..... كنسوهم من على الرصيف !!!!!!!!!!!!
يبقى نتفق ان يكون الاضراب أول يوم الدراسة وكل مجموعة تضرب أمام الادارة التابعة لها فى يوم واحد و مدرسين القاهرة والجيزة يضربوا أمام وزارة التربية والتعليم ونبلغ أكبر عدد من الصحفيين والبرامج التليفزيونية وده هيبقى سهل فى أول يوم دراسة .
وانا هقود الاضراب فى ادارة شرق المحلة الكبرى . وعايز من كل واحد مستعد للفداء انه يدخل ويذكر الادارة التابع لها ويبدى حماسه فى تبليغ كل المتعاقدين فى ادارته . بأى طريقة سواء الاعلان أو كتابة المطبوعات وتوزيعها . عوزيين وقفة قوية لأن كفاية كدة بقى . وعقبال لما نقف هذه الوقفة فى وجه كل المعتدين ( أمريكا وأعوانها الخنازير).
والله الموفق لما فيه الخير لنا جميعا